وصارت بوجهنا السياره من هاي العاليه
ابو السياره مال الحمل
ديريد يطلع وبطلعته فلت الستيرن من يده
وضرب ابو السياره الي كدامنه
وندفعت السياره علينا ودخلت
بسيارتنا
لحظات وماشفت شي بعد
مابين عايشه ومابين ميته
صوت وحركه بس اسمع وبعد ماوعيت على شي
ومن فتحت عيني شفت نفسي بالمستشفى
باوعت مكان اكو احد
بقيت افر بعيني منا ومنا
رفعت راسي
ورجعت حطيته على المخدة مره ثانيه
بس احس وجع بكل جسمي
وبعدها عبالك لقطات
مشت كدامي
وذكرت الحادث وصحت
ابويه فرح
نفتحت الباب ودخل سراج
وخالتي
صحت بيهم
...وين ابويه وين اختي فرح
خالتي شهلاء كالت
....مابيهم شي مابيهم شي
....كذب كذب والله كذب زين وين اخويه صادق اريد اخوتي
صيحيهم
سراج كال
....هسه يجوين
...اريدهم هسه اريدهم جيبوهم الي
....ماموجودين هسه
ردت اكوم بس فدشي وجعني
قوي وخالتي كمشتني وماخلتني اكوم
...خاله فدوه كوليلي ابوس ايدج ماتو
مو
....لاحبيبتي دنامي
...دكولولي وينهم
سراج وكف يم راسي وبقى يباوع عليه
والدمعه بعينه
كتله
....كلي عليك الله ابويه وين
...عمي مات البقيه بحياتج والله يصبرج
ويصبرنه على مصيبتنا
سكتت ولساني ثكل وجنت بعدني مامستوعبه
الي داسمعه
كتله
..ابويه مات
....اي وفرح
وقبل مديكمل كلامه
وخرت يد خالتي من عندي ونفضت روحي وجريت
المغذي وشمرته
وكفت
على حيلي
وسراج كمشني وخالتي تصيح
....كعدي بنتي كعدي
واني اصيح
....يبووو يبوووو ياربي كافي ياربي بعدمابيه
كلبي مات بعد مابيه
خالتي كالتلي
.....استغفري ربج حبيبتي
استغفري
ربح حرام
...ياربي ارحمني ياربي
حسيت شي دافي نزل على جسمي نزلت عيني على جسمي
شفت دم دينزل من جوه صدري
كمشني سراج وخالتي وكعدوني واجى دكتور
وصاح كال ضربوها ابره
واني تهتسترت واصيح
واكول
....ابويه مالحكت تروح لبيت الله
يابه وينك تعال موكافي تعبت اني
ياربي خليني اموت واخلص واروح اشوف امي
وابويه
يارب يارب دباوعني
ياربي
....نامي
نمت على الجربايه
وسمعت صوت قيس
...نادين
واجى بسرعه يمي لابس عسكري
بس شفته كمت ابجي وطكيت من البجي ومديت يدي اله
وتقرب مني وكمت رفعت نفسي
وحضنته وابجي حيل
ودموعي بللت
هدومه
...حبيبي انتي لتبجين
....ابويه مات قيس
