مى\اياد..اياد\...اصحا علشان الفجر
اياد\ايه فيه ايه...مى صباح الخير ياحبيبتى
مى\صباح النور ..قوم ياحبيبى علشان الصلاة
اياد\ماشى ياحبيبتى
ايا\ياخسارة الاقامه اقامت
مى \يلا معلش النهارده سماح ...صلى بيا بقا وتبقى الامام بتاعى
اياد\انا اياد مش امام
مى بضحك\ههههههههههههههه ماشى ياعم اياد يلا صلى
انتهوا من صلاة الفجر والتف اياد ناحية مى
اياد\تقبل الله
مى \منا ومنكم
مى\اياد هات ايدك كده
اياد\ليه ..هتخطبيينى
مى بضحك\انت مش معقول كل حاجه عندك هزار ..ماانا خطبتك من زمان ... انا عايزة اعمل حاجه تانيه هات بقا
اياد\اتفضلى اهى بس لازم تدفعى الايجار
مى\اللى هو ايه يعنى
اياد وهو يشير على خده\هنا
مى \ماشى وادى الايجار
اياد\اتفضلى اهى ايدى ...بتعملى ايه
مى \بص انا ليا امنيات كتير منهم انى لما اتجوز جوزى يصلى بيا امام .. وبعد الصلاة يقعد قدامى زيك كده ...... وانا اقع اسبح على ايده علشان يأخد الثواب معايا
قبل اياد يدها\انتى احلى حاجه حصلت فى حياتى ....ربنا يخليكى ليا يااارب
مى\ويخليك ليا يا حبيبى
اياد\مى..انت مبسوطه
مى\مبسوطه ...اللى انا حاسه بيه دلوقتى اكتر بكتير اووى من مبسوطه ..انا اسعد واحده فى الدنيا
اياد\ياارب يقدرنى واسعدك ديما
اياد\قولى بقا ايه هى بقيت امنياتك
مى\انت اكبر امنيه اتحققت .. وبحمد ربنا مع كل نفس عليها
اياد\طبعا انا عارف انى امنيه غاليه
مى\ياواثق
اياد\لا بجد وغلوتى عندك قوليلى امنيه احققهالك .انا فى بالى حاجه كده بس عايز اتأكد منها
مى\اللى هى
اياد\قولى بقا يامى وانا اقول
مى\لا قول انت حاسيت ايه
اياد\لا مش هقولك ...وبطلى كلام بقا .. وتعالى احكيلك حدوته حلوة اووووووووى
************************************************** **************************
استيقظ الحاج من نومه وهاتف اياد\اياد. تعالى انا عايزك
اياد\صباح الخير يابابا .. حاضر انا نازل حالا
مى\خير بابا فيه حاجه
اياد\وهو يشرع فى تبديل ملابسه \مش عارف بس صوته مش مريحنى
مى\خير ان شاء الله
هبط اياد الى والده\السلام عليكم....صباح الخير يابابا
الحاج\وعليكم السلام
اياد\خير يابابا حضرتك تعبان
الحاج\لا ... انت ازاى متقوليش على موضوع محمد ده..وازاى تتنازل عن اللى حصل...ايه انا خلاص مت ولا ايه.... مبقتش عجبك بتخبى عليا
اياد\العفو يابابا ....انا بس والله محبتش اشغل بالك بالحجات دى
الحاج بغضب\يعنى محبتش تشغل بالى ... انت نسيت ان الشركه دى بتاعتى .. وازاى تتنازل .. ولا هو علشان صحبك هتطرمخ عليه
اياد\انا يابابا ...انا هبقى صحبى على شغل حضرتك
الحاج\امال تفسر بايه تنازلك عن البلاغ
اياد\طيب ممكن حضرتك تهدى وانا احكيلك
الحاج\اتفضل انا سمعك
حكا له اياد ماحدث من محمد وماقاله له خاله عماد وسبب العفو
الحاج\حسبى الله ونعم الوكيل ... انا نظرتى فى الواد ده كانت فى محلها ..عمرى ماارتحت له ... واخوالك دول حسبى الله ونعم الوكيل فيه وبالذات خالاك عزت
اياد\علشان خاطرى يابابا متزعلش نفسك
الحاج وهو يفكر \ماشى ... روح يابنى شوف شغلك ..متزعلش من نرفزتى
اياد ويقبل يد والده\لا طبعا مش زعلان .. ربنا يخليك لنا
خرج اياد من عند والده وامسك الحاج هاتفه
************************************************** ********************
مى\خير يااياد بابا كان متنرفز كده ليه
اياد\مفيش متشغليش بالك ... حجات فى الشغل معرفش بيها فزعلان انى مقلتلوش
مى\اه .. اوعى تزعل منه هو اكيد قلبه عليك
اياد بفخر بزوجته\طبعا مش زعلان....
