حلات الحب عذابه

8

صباح الخير والورد
مبارك الكم عيد الغدير احبتي ...
#حلات_الحب_عذابه 8
الجزء الثامن
#نورا_غدرني_الزمن
#قصص_ليل_وعشگ

علاء...ماتصورت تضم عليه ابد ..گلت الها هالكلام بعصبيه وانه معصب منها كلش سديته بوجها ..طلعت بره تنفست شويه ورجعت ..اجت المسامعي شهگتها وهي تبجي ومن تگولي ضربوني وتكولي امي انقهرت عليها...ماراح اسمح الهم يدمرونها وحبي الها فوق كل شي...ومدام هم الي خلوها بطريقي .. خلص هم يتحملون ذنبهم .
قررت اروح اخطبها وشيصير خلي يصير
رجعت اتصلت بيها ..وگلت الها راح اجيب اهلي يخطبوج ..
نور...علاء اســـفه
علاء..ووين اصرفها هي الاسفه
نور...خفت علاوي وانضغط عليه بشكل متتصور شكد
علاء... هسه روحي معصب منج ومااتحملج بس ماكدرت اخليج تنامين زعلانه ليصير بيج وانت نايمه
نور..تخاف عليه حبيبي ..اووف يربي وين الله وتصير الي واصير الك ..
علاء..اذا مو الي متصيرين الغيري
نور... يعني شون
علاء...يعني احركج واحركه حركه واحرك اخوانج والمنطقه كلها اذا ماصرتي الي
نور...يمه تخوف انت علاء
علاء...لاااخوف ولاشي بس شوفي شراح اسوي..
نور...منتظرتك وكل شي منك اريده
علاء..يله نامي ومسحي دمعج وباجر يصير خير
نور..اوك حبيبي تصبح ع خير ..سديته منه
شكد فرحني ..يمه شكد احبه ..اشكرت ربي لان طلع من صدگ يحبني .. واثبت الي حبه
خابرت على احلام متجاوب نايمه ..

صار يوم ثاني ..كعدت نفسيتي احسن بس مابينت كدام حازم ومرته شي .. وكعدت اباوع الوجهي بالمرايه .. جوه عيني اليسره زراك وخدودي اثار اصابع .. شون رح اقابل اهله .. بعدها دك تليفوني ..احلام تتصل بيه

الو احلام ..
احلام ..هاولج صباحو شسويتي
نور..كتله وراح يجيب اهله ويخطبني
احلام ..صدك ولج يحبج هذا الله يخليكم البعض
نور...ياربي يوافق حازم ..
احلام..والله شأگلج يانور ..ماادري هي زهرو اذا راسمه عليج ..ماادري والله شگولج
نور..فدوه خليني فرحانه تره حيلي انهد والله بالبجي والتفكير والحيره
احلام..اسفه نواره انتبهي ع نفسج عفيه
نور..الله كريم بوسيلي علو مشتاقه اله ..
احلام..هذا هو يحاجيج ..
نور..عاد حاجيته العلاوي ..وسلمت على احلام وسديته بعدهه
قبل العصر بشويه .. سبحت ومشطت شعري لبست كلبيه ورديه مخصره مابدلت حتى ليحسون عليه حازم ومرته  وخليت شويه باودر اباع الوجهي الاثار شيروحها ماكو متروح ولاعندي خافي عيوب او اي كريم. استخدمه .. شكد فشل شون راح اطلع كدامهم ..  بعدهه خابرت علاء ..
علاء..هاا نور ..لشويه ويجون اهلي عليكم انطيتي خبر لاهلج
نور ...لا علاء ماگلت الهم
علاء...ليش شگوللهم منين اعرفهم وشون اجو عليه ..خليهم هم يدخلون ويطلبوني احسن ..
علاء..امم ماشي
نور..علاوي
علاء...روحه وگلبه ..ولو گلبي مليان منج بس سهله
نور.. هههه اشو تهدد بالله شتريد تسوي
علاء...اسوي عندج اعتراض
نور...شنو
علاء...صيري الي ..واعضج عضه معدله
نور...ههههه يححح وين تعضني
علاء..بركبتج ولو ماشايفهها بس اعضج منها
نور..يممه كلشي منك اريده عادي اسفه حبيبي سامحني
علاء..حضري نفسج اريد امي تشوفج حلوه
نور...حضرت نفسي 😔
علاء...يلا اشويه ويطلعون باي
نور...باي
كعدت انتظرهم . .. اندكت الباب ..طلعت اركض للباب افتحه لان ..اذا تفتحه زهره مراح تخليني ..افوت يمهم اكيد .. فتحته