أنا عيناك ياوطني

الجزء الثامن

.

.....يبووووو يبووووو دخيلك ياالله
وقبل مداوصل لباب المدخل مالتهم صار صوت صياح
دخلت جوه واول مادخلت شفت 
قيس واكف  وملابس بس بنطرون

وصدره كله طالع
ومسدس بيده

واخوته يكولوله قيس اكعد وامه تصيح دخيلك
ياربي
دخيلك  ولك يمه عوفه
دخلت للغرفه بكوه بس شفت
أسد واكف

واكو واحد واكف كدام قيس  وهمين رافع مسدس 
قيس صاح

...لك منين اجتك الجرأة تفوت لبيتي وتهددني
ولك  ادوسك وادوس ميت واحد مثلك
وأسد صاح

....ضرغام نزلو
....ماانزله والااخلي دمه بطوله هذا الي مايستحي
اليوم راح انطي درسين  الاول اكلو والثاني بعده

.....نزلو لا وحك الله افرغ الرشاش براسك
نزلو

....ماانزله هذا  مايهددنه لأنو ضابط لانعل ابو  الحكومه
يابو ضباطها

.....لك اسكت لااترس حلكك طلقات والله والله
اذا ماطلعت منا هسه لااني اخلي دمك بطولك

أسد كال

..دخيل الله هذا صغير مايفهم عوفو انا احكي وياه
.....طلعه منا وبعدين حسابنه اسد بعدين

لاانتو ولاغيركم يهزون شعرايه من راسي

هذا الولد سحب المسدس وتقدم خطوه ويكله
لااسد
....دخلي اخذ روحه
....وحك الله راح ادوس راسك ارجع ليوره

اخوت قيس تقدمو

وصار صوت عالي وحجي مافهمته وهذا الولد
جرو منه المسدس وطلعو

واسد تقرب من قيس وحجى وياه وطلع
ومن ديطلع شافني واكفه
كلي
.....مرت الغالي
وابتسم

اخوان قيس طلعو ورا اسد
وابو قيس اجى وكف
وكال

.....شبيك ابني فهمني شنو الي ديصير وياك تره
اني مابقى بيه دم نشف دمي

كام يعيط

...تعبان اريد ارتاح طلعو كلكم عوفوني لخاطر الله
لحد يسئلني شي لتخلوني اطلع من طوري عوفوني
مالكم دخل شصار ويايه مالكم دخل

...امشي نوديك للمستشفى
....روحو لخاطر الله عوفوني كتلكم
ابو قيس كام يصيح

ويكول طلعو بره بس اشرلي الي
تقربت يمه
...هاعمو

...هذا الدوه ومي انطي  وشوفي شيريد مايريد
....اي عمو
وطلعو وسديت الباب وراهم

قيس جان كاعد والمسدس
بصفه

رحت اخذت المسدس وفتحت الكنتور وخليته بالخانه العاليه

واخذت الكلاص مال مي
والدوه
ورحت كعدت بصفه
وفتحت  يدي

...الدوه
اخذه وحط الدوه بحلكه واخذ المي وشرب منه
وحط الكلاص مال مي على الكاع
وكمش يدي
وبدون مايرفع وجه
كال
....تعبان نادين نوميني بحضنج
....بحضني