ابتسم وباوع على قيس وبعدها باوع عليه وكال
....السبحه مالتي شصار منها
وباوع بعيوني
قيس وجه تغير كلش وضاج
وكال
...أسد
ضحك
...ول يابه شبيك دنسئل وين السبحه
قيس غير الكلام وكال
....شنو ماراح تفوتنه
.....لايول غير البيت بيتكم وحنا بي ضيوف نشيلكم على الراس
وافرشلكم رموش العين
تفضلو من هين
قيس كمش يدي ومشى بسرعه وكان يعرف الطريق
جانت اكو باب خشب جبيره ومنقوشه بذهبي
اول مادخلت شفت صاله واسعه مادري شكبرها
وبيها مايقارب ثلاث اتخومه
ومرتبه وبيها تماثيل واكفه بالزاويه
التماثيل واحد جان أسد لونه ذهبي
واحد نمر ملون
بس الأسد شكله يخوف
هذا الأسد يشبه الأسد الواكف كدامي
سبقنا أسد بخطوات وأشر يعني تفضلو كعدو
كعدت بصف قيس وقيس جان موعلى بعضه وعصبي
كلت لنفسي زين ليش لعد جابني هنا
ولمن كعدنه اني وقيس كعد كدامنه أسد وجان مبتسم
....هلاهلا والله وجثير الهلا هلابالغالي
....هلابيك أسد
..شونك
....بخير وانت شونك
....من الله بخير خويه
...الحمدلله
...وعروستنا ان شاءالله تكونين بخير
كتله
....الحمدلله
.....الحمدلله دوم ويازين ماختاريتي قيس اخو خيتوووو
ورجال معدل
....صح
قيس كال
.....تسلم شيخ
رد اندار عليه شيخ أسد وكال
....انا احب اعرفج عن نفسي انا شيخ أسد ابو فهد عندي ولاد اثنين
فهد وضبع
....الله يخليهم الك واتشرفنه
...ويخليج الله يامرت الغالي يابنت الكرم والجود
قيس أشر لأسد يعني اريد جكاره
...ول يابه انت مادخن هوى
...... لا هيج عجبتني هسه
...ثواني
راح ومشى وفتح باب تدخل على داخل البيت
كتله
.....قيس شبيك
...مابيه شي بس راسي يوجعني
...اذا تريد نروح
....لا مااريد وثاني شي عيب من الرجال عازمنه
شلون نروح
....لعد ماكو داعي تبين انت ضايج الرجال مبين خوش رجال واستضافنه بيته
ليش دتبين اله انك مراغب
وهو صديقك
سكتت ورديت باوعت بعيونه بتحدي
وكتله مو هو هذا صديقك ابو السبحه
بعصبيه
كال
....شنو تقصدين
ومن جنت داريد اجاوبه دخل شيخ أسد
وتمشي ورا بنيه تطلع من عمر اختي فرح
لابسه دشداشه طويله وردانها طويل
ولابسه ربطه وبيدها صينيه
كعد أسد واشرلها تتقدم
كالت بصوت ناصي
.....مساء الخير
رد قيس
......مساء الخبرات
بس ابدا مارفع عينه وباوع عليها
...هلابيكم نورتو
....بنورج ام فهد
