((اشعر برغبه بالبكاء الشديد الذي لايتوقف
ولديه رغبه بأن اكون يوم ما لست الضحيه
ومتى يتحسن دوري لكي انسى اوجاع قلبي
كل مره اتألم وعندما احب
افقد من احب
لكي اكره الحياه ويعود وينولد بي
أمل جديد ينير خطواتي المظلمه
ويعطيني قليل من الأمل
فياوجعي انت تشبه نزيف وطني
فكلاكما يحب وكلاكما يتألم
وينزف بصمت ))
......
لوكانت خطواتي الى قلبك
مستحيله فكن انت أهاتي
الجميله ولوكان حبك
عذابي المستمر فليكن
طريق عذابك هو هلاكي
ولتكن دموعي هي
الصديقه القريبه
.....
......ورديت اصيح بدموع تنزل من عيني
....قيس وينك الله يخليك جاوب
...قيس
....مجان اكو جواب بقيت افتر بمكاني وكمت ادور بعيوني
رجعت دخلت لبيت اهله ودورت بالحديقه
ورحت على باب المطبخ مال بيت اهله
بس جانت مقفوله من بره
بقيت افر براسي
وكل ذريه بيه ترجف وكلشي بيه خايف
رجعت لبيتي ودخلت جوه وكمت افتش بالبيت كلت يجوز ديشاقه ويايه
وهيج سوا وكمت ادور حتى ورا الابواب
بس قيس ماكو رجعت اركض مثل المخبله وطلعت بره
بالشارع وكمت امشي شويه ليكدام وهم ماكو عبالك
فص ملح وذاب
طلعت تلفوني وخابرت اخو قيس
وبقيت كاعده انتظره
ورا نص اجوني اخوته اثنينهم وامه هم اجتي
وهذا يسئلني وهذا يسئلني
وامه تسئلني
واني اجاوب والدموع مانشفت بعيني
وامه تصيح ودكول خطفو ابني وهسه
يكتلو ويذبو
كامو ناس طابه وناس طالعه
سئلو الي بالمنطقه محد شاف شي ولاسمع شي
واحد كال اجتي سياره وصعد وياهم واحد يكول اني جنت واكف ماشفت شي واحد كال كامرتي متشتغل
الناس بهيج موقف ماينطون نجدة
فتشنه سيارته
هويته والباج مالته مال دوام ومحفظته وبيها فلوسه كلهن بالسياره
والمسدس هم بالسياره
حاله عجيبه غريبه اخوته خابرو اصدقأئه
راحو للدوام وهم ماكو امل
الدنيا نكلبت باب بيت قيس
ناس طابه ناس طالعه
وام قيس فقدت لاايد ولارجل
واني بس كاعده وابجي
....نادين
جان صوت اخووو قيس
....ها
...بس كوليلي شنو جان المفروض لازم يصير
مكلج شي قيس
...لا كال اني عندي شغل وراح اروح اسبوع اسبوعين
....شنو الشغل
.....مادري
