حلات الحب عذابه

15

#حلات_الحب_عذابه 15
الجزءالخامس عشر
بقلم نورا غدرني الزمن

علاء....شنو جان احساسج لم شفتيها يمي وصارت الي ..نفس احساسي بليلة حنتج ومن شفتج بالاحمر وبيت محسن ..لو يختلف ..

نور...ههههه ليش مشفتني ابتسم و دااضحك فرحانه الك علاء..تستاهل

علاء...ههههه شفت ابتسامه وجواهه الف انكسار ..وضحكه وجواهه الف دمعه ....

نور...ههههه شمدريك يابه

علاء...اعرفج انت بالذات اكثر من روحي
نور...ومرتك هم تعرفها اكثر من روحك
علاء...مو كل شي حب .. بس يكفيني ان هي مجانت الغيري من قبل
نور...ممم وبعدين انت عايفهه ودتراسلني متروح الها ..
علاء...رايح الها وله يهمج ..
نور...على فكره زوجتك حيييل حلوه الله يستر عليها. ..
علاء ..ههه ادري شتقصدين ..بس ميهمني الجمال اني

نور...بعد مجاوبته .. كعدت ابجي ..شكد قهرني كلامه ..حاولت اكرهه حاولت مدداكدر

اتصلت بيه صديقتي افراح ..وگتلها ع كل شي وان هو هيج يگولي .. گلتلي ولج هذا لان شافج ممقهوره وتضحكين راد يضوجج

نور..لج راح اتخبل اريد امووت لج مدااكدر اكرها ابد رغم كلامه يجرحني

افراح ..متكدرين تكرهي لان قلبج طيب وع نياتج

نور...لاافراح احبه احبه
افراح ..لا حبي احنه منكدر نحب الي يأذينه بس انت طيبه وقلبج حنون وعلاء اله وگفاته وياج لهيج متكدرين تكرهي ..حبي ديري بالج ع نفسج هذي مونهاية الدنيا ..والسعاده ممرتبطه برجل ابدا ..ماشي
نور...سديته منها بعد ماريحني كلامها .. حيل نرتاح من نشكي ..بس يبقى الوجع نفسه  بداخلي

مرت الايام ..بين الكليه والبيت والجهال الي صرت اني مسؤؤله عنهم ..بنات حازم وعلي ابن احلام ..امي ومرت ناظم  يتعبن بالنهار منهم وهم لاواحد ولااثنين  ..من اجي الضهر هم مسؤؤليتي يصيرون .. علاء ميراسلني مرت ايام واني بس اباوع لصورته ع الواتس اب .. وابجي مدداكدر اشيله من قلبي ابد...توصل بيه مرات احس بحرارة حبه بگلبي ..اتمنى اشيل قلبي من مكانه حتى اشيل منه هالحب الي دمر حياتي ..

مره خابرتني احلام وكالت تعالي جيبي .. علاوي اريد اشوفه گتلها لج مااكدر خلي واحد من اخوانج يجون ياخذو گالت ولج والله مموجودين بس هالليله بايته يم اهلي اريد اشوفه ..گتلها ماشي راح اجيبه

رحت بدلت لبست بنطرون جينز وقميص رصاصي واسود بي  طويل للركبه ولبست شال اسود وكفشه جوه الشال.. وخليت مسكاره ومورد خدود وشويه حمره ورديه خفيفه .. وطلعت الي خصله صفح ..

رحت العلاوي ..هو عمره 6بالاول ابتدائي..غسلتله و لبسته ملابسه واخذته دنطلع ..صار بوجهي محمد .. توه جاي من الشغل .. باوعتله مدنج ويمشي حتى عبالك ميشوفني .. گتله محمد محمد گال هاا گتله رايحه اودي علي يم امه تشوفه .. اشر الي بايده وطب .. تحسرت ياربي راح يتخبل شكول عليج زهره دمرتي بسحورتج وخليتي يطلك احلام .. محمد صار لايهش ولاينش كلش.. بس يروح للشغل هو موضف .. وناظم ملتهي يعالج ع الاطفال .. بس حازم جان لازمها للمسؤؤليه لو ماا مرته خلته بيدهه خروف ...طلعت ..يم الاستقبال .اكو مرايه .باوعت النفسي ..ياا هي شنو كمر هههه انطيت علاوي ايدي وكتله يله جاهز نطلع كال اي وضحك ..كرصته من خده .. وضحكت ويا ..دنجت لبسته حذائه ..وطلعنا