بعد ما اتمشوا و رجعوا
غاده في نفسها / يا لهووي ايه اللي جابها دي
كانت نايا تجلس بجانب حازم و هي في غايه الغرور تجعلك تشعر انها ملكه مغروره و ما هي الا فتاه ليس لديها ما يجعلها بهذا الغرور
غاده راحت قعدت جنب هنا بهمس/ ايه اللي جابها دي
هنا ببرود / و انا مالي ممكن يكون عزمها
غاده بهمس/ طيب شوفي انا هعملك فيها ايه
و بصوت عالي قليلاً / ايه دا نايا انتي جيتي امتي
نايا بغرور / انا هنا من بدري يا حبيبتي
غاده / سوري مخدتش بالي منك اصلك مش ظاهره الواحد لسا مش واخد علي وجودك
نايا / عادي يا حبيبتي مش مهم تاخدي عليه
غاده ببرود / لا طبعا لازم الواحد ياخد باله من وجودك علشان يفرق بين وجودك وعدمه الا قوليلي صحيح مين اللي عزمك و لا انتي جيتي لوحدك هنا و لا هو اي مكان في حازم تروحي وراه
حازم بحرج / عادي يا غاده انا اللي عزمتها
غاده / انت علي العموم اهلا و سهلا بضيوفك يا استاذ حازم يلا يا جماعة علشان نتغدا و انتي يا نايا تعالي معانا و لا شكلك بتعملي رجيم انتي محتاجه الرجيم فعلا
و لم تعطيها فرصه للرد و قامت و اخذت هنا و ملك و نور معاها
بعد ما مشيوا
ملك / الله اكبر انتي جبتي الجبروت دا كله منين البت مكنتش عارفه ترد
نور / احسن بدل ما هي قاعده زي الطاوس كدا خليها تعرف مقامها
ملك / مالك يا هنون ساكته ليه
هنا / عادي بس يا غاده مش عيب اللي انتي عملتيه دا دي مهما كانت خطيبه حازم و ضيفه
غاده / خلاص بقي يا هنون محصلش حاجه هي اللي مغروره و لازم تاخد علي دماغها علشان تتلم
راحوا قعدوا و بعدين سيف وفارس و سامر جم قعدوا معاهم
سيف / غاده اتفضلي
غاده / ايه دا
سيف / شكولاته
غاده / ما انا شايفه ليه يعني
سيف / علشان اللي عملتيه من شويه ربنا يكرمك يا شيخه و يباركلك و يديكي كل الخير اللي في الدنيا
سامر / خلاص يا عم انت هتشحت و بعدين انت ازاي تجيبلها شكولاته يا حيوان
ملك / معلش يا سامر هات يا سيف الشكولاتة عنك طالما سامر بيغير انا مفيش حد يغير عليا اخد الشكولاتة انا
غاده / بس انا عايزها
ملك / جوزك قاعد اهو يبقي يجيبلك تاني
نور / ملك بطلي فجعه و هاتي حته
ملك / و انتي كمان جوزك قاعد يبقي يجبلك انما انا سنجل يعني سنجل و مش معايا شكولاته كمان
غاده / كلي كلي يا ختي
نور / بالهنا و الشفا
هنا / خلاص انا هبقي اجيبلكوا
ملك / و انا يا هنون
هنا / انتي ايه مش في ايدك واحده خدتيها من البت
نور طلعت لسانها لملك / احسن علشان تاكلي الشكولاتة كلها لوحدك
قعدوا اتغدوا
في مكان تاني عند حازم و نايا علي الشط بعيد عن الناس
حازم / انا ممكن افهم انتي ايه اللي جابك هنا
نايا / ايه يا حازم سألت عليك قالولي سافر ممكن افهم بقي ازاي تسافر من غير ما تقولي
حازم / انتي مالك انتي اسافر و لا لا و بعدين انتي بترقبيني و لا ايه
نايا / هو ايه اللي مالي انا خطيبتك يعني من حقي اعرف انك مسافر لازم تقولي
حازم / انتي قولتيها خطيبتي مش مراتي و بعدين انا مسافر مع صحابي انتي ايه اللي جابك
نايا / و ست هنا دي بردوا صحابك
حازم / و ايه اللي دخل هنا في الموضوع
نايا / لا طبعا ازاي ايه اللي دخلها طالما السفريه فيها بنات كان لازم تقولي علشان اجي معاك
حازم / فين البنات دول غاده مرات سامر و نور مرات فارس
نايا / طالما صحابك كل واحد جاي مع مراته كان لازم تقولي علشان اجي
حازم / مراته مش خطيبته افهمي بقي
نايا / والله افهم ايه افهم انك جاي هنا وراها
حازم / قصدك مين
نايا / هو في غيرها هنا هانم
حازم / هنا!!
نايا / اه هنا اللي حضرتك منزلتش عينك من عليها في خطوبه فارس و انهارده بردوا بس انا بحظرك يا حازم لو كان اللي في بالي صح يبقي هتترحم عليها
قالت جملتها ومشيت
حازم جلس امام البحر وبدا يفكر
حازم في داخله / يا ربي انا ايه اللي خلاني اعمل كدا حبيت واحده و رحت خطبت واحده تانيه علشان مش عايز ابقي ضعيف كان هيحصل حاجه لو كنت اتنيلت و رحت خطبتها بدل الذل دا و انا مش عارف حتي اكلمها و هموت من الغيره عليها ورحت خطبت واحده مستهتره مغروره مش بيهمها غير نفسها كل دا علشان اثبت لنفسي اني صح اهو كأني واقعت نفسي في حفره كبيره هطلع منها ازاي دلوقتي
