حلات الحب عذابه

تكمله 12

صباحكم ورد وحب
هذا البارت تكماله لبارت البارحه القصير

#حلات_الـحب_عذابــــــه
الجزء الثاني عشــر
غدرني(الزمن)نورا

نور..رجعت للبيت ..وانتظر العصر يجي واروح اله للبيت .. شكد مشتاقه اله بكد الدنيا ..

صار العصر..بدلت لبست الجبه ورتبت نفسي ورحت يم امي گتلها ..رايحه لاحلام .. گالت روحي وسلميني عليهاا وموتتاخرين للمغرب گتلها لا ساعه وحده واجي ..

طلعت من البيت..وادعي كون يصدف وهو موجود واشوفه ..رحت اتمشى الطريق كله فرحانه واكول اي هسه يشوفني يفرح بيه ويرجع الي ..

وصلت البيتهم .. دگيته ..وبقيت انتظر .. جان يطلع الي هو .. من شوگي اله ردت احظنه بس اكتفيت بالابتسام اله وهو خازرني وگال..
علاء...شعندج جايه
نور..اريد احاجيك
علاء ..ماكو بينه حجي روحي وبينما اريد اسد الباب هي دفعته بأيدهه ..
نور..بس كلمتين واروح
نور...سحبتهه من ايدهه فوتتهه..جوه . طبگت الباب وصفيتها على الباب وحصرتها بيني وبينه..وخليت ايد علي وايد متخصر بيهه
وگتلها احجي اسمعج ..
نور...خليت ايدي ع صدره گام بعدهه عني توقعت راح يرضى عني ..صرت اباوع العيونه ..واتنفس نفسه القريب مني.. گتله عفيه .. علاء سامحني غلطت بحقك بس هالمره ..

علاء..مااسامحج جرحتيني ورحتي قبلتي بي هذا المدمن ..بينما اني كانت نيتي صافيه وياج وماحبيت العب ..عليج رغم كل الي سوو وياي اهلج .بس حبيتج ماتوقعت تجازيني هيج.. وخليهه ترچيه بإذنج مو اني الي انكسر وانذل

نور...شنو الي يرضيك عني بس گولي علاء مستعده اسوي

علاء..ماكو شي...وخرت من يمها وگتلها ..
خلص الي بينه انتهى .. والي انكسر مايتصلح

نور..زين ارجعلي صديق مو شرط ترجعلي حبيب
علاء..الحب مستحيل يتحول الى صداقه يتحول ذكرى الم وجع لوعه بس صداقه لا

نور...هذا اخر كلام عندك .. ؟

علاء..اخر كلام ..اتمنى الج التوفيق ..

ما دام صرنه غرب ادعيلي وادعيلك
ونرجع لأول درب
من چنت خالي گلب
من غيرك اشكيلك
ومالك شغل بالبچي
ولاتنصح أعله السهر
بس نام وادخيلك
بهتت صدگ عازتك
تارسلي دنيا چنت
هسه شترس ليلك  ؟
باولها من جربت
ثاريك ونسة وكت
مومال عشره وعمر
ولا مال نبچیلك
لا صاحبي ولا عرف
ولا بيك شدة نزف
ولا أمي تدعيلك
.

نور..ماردت انزل من كرامتي اكثر واتوسل بي توقعت مع الايام راح يرجعلي بس توقعي موبمحله ياخساره خسرته ..طلعت من يمه الدموع بعيني والغصه بقلبي والندم بروحي عيوني غوشت اريد اوصل للبيت رجليه تمشي بس احس مدداصل .. وصلت ودخلت للبيت .. محد شافني اخواني بالشغل وامي نايمه وزهره يم اهلها ..كعدت ابجي احس بالندم بالحيره خساره عذاب الضمير الظلم كل احساس الالم بيه ..