حلات الحب عذابه

18

#حلات_الحب_عذابه 18
بقلم نورا غدرني الزمن
الجزء الثامن عشر

بقيت ع حالتي هي الاان سمعت صوت التليفون رفعت راسي شفت نفسي نايمه يم الباب .. كمت جسمي كانه متهشم ..شفت الساعه 5ونص مغرب والدنيا شتا علاوي طلع ساعه 3كلت يمكن هو ديطمني عليه ان وصل رحت شفت مكالمه من احلام ملحكت عليها رجعت اتصلت بيها كالت تريد تجيني وتريد عنوان الشقه ....انطيتهه العنوان بس صدوك مستحيه منها شون اشوفها وجهي حالته حاله ..ورقبتي ...وهي ياما نصحتني ابتعد عن علاء مسمعت منها عاطفتي ومشاعري  غلبت عقلي  رحت رتبت نفسي .. خليت ميك اب وكريم ع رقبتي عود ضيعت الندوب والتكعات .. علما تجي اتصلت بعلاء .. ماجاوبني .. كعدت انتظرها ..شويه اندكت الباب فتحتها الها ..سلمت عليهه ودخلتها وحدها جايه .زوجها بقه يم العماره جوه ينتظرها .كالت  اسفه اجيت هيج وكت بس مااتحملت مااجي اشوفج .. جنت يم اهلي وانت مدام قريبه امر عليج .. كوليلي تره تحمست شونج ويه الحب ..

نور...تحسرت زينه .. كمت اريد اقدملها شي سحبتني من ايدي .. دمعت عيوني گلتلي  شبيج ولج ..ورجلج وينه اشو ماكو خير

گتلها راح للعماره زوجته تعبانه ..
احلام..اهاا ميخالف حبي لتهتمين مدام تزوجتو معناهه يحبج ويمكن صدك زوجته تعبانه .. قدري ضرفه يمكن بالايام الجايه يتحسن وضعكم وتصيرون احوال

نور...احلام اني متأذيه من جوه شويه كولي شسوي
احلام ..عادي حبيبتي تصير هي كل وحده عروسه هيج

نور...بس كلش متأذايه
احلام ...اي حبي اذا ممتحمله الوجع امشي ويايه راح اروح باجر عندي مراجعه يم الطبيبه ..هالشهر ماكو (....)ورايحه اراجعها
نور...يارب تطلعين حامل دعيت الكم انت وروى مرت حازم يارب تحملون وتجيبون بيبيات ونفرح بيكم
احلام ..وان شاء الله يوم الج انت وربي يهدي الج زوجج ..خطيه رؤى حبابه رحت قبل شويه شفت علي وطلعته الي مبدللتله ومأكلته

نور... هي تحب الاطفال خطيه  الله مارزقها استغفر الله لااعتراض على حكمه
احلام ..حبيبتي اني اروح .قيس ينتظرني اتاخرت عليه ..واذا ترحين ويايه ابعثيلي مسج
نور... ماشي ابلغ علاوي واكولج

طلعت احلام ..رحت للفون اتصلت على علاء ميجاوب بقيت قلقه عليه .. اتصلت مرتين ماكو .. كعدت انتظر منه اتصال جيكت مواقع التواصل مالته لكيته نشط قبل نص ساعه يعني شاف مكالمتي الاولى ليش مااتصل ..
كمت توضيت وصليت ودعيت الله يحفضه الي وكون مابي شي ..

بعدها بعث الي مسج فتحتها لكيته كاتبلي نور اني وصلت للبيت من كم ساعه ومااكدر اتصل بيج لان مشغول شويه اذا صار الي مجال اتصل لا كل شويه تتصلين بيه ماشي

انقهرت عود ليش ميكدر يبوك روحه شويه يحاجيني .. بس هي نهار كله يحاجيهه وكبالي وحتى لو هي مريضه اني هم عروسه  والي حق بي ..يربي شهالعيشه خرب بحضي هي هم حياة هي .. ملل ياالله .. اتصلوا صديقاتي وكالو يجون .. اخذو موعد كالن من الكليه ونجي الصبح .. وسألوني شونه الحب والزواج اكيد هسه نايمه بالعسل كتلهم اي عود عسل عسل وضحكت ماردت ابين الهم شي .. بقيت محتاره شسوي ياربي ملل ملل ووحدي لو بيت اهلي اتلهه ويه الجهال وامي شون بيه ..لزمت التليفون وخابرت ع رؤى وحاجيت امي ريحتني دعواتها .. سديته منها ورحت اتصفح بالنت .. شافني صديقاتي نشط راسلني ولج عايفه الحب ومكنكه دروحي نامي بحضنه شبعي منه ميدرون هو عايفني ورايح للحب مالته ..عفت الفون وين ماروح اريد اتلهه يذكروني بي ..ساعه سوده من حبيت ..رحت سويت الي سويت الي عصير موز ووياه حليب شربته مااشتهيت اكل اي شي .. غسلت ونضفت اسناني ورحت للفراش انام .. صارت ساعه ب1:00بقيت اتكلب مااجاني نوم .. سمعت تليفوني يرن بالصاله منو يدكلي هالوكت .. ياا اخذته شفت علاء يتصل مسجلته حبيبي ..جاوبت الو
علاء..هلا بعروستي
نور ..هلا حبيبي توه يلا حن گلبك عليه وخابرتني
علاء..ممم ليش نايمه وصحيتج
نور ..لا حياتي توني اريد انام مشتاقتلك
علاء..موبكدي والله اي شكو ماكو
نور..اجت احلام مساع المغرب ..باركتلي حبيت اكولك راح اروح وياهه للطبيبه
علاء...ليش خيرج مريضه حبيبي
نور..لا بس شويه متاذيه -----
علاء....اممم وانت شكو تحجيلها كول شي هااا
نور...لاحبيي محجيتلهه .. ابد بس هي عدها مراجعه وراح اروح وياهه
علاء...امم عبالي ..اي روحي عدج فلوس ؟!اسف اني مخليت بيدج فلوس صارت مصاريف هوايه عليه مالت العرس
نور...وله يهمك حبيبي .. اي عندي لتخاف
علاء..اوك ماشي يله راح انام محتاجه شي
نور..محتاجه الك بس الك
علاء..اممم يلا تصبحين ع خير
نور... علاء احبك
علاء..واني بعد ياروحي احبج