عند غاده بعد ما روحت البيت
سامر / طيب يا حبيبتي
غاده / يعني انت موافق
سامر / اه يا حبيبتي موافق طالما هتبقي مبسوطه بس متتاخريش هناك
غاده / حاضر
سامر / بحبك
غاده / و انا كمان
قفلت معاه و قامت تحضر الشنط و بعدين نامت و عند نور نفس الكلام
عند سامر
سامر / الو
فارس/ ايوه يا سامر
سامر / نور كلمتك
فارس / اه و انت
سامر / اه طبعا بقولك ايه ما تيجي نروح معاهم و نعملهم مفاجأة
فارس / والله فكره
سامر / انا هكلم حمايا العزيز و اقوله اننا عايزين نروح معاهم
فارس / اشطا و انا كمان
سامر / و نكلم حازم و سيف كمان بالمره نتفسح يومين
فارس / فكره حلوه بردوا
كل واحد كلم حماه و وافق علشان يعملوها مفاجأة و كلموا حازم و سيف كمان و وافقوا
تاني يوم بعد الفجر
زياد / يلا يا ملك اخلصي
ملك وهي نازله علي السلم / خلصت اهو
هنا / طيب يلا
اتحركوا ووصلوا المطار وركبنا الطياره
بعد ساعتين كانوا في مطار شرم الشيخ
البنات نزلوا كلهم و زياد معاهم و بعدين اهليهم
و صلوا الاوتيل و هناك
زياد وزع عليهم المفاتيح و بعدين طلعوا اوضهم غيروا هدومهم و نزلوا قعدوا علي البحر
هنا / انا هقوم اتمشي شويه
زياد / استني انا جاي معاكي
غاده / و انا جايه معاكوا
ملك / احنا هنلعب هنا روحوا و متتاخروش
هنا / اشطا
فضلوا يتمشوا لحد ما لقوا صخره كبيره راحوا قعدوا عليها
زياد / مالك يا هنون متضايقه بقالك يومين
هنا / مفيش حاجة يا زياد يمكن علشان غاده هتتجوز و تسيبنا
غاده / متقلقيش يا قلبي لما تعوزيني هكون عندك ان شاء الله يوم الصباحية
زياد / شوفتي باعت جوزها علشانك بس مش دا اللي مضايقك انا عارف
غاده / خلاص يا زياد بقي متضغطش عليها
زياد / ماشي يا غاده انا عارف انها هتيجي تحكيلي
هنا / حاضر لما ابقي قادره هقولك
غاده / بقولكوا ايه نفسي اركب خيل
زياد / تصدقي و انا بقالي كتير مركبتش خيل
هنا / لما نرجع بقي
غاده / ليه هو مفيش هنا
هنا / مش عارفه
زياد / عادي نسأل و لو فيه نروح
غاده / اشطا تعالوا نرجع و انت روح اسأل و تعالي
زياد / اشطا انا هروح انا اسأل و انتوا ارجعوا اشطا
غاده / اشطا
بعد ما مشي
غاده / فكي بقي بدل ما ارمي نفسي من هنا
هنا بضحك / لو راجل اعمليها
غاده / اعملها
هنا مسكت ايديها / تعالي هنا يا مجنونه انتي عبيطه
غاده / فكي بقي و تعالي معانا
هنا / لا مليش مزاج
غاده / مفيش حاجه اسمها مليش مزاج هتيجي معانا يعني هتيجي
هنا / خلاص يا غاده بس مش انهارده
غاده / ما احنا مش هنروح انهارده
هنا / طيب تعالي بقي نروح للعيال نشوفهم بيعملوا ايه
غاده / يلا
رجعوا تاني لقوا جدهم قاعد و ملك ونور قاعدين علي الارض بيعملوا بيت من الرمل كأنهم اطفال صغيره
هنا بضحك / اللي يشوفكوا كدا يقول عيال عندها خمس سنين
غاده / اه اووي انتوا مش هتكبروا بقي
ملك طلعت لسانها / لا مش هنكبر كفايه انتوا كبرتوا
هنا ضربتها علي دماغها بهزار / يا جذمه قصدك ايه يعني
سالم / خلاص بقي هتعدوا تتخانقوا كدا
غاده / امال فين بابا يا جدو
سالم / كلهم طلعوا يناموا فين زياد
غاده / راح يسأل علي مكان نركب منه خيل
نور / خيل الله انا عايزه اجي معاكوا
ملك / وانا وانا
هنا / انتي خصوصا مش جايه
ملك / ليه كدا يا هنون يا حبيبتي دا انا حتي بحبك
سالم / طيب يلا انا كمان عايز انام يلا انتوا كمان
غاده / اه انا تعبانه اووي يلا
طلعوا علي اوضهم و ناموا
