حلات الحب عذابه

14

#حلات_الحب_عذابه 14
بقلمي نورا

❤❤❤:
شفتک والعشگ، ردنی لـْهواک اردود⭕️

ونظر عینک الــقاتل  للــعشگ  ردنی🔙

هم ذلنی #وهملنی و،چن عِمانی الشوگ⁉️

ورجعت اردود أحبّک وانت متحبنی😔

نور ....داومت  وتغيرت حياتي كلها اخواني انطوني كل الحريه  وفلوس وصار عندي صديقات بالكليه ونطلع سوه ونتسوگ ونشتري ..اباع الروحي شكد صرت حلوه تغيرت .. وينك ياعلاء تشوفني .. اوف شكد صارحوني  بس ماسويت علاقه ابد صرت مرحله ثانيه كليه .. رجعت الي حيويتي .. وضحكي بس بداخلي مجروح ومهمومه ..

بفد يوم كنت بالكليه ..كاعدين بالحديقه اني وصديقاتي فصار بينه شقه وضحك اني الكل يعرفني ضحكتي فضيحه مو اجذب النضر لا وانما مااكدر اكتمها.. نوب شفت واحد ديمشي المشيه مشيته اي هو علاء بس شنو صاير احوال ومعضل ومرتب مو نفس اول ابد ..كمت من يم صديقاتي ورحت تبعته بخطوات   ..شفته دخل للقسم ..اجن صديقاتي يكولن شبيج كتلهن ماكو شي

بقيت متوتره والكل انتبه عليه ..كالن يله بدت المحاضره كتلهن مااريد اطب صيحت بوجهن رووووحن عوفني بعدين نحجي هن يعرفن ماعندي شي .. حيل استغربن من تصرفي ..بس يعرفن خبالاتي...راحن وبقيت بمكاني ماتحركت انتظره .. وكلبي يدك ..

صرت افكر شون راح اجذب نضره الي.. شفته طلع فكرت بخطه ..باوعتله ديمشي وي الاستاذ ..ولابس نضارات .. شمسيه ويمشي ويباع لخطواته بالارض ..رحت باتجاهه وصلت قريب اله شمرت من ايدي الملزمه قريب اله دنجت عليهه وضربته بكتفي ع رجله ..وكعن الكتب الي بايدي البقيه .. عاد هو انتبه نزل يمي يلم ويايه الكتب باوعتله باوعلي .. ونزع نضاراته ..وظل صافن بوجهي ..داارتب الكتب وهو يناوشهم الي انتبهت ع الحلقه بأيده ...اتنرفزت حيل .. كلشي وكف بيه اخذت كتبي وكلت اسفه ورحت امشي ..بالحديقه .. دمعت عيوني وگلبي انكسر داخلي تهشم مثل الزجاج

علاء...كان قلبي حاس راح اللتقي بيها بس مجنت متوقع اليوم .. من شفتها حسيت بس اني وهي بالدنيا ..ومن صدك تمنيت بس اني وهي بالدنيا حتى احظنها ابوسها واذوبهه بحظني .. بس شفتها اتنرفزت وراحت ..

كلت لصديقي .. بس دقيقه واجيك ..كال وين تره عادي تصير هي گتله لا الي بيها معرفه قديمه ..گال هاا اوك عفته ومشيت وراها ..وهي تمشي سريع .. ونوب صعدت ع الثيل ولبسها حصر ولااتوب من هاللبس .. گدرت اللزمها من ايدهه ..وادورها عليه باوعتلي وگالت شتريييد ..
علاء...عود شونج
نور..شلك علاقه بيه اعرفك تعرفني
علاء....هههههه اوك براحتج. .ودرت وجهي اريد اروح .. مشيت خطوات صاحتني
..علاء..درت عليهه مبتسم .. نعم
نور..مبروك الخطوبه ..
علاء....تقدمت الهه باوعت للحلقه عرفت سبب هربها ..ابتسمت بعد ماوصلت قريب الها حيل ..كتلهه تسلمين .. يوم الج ونفرح بيج
نور....ان شاءالله
علاء...امم عرسي عن قريب .. تحبين اعزمج
نور...اي والله ياريت
علاء...وتجين ؟!
نور...هو اكو احلى من عرسك احضره
علاء..ماشي رقمج القديم بعده
نور..يي ..بعده
علاء...شعجب ممغيرته ..لو كنتي تنتظرين اتصال من شخص .. ؟
نور..اي وعرفت سبب عدم اتصاله ..اترخص بالتوفيق ..ودرت اريد اروح
علاء..انتظري اتصال مني ماشي
نور...اشرت اله بيدي عود باي راح وبعد مشفته بقيت كل اليوم متوتره ..اجن صديقاتي شافني ..اسمهن افراح وورده گالن خيرج شبيج ..شفتهن عبالك كنت محتاجه احد يگولي شبيج .. انفجرت بجي هن استغربن ..
افراح ..هسه جنتي تضحكين شجاج
نور..ولج افراح تعبت تعبت اضحك وبداخلي كلشي محطم ومكسور ..
افراح ..لج اسم الله شبيج ..وكعدت يمها ع المصطبه
نور..ولج خطب خطب خلص اخر امل عندي راح
ورده ..نور انت تحبين من شوكت ؟
نور..من هواي وانفصلنه وهسه شفته . عفيه اريد ارجع للبيت اريد ابجي اللطم املخ روحي
افراح ..حبيبي اهدي راح ينتبهون علينه
نور..مينتبهون معليه بيهم تعبت تعبت اختنكت شهالعيشه .. گضيت اليوم كله بجي ولامحاضره فتت ..صديقاتي تعجبن عليه شون عندج كل الهم وانت كله تضحكين