....هذا منو
الصوت الخشن خلاني أرجع ليوره خطوه
وأرتبك هذا الصوت الي ابدا ماينسي
وحسيت اكو جدار يخنك بيه الحركه
باوعت من اتجاة الصوت
وشفته وسكتت وبقيت بس اباوع كمت اتنفس بسرعه
وصدري يصعد وينزل وكلت هاي النظرات الي تتمثل بالبراءه والي بداخلها وحش اعرفها كلش زين
بقيت اباوع وكأنما الوقت رجعني 6سنوات ليورة
لميت شتات نفسي وكتله
..... انت اجايك هنا
....ليش متريديني اشوفج
.....روح منا يله يله روح
وباوعت على قيس وكتله
....يله انروح منا لغير مكان
كمش قيس يدي واستغل الفرصه
مشيت وياة خطوتين ونجريت من يدي
....نادين وين
....وانت شنو دخلك
.....اني ابن عمج شنو شنو دخلك شبيج
صاح قيس وكله
...شبيك لزكت روح منا
صاح سراج
......حجايه ثانيه تحجي اكسرك بالله
....المن تكسر ولك اني ضابط هسه اشيلك انت واهلك. ولحد
جدك السابع
...ضابط على نفسك
....لاعليك وعلى الكل
كتله سراج
....شتريد
...عمي دزني اريد احجي وياج وصارلي ساعه دانتظرج
وشفت هذا واكفلج
ضحك قيس وكله
......وهسه هي ددكلك مااريد احجي وياك روح بابا منا
روح
مباوع عليه
.....نادين ممكن احجي وياج واكوشي ضروري لازم اكوله
.....لا مااريد احجي
بدون ميجاوبني دار وجهه ومشى باوعت وين ديمشي
وشفت شي صدمني
شفته وكف حجى ويا الولد الي ويايه بالكليه
والي انطاني ورقه و وصلني
بقيت صافنه
كلت لنفسي معقوله سراج دازه عليه ومتفق وياه
...نادين
الصوت جفلني لان جنت دافكر
درت وجهي على قيس
...نعم
....اعتقد مو وكتها احجي وياج
بس ياريت اشوفج مره ثانيه مع السلامه
وتركني ومشى
بقيت صافنه على الي صار ويايه
من ظهور سراج وقيس وهاي الصدف المتتاليه
والمفاجئات
شفت قيس يبتعد عني
وكف بصف سياره بيضه واشرلي بيده
وصعد بالسياره وراح
واني مشيت مثل المخدرة عبالك طبول الدنيا دك براسي
ودخلت للكليه وبقيت كاعده بره مادخلت ولا محاضره
وافكر بسراج
وليش هسه ظهر وينه وين جان صار 6سنوات وليش
ماكو وليش هسه طلع وشنو غايه ابويه
لويش يريد يذكرني
بلي سوا ويايه هل يعتقد هذا الشي يكسرني
عباله وجود سراج راح يعيد الماضي بوجعه
بعد هوايه تفكير كمت وكفت وعدلت ملابسي وطمنت نفسي انو اني قويه ومحد يكدر يكسرني
لاسراج ولاابويه ولااي رجال يكدر ياخذ ذره
من كلبي ست سنوات مرت
وهاي السَنَوات ماراح ترجع ابدا
