...اني اذن فعلا ماكنت غلطان من جبتج هنا
بس الي شفتي ويا صباح
هو شي ثاني
....يعني شنو
....يعني اني ماسويت شي وياصباح
....ها بس هي طلعت تتخيل وتمسح بحمرتها
وتبوس بنفسها
هذا الحجي لتكذب بي عليه
زين وليش جنت يمها
... اي جنت يمها ودخلت كعدت حجيت وياها
وطلعت من الغرفه بس مالمستها
....وكلامها الي شنو تفسيره
...بجوز تريد تخليج تغارين وتره ها هي زوجتي
يعني اذا اطلب منها تكيف وتفرشلي ارموشها
وانام عليها
....اي روح نام يمها يم مرت اسد
....احترمي نفسج اني ماعندي شي ويا مرت اسد
....يعني متعرفها
..لااعرفها وبقيت فتره التقي بيها وردت
اخطبها واهلي راحو وشافوها
بس كلبي مرادها مااطمن الها لهذا السبب انسحبت ورا فتره طويله
شفتها كاعده بمطعم وجنت
اني واسد
وقدمتلها اسد
وصار بينهم انجذاب
صح ماكلتله لااسد ولاحجيت عن العلاقه الي بيناتنه
الي مجرد كانت فتره كلش قصيره وماصار بينه شي نهائيا
واني مافكرت ولو للحظه انو
اسوي دكه ناقصه ويا اسد
اني مااخون صديقي وماردت اكله واخرب عليه
بس هذا السبب
وسمعي زين اني مو هذا الانسان السيئ الي راسمتله صوره
بالج
لهذا اني ماعندي شي ويا مرت اسد بس الغلطه الي ارتكبتها هي ماكلتله على العلاقه
الي تجمعنا قبل
وكتلج حتى لااجرح مشاعره
....وتعتقد مني راح اصدكك
....بكيفج اذا راح اصدكين لولا اني بالنسبه الي مداكذب
بقت يمج انتي
....اي مداصدكك
....عادي
.... زين انت منين تعرف انو اني ازوجتك وداريد انتقم من ابويه
بيك
...مريم كايله لااختها واختها كالتلي
....وبرغم هذا استمريت بالزواجه
...اي استمربت
...شلون كدرت
... كدرت وعبالي
مثل كل الناس اعيش حياه طبيعيه
وتالي الليل الف مرتي لحضني
وانام
عبالي ازوج واعيش بااستقرار
والكي وحده تفتح صدرها وتاخذ كل همومي
بس لكيت وحده الله وأكبر
كاعدتلي على الكلمه على التصرف ماعرف شتريد
ومادري شلون اتصرف وياها
...يااستقرار وانت بنيت كل حياتك على كذبهً
...اسم الله عليج عود انتي شلون عايشه بحقيقه وبس
....رجاءا قيس انت
...كافي ماريد اسمع كلمه اي عندي اسرار وعندي
علاقات ومن اجيت ماجنت لابس عرقجين
وسبحتي بيدي
وادعيت بشي بالعكس اتصرفت وياج على طبيعتي وهذا الي موجود
