حلات الحب عذابه

13

#حلات_الحب_عذابه

الجزء الثالث عشر
بقلمي ..نورا ..غدرني الزمن

علاء .مرت سنه كامله من تعينت حالتي تحسنت وكدرت اجمع كم فلس واشتريت سياره بالاقساط..وقررت اخطب امل وكلت احاجي اختي بالاول واشوفها شنو تكول.اختي اسمها اللهام. .عمرها 35سنه هي الكبيره عدهه اولاد اثنين وبنت .. قررت بيوم احاجيهه .. عاد اترخصت من رجلها هو سيد رياض ..وگتله اريد اخذ اختي ونطلع اونسهه خطيه كله بالبيت ..گال ماشي اخذو راحتكم .. 

طلعنا من البيت اخذتها لمطعم  ..طلبنا اكل ..وكعدنا نسولف .. گتلهه .. خيتي الهام اريد اخطب امل عجبتني شتگولين ..

اللهام ..هاا .. علاوي صدك تحجي والله ماادري شگلك علاوي ..

علاء..شتگوليلي يعني ؟؟!

الهام ..تعرف ايهاب ..؟!
علاء.. اي ابن خالت  رياض مو ؟!
الهام ..تتذكر من جان متزوج اخت امل التوأم   وطلكها بعد 6اشهر ..
علاء..اي سامع بهيج شي ؟!
الهام.. اي تعرف ليش طلگها ..
علاء..ماعرف غير تدخلين بالموضوع ؟!
الهام ..موضوع شويه محرج .. تزوجها ايهاب بس ماكدر يتقرب الها .. كلما يحاول يتقرب منها ترجف وتوكع وهو يتأذه ويتأزم وميسيطر بعد من يشوفها هيج .. عاد شكو بيهه مو بنيه .. اخذوها للدكتوره كلشي مابيهه .. عذراء ... استمرت الحاله 3اشهر
ايهاب حييل تعذب من هالشي .. اخذوها اهلهه للسيد بعد ماملو من الدكاتره گال عدهه قرين ماادري جني ميخلي احد يقترب الها
وطلكها ايهاب بعد 6اشهر

علاء ...والله ضحكتيني ...هي خرافات بابا شبيج ..لتصدگيهه
الهام ..حبيبي علو ..انه مو ضدهه لأمل ومااريدهه لااني ربيتها من هي زغيره وكنت استوني متزوجه ..بس خاف تطلع مثل اختهه وانت تتعذب ياروحي تعرف هنه توم وكالو هالشي ملازمهه من الولاده
علاء...اكولج الهام خطبيهه الي توكلي على الله ماكو هيج خرافات ..
الهام ..يعني مصمم ليش ماكو غيرها .. هالموضفات الي وياك كلهن وزميلات الدراسه منا منا
علاء...هي گالت منا منا تذكرت نور وجريت حسره
الهام ..بكيفك بعد الي عليه گتلك
علاء ..توكلي على الله

رجعنا للبيت .. دخلت للغرفه اريد ارتاح .. بقيت اتكلب ..واريد ابرر خطوبتي من امل ساعه اكول احلل كعدتي هنا وساعه اكول لحتى انسئ نور ..وساعه اكول حتى عجبتني ورايدهه .. نمت وكعدت العصر رحت للمطبخ شفتهه دتسوي حلويات .ردت افتح وياهه الموضوع مباشرة واسمع رايها . گلت مساء الخير ..
امل ..مساء النور ..
علاء..اكدر احجي وياج بموضوع
امل ..اي اكيد احجي ..
علاء..اريد اخطبج علويه شتگولين موافقه لو لا ..هي عافت كل شي خجلت وراحت للغرفه
ههه ضحكت خرب شگد خجوله ...مرت يومين تنهزم مني بعد ماشفتهه ..

يوم الخميس بعد ماارجع من شغلي .. حضرت جنطتي وحاجاتي وودعت اختي وجهالهه وانطلقت لاهلي بالبصره .. بسيارتي