حلا العشق الجزء الثالث من سلسله عشقك اذاب قسوتي - للكاتبه ريهام حلمى

الفصل السابع

في اليخت الخاص بادم،،،
نظرت والده ادم اليه ثم حدثته باتزعاج :
_انا معرفش انت مصمم علي السفر لمصر ليه وبالسرعه دي؟!!

اغمض ادم عينيه بضيق ثم فتحهما مره اخري عازما علي قول الحقيقه لوالدته ،فقال بجديه :
_هسافر عشان ارجع مراتي.

اتسعت عينيا امل بصدمه ووزعت نظرها بين امير وادم ثم قالت بحده :
_مراتك !!وانا معرفش ازاي واتجوزتها امتي دي بقا يا سياده المقدم.

خلل ادم يده في شعره ثم اجاب بحذر:
_انا كنت خاطفها وبعد كده اتجوزتها !

صدمت امل مما تسمعه ثم هتفت بعدم تصديق :
_انت يا ادم تعمل كده،لييه؟

نظر ادم الي امير بقله حيله بينما حزنت امل مما تسمعه ،فهي دائما ما كانت تتمني زواجه لكل ليس بتلك الطريقه ،ولكن حاولت ان تكون هادئه قليلا فقالت له بجديه :
_وهي فين دلوقتي؟!!

ارتبك ادم ولم يدري ماذا يقول ،فرد عليها بكذب:
_في بيت اهلها .

قطبت امل جبينها بحيره وهي تسأله :
_ازاي في بيت اهلها وانت بتقول كنت خاطفها ؟!!هربت منك يعني ؟!!

ادرك ادم انه لا مهرب من ذكاء والده ولكن استطاع بمهاره ان يتفادي تلك السؤال فقال بجديه :
_لا هربت ايه ،بس انا سافرتها قبلي عشان كان معايا شغل ولازم اخلصه.

اومأت امل برأسها بتفهم ثم قالت بانزعاج :
_اول ما نوصل مصر لازم اشوفها يا ادم.

اومأ ادم برأسه ثم نظر الي امير قائلا بنفسه :
_اكيد ،لازم تكون معايا في اقرب وقت ..

_____________

في منزل فرح عبد الحميد ،،،،
جلست فرح علي فراشها وهي تشهق بالبكاء المرير علي حالها ،احقا ستصبح زوجه ذلك المستبد اليوم وكيف ستعيش معه ،فهو لم يدع لاي شخص ان يببرر له افعاله ودائما ما يري نفسه هو الافضل دائما..

دلفت والدتها مع بعض الفتيات اللاتي سيضعون لها زينتها ،ثم تقدمت منها وفاء قائله بسعاده :
_يلا يا فروحه عشان تلبسي الفستان.

نظرت اليها فرح بدموع ثم ردت عليها بحزن :
_فستان ايه ومين البنات دوول؟!!

ابتسموا له الفتيات بمجامله ثم اجابت احدي الفتيات وهي تمسك بمحتوي مغلف:
_فارس بيه بعتنا عشان نحهز حضرتك ،وهو بنفسه اختارلك الفستان ده.

اغتاظت فرح مما سمعته وجن جنونها،ثم صرخت عليهم بغضب :
_انا مش هلبس علي مزاجه ،اخرجوا بره انا مش عاوزه منه حاجه!!

حرجوا الفتيات بشده مما قالته بينما غضبت وفاء منها كثيرا ثم قالت للفتيات باعتذار :
_معلش هي اعصابها متوتره شويه ،انتوا عارفين البنات في اللحظات دي بتبقا عصبيه شويه.

اومؤا الفتيات برأسهم ما عدا واحده منهم رمقتها بحقد ،لذلك قالت بتكبر:
_ياريت لو العروسه تهدي شويه ،والا هضطر اكلم فارس بيه بنفسي وهو يتصرف!!