حلات الحب عذابه

12

بارت قصير ومفاجئ
#حلات_الحب_عذابه
نور ...حركت الدراجه وراحت ..جوي سيارات وصارت خبصه ..ونسوان طابه وطالعه للبيت. وصار عياط .. وشرطه واسعاف وانخبصت خبص ..جتي زهره تصرخ وتبجي وامها وخواتها وطببوهم الزلم وكل العيون عليه .. شكو شصار سئلت زهره كالت شامرين رمانه ع الزلم ومتصوبين كلهم وودوهم للمستشفى ...ومن بينهم محسن .

رحت كعدت بصف امي .. واسمع الناس يحجون ويگولون .. هي فگر چنتهم من هسه فگرتهم خطيه.. وناس تگول هذول الاحزاب الاسلاميه عرفت بيهم سكرانين وسوت بيهم هيج ..بعد نص ساعه اجه محمد وحازم واخذونه للبيت .انه وامي . .بقت زهره يمهم ....رحت رئسا للغرفه .. نزعت البدله ومسحت المكياج

انتظرت الكل ينامون ...لحتى اخابر علاء اذا هو وره هالشغله .. وصدك نامو وخابرته دك جاوب ..
علاء ....هله ههههه صار هواي انتظرج تخابرين مو گتلج ماراح اخابر انت الي تخابرين ..
نور...علاء انت الي كنت ع الدراجه مو ؟!

علاء..ليش ومعرفتيني ..رغم اني عرفتج لايگ الج الاحمر هواي رغم مصبوغه من فوگ الجوه عرفتج والله ورغم ضعفانه حييل .مو ذاك جسمج المربرب الي كنتي تمشين كدامي قبل . بس عرفتج .. حقج ماتعرفيني صار عندج واحد ثاني ولابستله ومكيجه اله لا وحنتج ابيته .. هذا حدي وياج نور انسيني

نور...حرام عليك علاء تقسئ عليه حرام

علاء...ماتوصل القساوتج شعره هي .. بس اسمعي اگوولج ..راح اخليج تحلمين وماتشوفيني اوتسمعين صوتي بيوم
خلص لهنا وبس انت من طريق واني من طريق وروحي تزوجي حبي اي شي بس مااعتقد بعد هالليله راح تتزوجين محسن الي عليه خلصتج منه ..لان العشره ماتهون بس على ابن الحرام .. انت راح يصير عقابج من نوع ثاني ..عقابج راح يكون ببعدي عنج ونسيانج للابد ..

نور...لعد ليش سويت هيج وهجمتهم مدام ماتريدني ..

علاء ..باعي ..رحت لمنطقة رجلج هذا ولگيت صديقي هناك .جيرانهم يصير. وسئلت عنه حجالي عنه شغلات ماتستاهلين تكونين ويا ابد تعرفين ليش لان هذا ثمن حبج الي
صديقي كال موخوش عائله ابد خاصة محسن ساقط ويتعاطى كرستال (مخدرات)
وگلي صديقي كلما اخلي سيارتي بره يجي يبوگ الاضويه ويروح يبيعهم خبلني مابقه بيت ماباگه ..ومره جنتهم طلعت من البيت تصرخ متحرشين بيهه حموينهه .. وغير سوالف شرب ويجيبون عاهرات للبيت وبعد سوالف متنلبس عليهه هدوم انقهرت عليج ولو متستاهلين .. بس ردت اساعدج وبنفس الوقت اعاقبه ..لان راح ياخذج ..عاد شفت صديقي  متعذب منهم اتفقنا اني ويا نأذيهم ..جبنه رمانه يدويه وصرنا نراقبهم ..كلما نريد نضربهم. يصيرون جهال يمهم ..اخر شي خفو الناس .. وشفناهم شون سكرانيين .. ويتطوطحون يستاهلون الضرب شمرت الرمانه عليهم وهي تستهدف اناس معدودين لهيج هي مصممه ووكعت قريب ع محسن الحقير .. بعدها اللتمو العالم واللتهو بيهم ..حركت وطلعت من الفرع ..مشيت بالدراجه انتبهت عليج وواكفه گبال الباب .. ماعرفتج متغيره حيل ..بس گلبي اخخ گلبي كلب ابن كلب گلبي حسيت بيج انتي ..  رجعت باوعت الج وشفتج انتي .. سبب عذابي وموتي وحتى اجرامي .. لج حبببييييتج والله حرام المهم هذا حدي وياج وروحي الله يسعدج ...

سداه بوجهي وراح ..عفت التليفون .. وللفجر ماادري ابجي ماادري اضحك ماادري ادعي الله يخلصني من محسن وياخذه .. نمت الصبح جتي .. زهره .وصلها اخوها.باوعتلها ..
زهره..يالبومه اسألي ع رجلج طركاعه سوده شبلاج
نور...شسأل يعني انت تدرين ميهمني
زهره ..من امدااج
نور..كعدت بالهول ..كعد حازم واجه كعد بالهول اجت زهره تحجي وهو نعسان مطفي ولا مهتم جان تكول زهره
محسن محتركات رجلينه وكم واحد مصابين
اليوم رحتله المستشفى ويه اخوتي وتالي كتلهم يجيبوني هنا ..
نور..يعني اليوم ماكو عرس مو ؟؟
حازم ..اي كيفت العوره
نور..حمدلله الله استجاب دعائي .. زين متعرفين منو المفجرهم ..
زهره ..اهلي ظلو يحجون عليكم حازم
حازم ..واحنه شكو ..
زهره ..يكولون ..هي عداواتكم ذبيتوها علينه وامي تكول هي نويره فكر وماانريدهه واخواني شاكين بجوارينه ..لو الاحزاب الي بالمنطقه ..والشرطه تگول هم سكرانين وجايبين الرمانه وفجروها
نور..الله يوم عيد ويعوفني اخوج كللليييش
حازم ..اسكتي ولج نوره يطبهم طوب اختي الف واحد يريدهه
نور... توك يالله بعد مااعذبتوني ..اووف

مرت الايام .. وطلع محسن من المستشفى بس مااجونه بعد .. حازم ولايهمه شكد حقير لعد ليش جبرتني عليه وخليت علاء يعوفني بس يهمه ياخذ حجي مرته كلتله ننطيهه لمحسن قبل ومن كلتله زهره ان  امها و  محسن مايريدوني هم كال ميخالف .. فصخت خطبتي من محسن .. وصار مجرد ماضي

اما علاء .. اتصل بي مغلق .. اخذت امي ورحت للسوگ اريد اشتم خبر عنه ..مشيت بالطريق واتذكر ايامي ويا وهو ماكو وصلت للبسطيه مالته ..مموجود ..رجعت للبيت وقررت اروح اله البيتهم..اي اروح اله واشوفه واحاجي والي يصير خلي يصير

للحكايه بقيه