وسمعت ام قيس اصيح ودكله
....قيس تعال الحك صباح تره راح تروح من يدينا
....شكو يمه شصار من صباحيات الله
...تعال ابني تعال
وراحت وهو طلع ركض وراها
فتحت كنتوري واخذت عبايه ولبستها
واخذت القراصه مالتي ورفعت شعري
وطلعت وراهم
واني جان كلبي حاسسني راح تسوي شي من نظراتها
البارحه
وعرفت
انو هي مراح تعديها على خير
علما دخلت نار. مشتعله ورا البيت
وقيس واخو يعيطون
وماكدرت اشوف شي
لان عمي وعمتي واكفين وطلع قيس شايل صباح
وبطانيه ملفوفه عليها
ودشداشته كلها محركه وملجعه ومصخمه
وطلع على السريع واخو جر المفتاح مال السياره
وراح للكراج
وام قيس ادور العبايه مالتها
وركضت وراهم
رحت للمطبخ وشفتهم طلعو السياره
وراحو
وابو قيس شايل حفيده ابن صباح وضايج كلش
ترددت اسئله بس ماكدرت
اسكت رحت عليه وكتله
....عمو شنو الي صار
نزل ابن صباح للكاع وكله روح العب حبيبي
وكلي
....الله من ياخذ العقل من الانسان صعبه
وهاي الله منطيها نص عقل واجى قيس اخذ الباقي
مافهمت عليه وبقيت ساكت اريد يوصل لرباط السالفه
رديت كتله
....عمو كلي شكو
.....من البارحه انتي اجيتي هنا وقيس وجه
يضحك وفرحان وهي ميت شيطان ركبها
وتخبلت الليل كله تفتر بالحديقه
وللصبح منايمه وكعدت سوت ريوك عادي بس اشو هاي
اجتي على خالتها وكالتلها دربالج على ابني
واخذت جداحه وراحت
اني حسيت بيها هاي البنيه موخاله
شويه وكمت شفتها كامشه الجلكان مال نفط ودير على
نفسها
عمتج ركضت على قيس واني رحتلها واريد اجر منها الجداحه
بس كل القوه هبت بيها
ودفعتني
وعلما وصل قيس واخو هي شعلت الدشداشه مالتها
من جوه وتلاحو الها وطفوها بالبطانيه
وهاي الباقي شفتي
بقيت ساكته ومصدومه يعني هي حركت نفسها
هاي غير مخبله ومافكرت باابنها
لو هاي لعبه سوتها علمود قيس يكعد يمها
ابو قيس كام ودخل للغرفه الجوه
واني رحت مديت راسي ورا البيت وشتميت ريحه النفط وشفت
الجداحه مشموره بالكاع
بعيد
مادري انقهر عليها لو اخاف منها
رجعت طلعت للكراج وبقيت ارش بالحديقه وعمي اجى
كعد يمي واسمعه كل شويه يخابر
على قيس
