....بس انت كلت
...... اعرف شكلت السبحه مومالتج ولامالتي انطينياها
احسن ماكاعده وتباوعين عليها التفتي لغير شي احسلج
مد يده
فتحت الجنطه مالتي الصغيره وطلعتها
باوعت عليها وكمشتها
بيدي ومد يده وجرها قوي مني واني بقيت كامشتها ونكطعت
السبحه
ورا منكطعت بقى يباوع
وتركني ودخل للغرفه وسدها قوي
بس حسيت كلبي طشر وياهاي السبحه
يمكن هي جانت الشي الي يواسيني
ولان صارلها فتره ويايه واباوع عليها واتلمسها
بعاطفه او يمكن تعلقت بيها
نزلت بالكاع ولميت الخرز وحطيته بالجنطه مالي
واني بالكاع دالمه نفتحت الباب مره
ثانيه
وطلع قيس وبقى يباوع
....شدسوين دتلميهن
مجاوبته
رد كال
....ليش جاوبي وليش احتفظتي بيها
....لان عبالي مالتك لهذا السبب احتفظت بيها
هاي الكلمتين غيرت النظره الي بعيونه
ودنك راسه ومباوعلي بعد
رجعت الم الي طشرهن
لان اكو منهن دخل جوه المرايا
واكو راحن بعيد مداشوفهن
بس تقدم مني قيس وفتح كف يده
باوعت جان اكو بي كم وحده
اخذتهن ولمست يده
ومن شلت يدي عنه سد قبضته قوي
ورجع ورايه وكعد على الكاع بالمطبخ
وكمش راسه وكام يفرك بي
حسيته متعوب وحزين انقهرت
عليه بس
ماردت ابين
وكال
....نادين
مانداريت بس كلت ها
....دكدرين تعيشين ويايه وتتاقلمين ويا وضعي
حسيت كل قويتي انتهت بهاي اللحظه
البحه الي بصوته والحزن الي بعيونه
والي عانيت منه اني طول هاي الفتره جان متراكم
بداخلي
عيوني جالت بأرجاء البيت
وكفت نظراتي على الساعه وعبالك الساعه
راح ترجع
وترجعني من اول وجديد
بهاي اللحظه اذكرت الي سوا سراج
والي سوا ابويه
والي سوته اختي
والي هسه كمله قيس
معقوله اني غبيه لهاي الدرجه مااعرف الناس
شنو وشلون يفكرون الي داير مدايري
عشت فتره طويله مااثق بااحد
وبعيدة عن الكل ليش وكعت هسه وكعت من بعد ماضغفت بسبب امي
وكعتي طالعت ويا واحد مثل
قيس
قيس الي حتى مااعرف بشنو ديحسد
حتى تصرفاته مومحسوبه ليش
كل شويه يصدمني بشي
هاي الحياه الي
ردتها اني هذا الانسان الي اخذته حتى احطم بي
هو حطمني
بوسط كل هذا التفكير
باوعتله ولااول مره احس باحساس غريب اشعربأني
اريد اركض لهذا الانسان
اريد احضنه ردت اكمشه حيل
يمكن اشتاقيت لحضن جان يلمني من الدنيا اطشرني
حضن نفس حضن امي
