حلات الحب عذابه

17

#حلات_الحب_عذابه 17❌🔞

بقلم نورا غدرني الزمن

كعدنا المغرب . بدل وراح لاهله .. يوم ثاني جان جمعه .. كتله تعال تغده يمنا كال لا رايح اشوف النه شقه اكو ولد كايل الي عليها

والسبت هم ماشفته مااجه .. كال حصلت الشقه ورحت اتفق ويا صاحبها ع كل شي والعصر لازم اطلع ع وقت ....

خابرني السبت بالليل كال وصلت للعماره كتله اوك بعدها ماتصل بيه ومرت الايام وراها اتصل وحددنا موعد العرس وگال جهزي نفسج

خبرت صديقاتي واحلام كتلهم اريد اجهز هنه وكفن الي وكفه رحنا للسوك وجهزت كل شي رغم اهله ماوكفو ويايه بس صديقاتي ماتخلن عني ..

صار موعد العرس .. كال راح يكون عرسنه بسيط لان ضروفي صعبه وهواي صار عليه صرف كتله ماشي حبيبي اهم شي احنه نصير البعضنا ..

تحدد العرس المصادف جان خميس .. وكال حجزت غرفه  بفندق النا. ...قبل العرس  اجني افراح وورده وسوولي شيره معدله ههههه وتولوني نتف .. بعدهه رحت للصالون وسويت تغييرات سويت كيراتين لشعري  و  صبغته الي اشقر وخصلات اشقر زيتوني ورسمت حواجبي .. وغير شغلات مثل تنضيف البشره وبدي كير ..

اجه الخميس ويافرحتي ..اختاريت بدله بيضه مفتوحه من فوك بدون اكتاف وكصة صدرها ع شكل قلب  ومدنفشه .. وسويت تسريحه رفع .. ووياهه تاج ومكياج لبناني... اجه عليه للصالون لابس القاط نيلي ويلك نيلي وقميص سمائي ورباط نيلي وبي زخرفه سمائي ومحدد لحيته فدوه لهالعيون العسل گلت بگلبي  واني طايره فرح بشوفته .. رحنه للتصوير صورنا ورجعنا للبيت ..كعدت بالهول وهو رجع يجيب اهله .. كعدوني ببيت اهلي اللتمو عليه بنات حازم وعلي ابن محمد وامي ماوكفت دمعتها ..كعدت يمي بوستها كتله لتبجين ماما اني فرحانه .. واحبه ..كالت الله يسعدج شريد انه بس سعادتج بوستها ع راسها واجو يمي بنات حازم لابسات بدلات عرايس ويركصن بوستهم.. بعدها اجو اخواني بوسوني وسلمو عليه .. مرت ناظم شاورتني گلتلي الليله ليلة دخلتج ادعيلي الله يرزقني طفل .. الدعاء مستجاب لان عروسه .. ابتسمت الها وهزيت راسي وگتلها ماانساج بالدعاء ..احلام كاعده بصفي ولازمه ايدي .. ودموعها بعيونها عليه .. جان تكولي فرحتلج ادري بيج شكد تحبينه ..

سمعنا صوت سيارات .. وهورنات كالو اجوي كلبي طار من الفرحه .. اجه باسني ع راسي وكعد بصفي ..ظلوا يصفكون ويهلهلون .. امه ومرت اخو وكم مره ..عددهم قليل .. كال يلا امشي كوموني ..سلمت على امي بوستهه ومسحت دمعتها ودمعة وياهه .. اخذني من ايدي وغطاني .. ورحنه نمشي لازمين ايد بأيد .. وصعدني بالسياره .. وراح من الجهه الثانيه صعد وكعد يمي ولازم ايدي ويبوس بيها .. زفونا للفندق .. دخلنه للفندق .. وكعدت ع السرير نزع سترته واجه كعد يمي نزعني البرنص حضني قوي وصار يبوس بالاجزاء المكشوفه من الفستان ...بعدها اندكت الباب راح هو فتحها ..اخو وصاحبه جابو النا عشا .. كال ولج يله كومي بدلي حتى نتعشه لان مااتحمل جمالج هيج بعد