دخلوا المكتب
مراد / اتفضل اقعد
سامر / شكرا يا عمي
مراد / غاده قالت لي انك عايز تتقدم لها
سامر / ايوه يا عمي
مراد / ايه اللي عجبك في غاده
سامر / عاجبني فيها كل حاجه بس بحس ان في في عنيها حزن شديد
مراد / دا حقيقه انا دايما بحس بكدا
سامر / وحضرتك عارف السبب دا
مراد / اكيد مش ابوها وهي مش بتخبي عليا حاجه
سامر / وايه سبب الحزن دا
مراد / غاده مامتها ماتت بعد ما ولدتها يعني مشفتهاش خالص اتربت مع هنا من و هما صغرين بتعتبر هنا اختها بالرغم انهم مختلفين في الطباع الا انهم بيحبوا بعض جدا ودا اللي ساعد غاده انها تستحمل عدم وجود امها غاده رقيقه جدا ميغركش قناع القوه اللي هي لبساه والبوكس اللي هي بتلعبه هي شبه مامتها جدا لما بتزعل بتيجي تحضني وتعيط لحد ما تهدا خالص وترجع اقوي من الاول انت طبعا مش عارف انا ليه بقولك كدا وانا مش متاكد هي هتوافق ولا لا
سامر / بصراحه انا عايز اسال السؤال دا من بدري
مراد / غاده لو مش شايفه ان في امل بينكم ما كنتش قالت لي انك عايز تتجوزها غاده اتقدملها ناس كتير و كتير منهم كانت هي بترفض من غير ما تقولي لكن الباقي كنت انا اللي بجيبهم لها
سامر بغيره و لكن ايضا فرحه / يعني حضرتك شايف ان في امل انها توافق
مراد / 90% هتوافق
سامر / ربنا يباركلك يا عمي ويطمنك زي ما طمنتني
مراد / المهم كلمني عنك انت يا بني احنا هنفضل نتكلم علي غاده كتير كدا
سامر / طيب انا سامر العامري ابن جمال العامري عند 27 سنه متخرج من كليه الهندسه اشتغلت مع صحابي وسبت ابويا وفتحت شركه مع صحابي والحمدالله نجحت جدا
مراد / طيب انا عايز اسال عليك الاول وعلي اهلك وبعدين هحدد معاك معاد تجيب اهلك في
سامر / ماشي وانا مستني حضرتك
في الجنينه
زياد / فهميني بقي كدا كل حاجه بسرعه
هنا / ايوه صح انتي ازاي تخبي علينا حاجه زي دي
غاده ببعض الخجل / هو لسا متقدملي ملحقتش احكيلكم
زياد / انتي مكسوفه يا بت ايه دا ايه دا انتي احمرتي كدا ليه
غاده ضربته في كتفه / بس بقي بطل رخمه
هنا / انتي بتحبيه يا غاده
غاده / مش عارفه يا هنا مش عارفه بس شكلي كدا
زياد / الله اكبر
غاده / ممكن تسكت انت
زياد / يعني هي جت عايا يعني
قعدوا يهزروا و يضحكوا لحد ما حازم راح لهم
حازم / كل سنه وانتي طيبه يا باشمهندسه
هنا / وانت طيب يا باشمهندس
غاده / ازيك يا باشمهندس
حازم / الحمدالله امال فين سامر
زياد / راح مع عمي شويه كدا وتلقيه هنا
مراد / اتاخرنا عليكوا
غاده/ لا خالص يا حبيبي ولا يهمك
سامر / اعرفك يا عمي حازم صاحبي
مراد / اهلا بيك يا باشمهندس حازم
حازم / اهلا بحضرتك يا مراد بيه
زياد / تعالي يا نون اوريكي الهديه بتاعتي
غاده / انا كمان هاجي معاكوا اوريكي هديتي
هنا / عن اذنكوا
حازم / اذنك معاكي
مشوا
سالم / مراد تعالي لحظه
مراد / طيب عن ازنك دلوقتي
سامر / اذنك معاك اتفضل
بعد ما مشي
حازم / كنت معه ليه
سامر / طلبت ايد غاده
حازم بفرحه/ بجد مبروك يا صحابي
سامر / الله يبارك فيك يا زوما عقبالك
حازم / انشاء الله
تفتكروا ايه اللي هيحصل
