أنا عيناك ياوطني

الجزء الخامس عشرررر

تريد تنام على صدري
بقى ساكت وراها كال

.....لا

خليت يدي على يده
.....ليش

....احسن
....قيس

مجاوبني وبقى ساكت رديت كتله
...قيس
جر حسره وكال

.....ليش رجعتي مو رحتي هناك وكاعده ومرتاحه
وضاربه الدنيا كلها وماهمتج بس نفسج
ليش رجعتي

لو رجعتي حتى تشوفيني ضعيف وعبالج اني احتاجج
لان هسه عاجز

...لا رجعت لان اريد تكون يمك
....هذا حجيج ميفيد ولايزيد ولاينقص

اني كتلج من قبل وراح ارد اعيدها هسه
انتي انتهيتي بس مااريد احرجج كدام بيت اهلي
واعرف بيج كلش زين انتي

يومين ثلاثه وضوجين وتروحين وهالمره بعدانتي
مترجعين لان شسوين بواحد اعمى

مجاوبته وتركته وطلعت من الغرفه
ورحت طلعت للحديقه لان  الجو خنكني والاصوات
ونظرات الاتهام

الي وعبالك اني الي حطيت العبوة بسيارته
ونظرات صباح الي مليانه حقارة
ومليانه شر

ونظرات ام قيس الي بيها عتاب وبرغم هذا
اني مااكدر الومها

هي حقها هو ابنها وتخاف عليه
مني ومن غيري
ولازم تحمي

بس اني مالي ذنب
ذنبي الوحيد انو ابتعدت عنه وتركت

كلشي مولان مااحبه بس لان جنت احبه
من البدايه بس صعب

اعيش بالخداع اعيش واني بداخلي
انهيار

سمعت عمي يصيحني
نداريت عليه وكتله
...هاعمو

....تعاي حبيبتي تعاي كعدي
كعدت على الكرسي وكعد عمي كدامي
وجه متعوب والخطوط الي داير مداير عينه
كثرانه ومبين عليه الارهاق

وباوعت يده جانت بيها رجفه
....عمو بيك شي

....والله يابنتي اني منهك جدا
والتفكير شلني

وديخليني عاجز عن الحركه ومداكدر اسوي اي شي
بس ارجع واكول شطالع بيدي
وسلمت امري بيد الله

وهو اكيد عنده حكمه بكلشي لويريد ياخذ امانته
جان اخذها بس الله سبحانه وتعالى
راد يختبرة ويخبر صبرنا

بس الاختبار صعب
كلش بس انكول الحمدلله
على كل حال شنسوي

.....اي عمو صعب واني حاسه بقيس
لان هسه ديحس بالضعف والتعب
وديحس انو هو ثكيل على الكل

...اني استثكل ابني. اني لو اظل الباقي من عمري كله اداري واعتني بي ميهمني
ابدا

ولااكول لا بس اني هسه من كلتله تره تعبتني
قصدي تعبني بكلامه ورفضه لمستمر لكلشي
تعبت من انو احجي وياه هو ويكلي
لا