حلات الحب عذابه

16

#حلات_الحب_عذابه 🔞
السادس عشر

بقلم نورا غدرني الزمن

نور....من گال هيج من صدگ انصدمت .. واحتقرت حتى نفسي ... گتله انت شنو من بشر .. هيج اني رخيصه عندك .. تتزوجني بالسر

علاء....لا ولج مو هيج لزمتها

نور..وخر عوفني وخر ..دفعته ونزلت رحت اركض لبيت احلام ...هو مكدر يجي ورايه .فتحت الباب البراني .. وفتت بالطرمه ..انهاريت بالبجي .. استحيت افوت هيج .. خابرتها تجيبلي علي اخذه واروح احسن مابيهه مجال بعد اريد اروح للبيت ادخل للغرفه واقفل الباب .. وابجي لحد ماارتاح

گتلها عفيه جيبي بره .. هي تفاجئت بصوتي اجتي فتحت الي باب الصاله البره ودخلتني

احلام ... ولج شبيج شخيرج شسوالج ..

نور...يكولي اتزوجج بالسر معقوله اني هيج رخيصه
احلام .. ايا طايح الحظ لج وينه اله اطلع اطيح حظه ...
نور ...عوفي يولي ..احجي وابجي ..
طلعت احلام لتشوفه وتحاجي من عصبيتها رجعت كالت ماكو طالع ..اخذت مني تليفوني وخابرته . ورزلته ياطايح الحظ هيج بنات رخاص عندك ترضاهه لاختك هيج يسوون بيهاا ...بعدهه سدته ..گالت يگول لاتدخلين بيناتنه احنه ومااقصد شي غلط هي فهمت غير شي .. ونور تخصني الي وبس واحبها ومااتنازل عنها .نوب كالت احلام تردين الصدگ نور انت رخصتي نفسج اله مهما يكون حبكم تره صار ماضي هسه تزوج وخلص ليش تطلعين ويا وتخلينه يمشيج على كيفه .

.نور. اني كعدت بس ابجي دخلو امها ومرت اخوها واختها مسحت دموعي كالتلهم ركض وراها جلب وانصدمت واجت خايفه .. جابولي مي وعصير شربت لارتاح

صار المغرب ..اجه رجل احلام طلعنا سوه صعدت بسيارته مرينه ع بيت علاء انعصر گلبي بس مشفته  وصلنه لبيتنه ..رحت لغرفتي رئسا قبل لاابدل ..طلعت الفون كسرت السيم كارد ..وفرمتت الفون لحتى مااشوف مسجاته ..

كعدت بالبيت كم يوم مكتئبه كلش صدمني والندم اخذ جزء مني تندمت شون رجعت اله هي كلها حوبة مرته خليته يخونها مهما يكون مرته وبالحلال حتى وان مايحبها خلص كلشي بالحلال حلو وهي حوبتها بيه

رجعت داومت وشمرت كلشي وره ظهري ايامي ويا وذكرياتي كلها جانت محاوله لااكثر ... كلما يجي واحد يصارحني نحجي سوه اقل من يومين تلعب نفسي منه اي واحد ماكدر ياخذ مكانه العلاء .. بقى مكانه بالروح والقلب طبعه ومتنمحي

مرت ايام ..اشوفه جاي للكليه واحسه يدور عليه احاول اتختل منه واعوفه ميشوفني ويروح ..شكد اشتاقله تعذبت عذاب بحبه لدرجة مااكدرت انطي فرصه لاحد ..ياخذ مكانه .. جبت سيم كارد جديده وسويت صفحة فيس جديد ..وادخل على الفيس مالته واشوف النشر كله حزن وفراق وبعد ارجع اشتاقله ..بس مااراسله ولااستسلم