أنا عيناك ياوطني

الجزء الرابع

....يؤلمني القدر في كل مره عندما يلعب الدور معي جيدا...

وانت شمعرفك باابويه
....اكيد اعرف ابوج مو ااني اعرف  ابوج عن طريق
وسكت

.....منين وعن طريق منو
.....عن طريق اخو زوجته حمزه
بلعت ريكي
...زوجته

.....اي زوجته الثانيه
....وانت من نماذج حمزه

.....اني من نماذج حمزه ههههه لا اكيد حمزه تعرفت عليه قبل سنتين بوقتها كان ابن عمه مسجون
وعن طريق ناس حمزه وصلني حتى يتوسط لابن عمه
واني بوقتها ساعدته

وكم مره التقينا وقبل تقريبا اربع اشهر اتصل عليه علمود
شغله ورجعنا التقينا وهالمره عرفني على ابوج
كلي هذا ابو النسب

وسمعت قيس يضحك وكأنما ديريد يتسفزني
رد كال المهم
من شفتج وسئلت عنج زين
عرفت انتي بنت ابو نسب

الي طلع مزوج اخت حمزه
وقبل ماادز اهلي حجيت ويا ابوج

بس صراحه كال حاليا عدنا مشاكل بالبيت بس اكيد اني موافق
لهذا اني اخذت الموافقه من بابا
شوفي شلون القدر يلعب دور دائما

بقيت ماعرف شرد وكنت داريد استجمع
قوتي حتى ارد او استجمع افكاري حتى اعرف شلون ارده
لان كل الحجي كان يحجي بااستهزاء

سمعت صوته وهو يكول
...شو سكتي
.....داسمعك
....ها

.....اي داسمعك ياقيس
....وشكلتي يانادين

...موقفي ماتغير ولاانت ولاابويه ولاالف شخص
يكدر يغير قرار اني اتخذه
ماكلك ابويه منو سبب الخلاف العائلي
...لا

....اني
.....انتي
....اي اني لان اني اتحدى ابويه واوكف بوجه

وموبس هو كل واحد يحاول او يفكر للحظه
يوكف بوجهي راح انطي نصيبه وراح انطي
الي يستحقه

.....نادين
...نعم
...اني كلش معجب بيج وكل الي حجيتي ماراح يغير شي
عضيت شفتي وضحكت ضحكه بلاصوت

...شوف اني عندي مشاكل هوايه بحياتي
وصدك مثل ماكلتلك من قبل اني
مومال حب وعلاقات
وهاي الشغلات

....واني مداسوي وياج علاقه اني خطبتج
وبعدني مصر على الخطوبه وماراح اعوفج
لو مادري شسوين

.....لتخليني اتخبل عليك
....اويلي دتخبلي فدوه عاجبني اشوفج بغير حاله
....عجيبه شخصيتك بيوم الى جنا بالمطعم على غفله شفتك تحولت لغير واحد بس كتلك بعد مااريد اشوفك
وهسه كلامك تغير

...بس انتي كلتيلي اذا تريد تحجي ويايه تعال اخطبني
...وانت اجيت
.... اي اجيت مواني كلت خطيه هاي راح تموت على الزواج

.....هاي اني
...اي اكيد
...قيس

....الله حلو اسم قيس بحلكج
........ شكرا
....تدللين ولو
..... عالعموم اني راح اروح
....ماكلتيلي