ايا د\ مى بقولك ايه ..انتى هتفكى الجبس ده امتى بقا
مى \الدكتور قال كمان يومين .. بتسال ليه يعنى
اياد بتفكير\يومين..لا عادى ياحبيبتى بطمن عليكى مكمنش يعنى
مى\لا طبعا اتطمن
اياد\طيب تعالى اكملك الحدوته اللى كنت بحكيهالك
************************************************** ***********************
الحاج\الو ...عزت
عزت\ايوة انا انت مين
الحاج\انا محمود ياعزت واسمع منى الكلمتين دول ..انا بحذرك للمرة الاخيرة
عزت \استنى عندك انت ازاى تكلمنى كده
الحاج\استنى عندك انت ...انا سكت عليكم كتير علشان خاطر اختكم الله يرحمها ..بس بقولك اهو انا مش هسكت كتير ..كفايه سرقين حق والدى وانا ساكت
عزت\قول كده بقا حق ايه انتوا مالكوش حقوق عندنا واعلى ما فى خيلك اركبوا ... وانا اللى بحذرك منى ... انت عارف انى لو \ حطيتك فى دماغى هفعصكم
الحاج\اللى زيك اللى بيكلوا مال اليتيم ننتظر منه اى حاجه ..واغلق الهاتف فى وجهه
عزت\بتقفل فى وشى ... ورحمة اللى ماتوا لاندمك
************************************************** ************************
فى صباح اليوم التالى اخذ اياد سيارته وتوجه الى الشركه
اياد\السلام عليكم ...ازيك ياعريس
حازم\وعليكم السلام .. اهلا وسهلا منور
اياد\ده نورك .. بقولك عايزك فى خدمه
حازم\خير اؤمر
اياد \هقولك بس اطلبى حاجه الاول
حازم\ايه الواد الجعان ده
اياد بضحك\مالك كده مش فى المود ياحزززو هى مطرقعالك ولا ايه
حازم \بايخه على فكرة .... اسكت دى منشفه ريقى
اياد\ياعينى صعبت عليا
حازم\خليك فى خيبتك انت
اياد\ههههههههههههههههههههه متشغلش بالك بيا... وبعدين بعيد عن قرك .. انا ومراتى متفهمين وبنحب بعض الحمد لله
حازم\طيب الحمد لله ..مبروك ياعم ..عقبالى يااارب
اياد\ربنا يستر علينا من قرك
حازم\هههههههههههههههههههه ماشى ..اشرب قهوتك بقا واحكيلى
************************************************** ************************
اياد\السلام عليكم
مى \وعليكم السلام....حمد لله على السلامه
اياد\الله يسلمك ياحبيبتى .. بابا نام
مى\اه خد الدوا ونام..انت اتأخرت كده ليه
اياد\ايه ..وحشتك
مى بخجل\طبعا واحشتنى
اياد\وانتى واحشتينى اكتر
مى\اطلع ياحبيبى غير هدومك على اما احضر الاكل ..
اياد\ماشى ...
مى \يلا ياحبيبى بالهنا والشفا
ايا\مى انتى عندك جواز سفر
مى \اه ..ليه
اياد\كويس
مى \ليه احنا هنسافر
اياد\اه ..تحبى تروحى فين
م \انت عايز تروح فين
قام اياد ووقف قبالتها \بصى انا ليا واحده حببيتى اوووى اوووى نفسها فى حاجه انا حاسيسها بس هى مش راضيه تقولى فايه بقا
مى بحب \ايه بقا
اياد\قلبى قالى ياواد يااياد اعملها الحاجه دى وشوف كده هى دى اللى نفسها فيهاولا لا .....هنسافر ان شاء الله نعمل عمرة وناخد بابا معانا
اغرورقت عيون مى بالدموع \بجد يااياد
\اياد وهو يجذبها لاحضانه\طبعا بجد ياحبيبتى
مى ببكاء \ربنا يخليك ليا يااارب فعلا دى امنية عندى انى اروح ..مش عارفه اقولك ايه
اياد\متقوليش حاجه ..انا كفايه عليا انى اشوفك فرحانه ده عندى بكل الدنيا ..بطلى عياط بقا مبحبش اشوف دموعك
مى وهى تقبل يده \ربنا يخليك ليا يااارب وميحرمنيش منك ابدا
اياد\ولا منك ياحبيبتى ...ان شاء الله نفك الجبس بكرة ونخلص بقيت الاجراءات وسافر ان شاء الله
مى \ان شاء الله
مى \انت لحقت تعمل كل ده امتى
اياد\والله الواد حازم كتر خيره ساعدنى كتير النهارده
مى \اه ربنا يخليكم لبعض يااارب
اياد\ويخليكى ليا
اياد بتفكير \مى
مى \نعم ياحبيبى فيه حاجه
اياد وهو يحملها \احنا كنا وقفنا فى الحدوته لفينانا بفتكر مش فاكر
مى بضحك \مش عارفه
************************************************** **********************
انجز اياد اجراءات مى ووالده وفكت مى جبسها وتوجهوا الى المطار ودعهم احمد وحازم ومنى ووصهم بالدعاء لهم وانطلقوا الى بيت الله الحرام ........
