وها أنا أجلس على شرفه
الذكريات ويتساقط
الثلج أمام انظاري
واشعر بالحنين
إلى حديقتي ودياري
والي قلب تركته
وحده يعاني
وأشتاق ايضا
الي لمسات أمي
وصوت ابي
وضحكات أختي
وذكريات الأغاني
والى ريحة موطني
التي استنشقها
عندما اضع الحطب على نيراني
..........................
....اهلاوسهلا بيك اني نادين
....اها انتي جديده هنا
رفعت حاجبي
...وانت شلون عرفت
....شفتج من دخلت وهذاك وجهج مبين عربيه ومبين اول مره تجين دائما المسافر الجديد يبين من حركاته
....ها
...اي اكيد عزيزتي صار عندي خبره
بالذات بجلوسي هنا يمرون عليه هوايه اشخاص
ابتسمت اله
وكتله
...عالعموم تشرفت بيك
...الي الشرف عزيزتي تفضلي اجلسي خلي اتعارف على حضرتج اكثر
....لااعتذر منك لازم هسه اروح
...ماممكن انتي بنت بلدي على الاقل اضيفج
قهوه صباحيه لذيده
ابتسمت لطريقه كلامه
وكانت بداخلي رغبه بانو اتكلم وياه
بقيت متردده وبعدها
كتله
...اوكي بس مااطول
....تفضلي ودقايق واجيج
كعدت على المسطبه وهو راح شويه
ورجع بيده كوبين قهوة
وسحب الكرسي مالته الي كان كاعد عليه ديرسم
وكعد كدامي
وخله رجل على رجل
....اي تفضلي عرفيني عن نفسج
...نادين اسمي وعمري 25سنه راح اصير بعد اربع اشهر26
....مخلصه دراسه
...للاسف هالسنه صارتلي هوايه امور وتركت
واجيت هنا على امل التغير
...وحدج
...لاويااخويه
....جميل
،....وانت
.....اني ظافر سابقا كنت رجل عامل وزوج واب لطفلتين
والان رجل وحيد ورسام ياخذ الفرشاه والالوان
ملجئ لكل الاوجاع
....الله يكون بعونك
.....اشكرج عزيزتي
....صار 13سنه انت هنا
....اي نعم13سنه من العزله والوحده
...صار عندي فضول اعرف من هذا كلامك شي عنك
...من حقج بس سؤالي الج
ليش حبيتي الوحه الي كنت ارسم بيها
....حسيتها تمثلني
...الوحه تتكلم عن امراه نص وجهها مخفي عن العالم
والنص الاخر ظاهر ولكن
حزين والدموع المتدفقه عباره
عن حبر تمنى اكثر من ماهي دموع نستنجد بها
