تاني يوم في غرفه غاده
غاده / الو يا حسام صباح الخير
حسام / صباح الخير يا غاده
غاده / انا اسفه لو كنت صحيتك
حسام / لا ابدا انا صاحي كنتي عايزه حاجه
غاده / اه كنت عايزه منك خدمه
حسام / خير اتفضلي
غاده / بص بكرا الصبح عايزك تيجي عندي البيت الامن هيخلوك تشوف فيدوهات المراقبه انا هقولهم كدا في واحده في فيديوهات المراقبه عايزه اعرف كل حاجة عنها و عن علاقتها ب حازم الشرقاوي
حسام / اشمعنا يعني
غاده / اصلي شوفتها واقفه معاه و عايزه اعرف علاقته بيها
حسام / ليه يعني
غاده / اصل البنت دي عملت حاجه مع واحده صاحبتي و عايزه اعرف عنها كل حاجه و علشان شوفتها مع حازم امبارح قدام البيت عندي فقولت يعني انه ممكن يعرفها علشان يعني لو في حاجه بينهم معملش معاها حاجه فاهمني
حسام / اه اه فهمت طيب بكرا بليل كل حاجه عنها هتكون عندك
غاده / و حاجه كمان مش عايزه حد يعرف عن الموضوع دا حتي هنا
حسام / تمام
غاده / طيب سلام
حسام / سلام
غاده بعد ما قفلت / يا رب ميكونش فيه حاجه بنهم يا رب ارزقها بيه يا رب
غيرت هدومها و راحت تصحيهم علشان يروحوا النادي
غاده خبطت علي هنا وبعدين دخلت
غاده / صباح الخير
هنا ببتسامه / صباح الورد يا قلبي
غاده / ايه شكلك منمتيش كويس
هنا / اه كنت تعبانه و علشان سهرت شويه لحد مرجعتي انتي اه صحيح انتي عملتي ايه مع سامر امبارح
غاده قعدت جنبها علي السرير / مفيش جابلي ايس كريم و اتكلمنا شويه
هنا ببتسامه / اكلمتوا في ايه
غاده / دا مجنون عايز نتجوز بعد شهرين و بعدين غير رأيه و بدل شهرين بقي شهر
هنا / ربنا يباركلكوا يا دودي
غاده / يا رب و عبقالك يا نوني
هنا / لا انا صرفت النظر عن الموضوع دا
غاده / ليه كدا
هنا / كدا خليه هو يعيش مبسوط معاها بقي و خلاص
غاده / متقلقيش ان شاء الله مش هيبقي فيه حاجه بنهم
هنا / لحد ما اتاكد انا هصرف نظر عن الموضوع
غاده / ماشي يا قلبي يلا غيري هدومك علشان نروح النادي مع بعض
هنا / ماشي يا قلبي
غاده / انا هروح اصحيهم بقي
هنا / تمام
راحت بعد كدا عند نورهان
غاده خبطت علي الباب و بعدين سمعت صوت نور
نور / ادخل
غاده / صباح الخير
نور ببتسامه / صباح النور
غاده بغمزه / رايقه يعني
نور / ما شاء الله
غاده بضحك / ماشاء الله يا حبيبتي هو انا هحسدك يعني
نور / بهزر
غاده / ماشي يلا البسي علشان هنروح النادي
نور / تمام
غاده / انا هروح اصحي ملك و هستناكوا تحت
نور / تمام
غاده راحت لملك و فتحت الباب من غير ما تخبط لقيت ملك نايمه علي الارض
غاده / ملك انتي يا بنتي قومي يا مللللللللككككك
ملك / امممم
غاده / يا بت قومي
ملك / عايزه ايه علي الصبح يا غاده انا غلطانه اني ببات عندك
غاده / كل مره بتقولي كدا اخلصي علشان هنروح النادي و لو مقومتيش هنسيبك و ننزل
ملك / طيب
نزلت تحت
غاده / يا داده
فاطمه / ايوه يا غاده صباح الخير
غاده / صباح الياسمين يا داده قوليهم يحضروا الفطار
فاطمه / ماشي يا حبيبتي
مراد / صباح الخير
غاده / صباح الفل يا حبيبي
مراد / عامله ايه يا قلبي
غاده / الحمدالله يا حبيبي
مراد / سامر كلمني وعايز يجي بليل يتكلم معايا في حاجه
غاده / اممم و بعدين
مراد / انا بقولك علشان متتاخريش
غاده / حاضر
هنا و سالم / صباح الخير
مراد و غاده / صباح النور
هنا / امال فين باقي البنات
غاده / نور بتلبس و ملك مش عارفه ليه شاكه انها نامت تاني لا انا مش شاكه انا متأكده
نور / صباح الخير
الجميع / صباح النور
غاده / امال ملك فين
نور / دخلت عليها كانت نايمه صاحتها و دخلت الحمام و انا سبتها و نزلت
غاده / شوفتوا كنت متأكده
هنا / طيب عبقال ما نفطر تكون خلصت
نور / و انتي عايزه ملك تخرج من غير فطار
سالم / اه صح دي كانت كلتنا كلنا و فطرت و بعدين تخرج
قعدوا يضحكوا
ملك / بتضحكوا علي ايه
سالم / ياريتنا افتكرنا مليون جنيه
ملك بغرور/ انا اغلي علي فكر ثانيه ثانيه انتوا كنتوا بتتكلموا عليا
غاده بضحك / تخيلي
هنا / طيب يلا علشان نمشي
ملك / استنوا هفطر
قعدوا يضحكوا تاني عليها قعدت و فطرت و بعدين خرجوا كلهم
