أنا عيناك ياوطني

الجزء الثامن عشررر

.........انت تباوعني زين
.....موكتلج اني اباعج بكلبي قبل عيوني
وكلبي يتبعج وين ماتكونين
اني اشوفج بعين كلبي جنه
....يعني

وماكملت كلامي  وهو كال

.....اي بقت عندي بس عين وحده
كمشته حيل وجان بودي ادخله بنص
كلبي وجه يضحك ومجان ضايج
وعطره اخذني من عالمي
لعالمه
كتله

.....مداصدك انت اجيتني

....احبج مااكدر بدونج ابدا  انتي ملكتيني بكل احساسي
اني من اشوفج كدامي تبدأ رحلتي وتبدأ تخيلاتي
لعالم خاص بيه وبيج
اموت اني بيج
.....قيس

....عيونه البقت

....اني عيونك

كمشني من جتفي وقربني عليه
وأشر لصادق من بعيد
وتقرب من أذاني
وكال

......تعاي نروح انسلم على العريس
بقيت امشي ومااكدر امحي الابتسامه

وصادق يغمزلي وغسق تضحك
راح قيس وسلم على صادق وبوسه
صادق كمش يدي

وكال
....ها هسه فرحانه
...اي فرحانه

....دومج فرحانه يااختي وامي وصديقتي
وباس يدي
وكله لقيس

...هاي الاميرة مالتنا دربالك عليها
....ان شاءالله

نزلني من الستيج
وكفني كدام الكل
وبقي يحجي ويايه

واني كلش خجلت كتله
...قيس

....ها حبيبي
...عيب من الناس خلي نكعد هناك

....غير مرتي هسه تره ابوسج كدامهم
.....ههههه لا حباب موهنا
....ها يعني تريدين بس موهنا
اي كولي هيج من البدايه

خجلت ودنكت  راسي
.... حبيبتي
....هاقيس
...كوليلي حبيبي لدكوليلي قيس

....ميخالف

... نادين تره اني احبج وجنت ناوي اعاقبج اكثر بس كلبي
ماانطاني
اوف شلون بيج انتي شسويتي بيه دمرتيني
وعذبتي حالي وعلعلتي  كلبي
ولج الدنيا عندي كلها بصوب وانتي بصوب
تعرفين شكد احبج لولا
وكرصني حيل من خدي

.... لا مااعرف
...مومخبله لان
.... قيس

مكال ها باوع بوجهي
ورديت كتله
....انت زين

....اذا انتي يمي  اني زين
....يعني بعد ماكو مشاكل بينه
....مادري بس نشوف

.....ليش هيج لعد سويت ويايه
....هسه هنا اسولفلج
....اي

....لايطول الكلام بالبيت نحجي خلي
تخلص الحفله ونسولف الليله كله النا
وغمز
وبقى كامش يدي وكعدني على الكرسي
وكعد بصفي

وقرب كرسيه مني
سمعت صوت وسام يكول

.....ها ابو نسب
....ها هلا وسام شونك حمدلله على السلامه
....الله يسلمك