دخل اياد المنزل فى الليل يتحثث الخطى وجد منى امام التلفاز ومعها نور وسيف يلعب
اياد\ايه اللى مصحيكم
منى\سيف مش عايز ينام ...ومى شكلها مرهق ونور مسهارها قولتلها هاتيها شويه واطلعى ارتاحى
ارتسمت على وجه اياد ابتسامه بخبث واخذ يتظاهر بتمطع \طيب انا هطلع ارتاح انا كمان
منى \ماشى
اياد \تصبحوا على خير ..قبل اياد فتاته الصغيرة ثم صعد الى الاعلى
سار اياد بخطوات بطيئه خفيفه حتى لا يلفت الانظار الى حجرة مى وفتح الباب بهدوء ثم دلف الى الحجرة
جلس اياد على الفراش قال بهمس\مى حبيبتى انتى صاحيه ..انا جيت .......وانسى انك هتعرفى تطلعينى زى امبارح ..الليله السهرة للصبح
اياد بهمس\مى حبيبتى ...لف اياد يده على خصرها وظل يقترب حتى وقع على الارض من جراء دفعه قويه وفى نفس اللحظه فتح الباب
منى\فيه ايه
احمد\انت ايه اللى جابك هنا
اياد فى فزع\انت ايه اللى جابك هنا
احمد\انا نايم ..انت عايز ايه
اياد بخجل\مش مى كانت هنا
ظل احمد يضحك بهستريا حتى دمعت عيناه هو ومنى \اه علشان كده بتتكلم بحنيه ....اه فهمت دلوقتى مى غيرت الاوضه ليه ....
قام اياد وهو يساوى ملابسه \هى مى غيرت الاوضه
منى\هى مى طلبت منى انى انقل من الاوضه اللى احنا فيها للاوضه التانيه علشان البلكونه بتدخل هوا جامد وهى خايفه على نور
اياد بتوعد \ماشى ماشى ...انا اسف
احمد بضحك\ياسلام على الحلو لما تبهدله الايام...شكلك مسخرة ..فينك ياحازم تشوف
مسك اياد احدى الوسائد وقذف بها اخيه وخرج وهو يتساقط عرق من الخجل على هذه الحادثه ويتمتم فى غضب \ماشى يامى ماشى
كانت مى فى هذه الحظه تقف خلف الباب سقطت على الفراش فى هيستريت ضحك
سمعها اياد وهو يمر بجوار الحجرة حاول فتح الباب ولكنهاقد اغلقته
اياد \ماشى ....عد موج البحر قالوا الجيات اكتر من الريحات يامى ..اضحكى اضحكى
************************************************** *****************************
وصل اسر وياسمين عند اذان الفجر هاتف اسر اياد فخرج لهم واصر عليهم الدخول وحضر لهم غرفه فى المنزل وتركهم يرتاحوا
فى الصباح استيقظت مى وخرجت من غرفتها قابلت اياد على سلم المنزل اقترب اياد منها وثبتها على زاويه السلم
اياد بهمس \اللى حصل امبارح ده هيتردلك على فكرة انتظرى الرد
حاولت مى اخفاء ضحكتها لم تجدى المحاولة نفع فإنفجرت فى الضحك ولم تقدر ان ترد
اياد بحب \اضحكى اضحكى ....تعرفى واحشتنى ضحكتك اووى
اربكها انفاسه التى تلفح وجهها ايقظت فى جوانب قلبها نيران الحب الخامده تحت الرماد التى انقشع من انفاسه
مى بتوتر \اياد ..ابعد ..ممكن حد يجى
اياد وهو يقبل فى وجنتها \مى ,,,,,مش قادر على بعدك
مى بهمس\اياد ..ابعد بقا
لم يأبى اياد لندائها
شعرت مى بالخجل الشديد لتفكيرها ان راها احد
دفعته بعيد عنها
مى\اياد لو سمحت ميصحش كده
اياد بتنهيده\حاضر ..زى ماتحبى ...برده ليكى يوم
دفعته مى جانبا ومرت
اوقفها اياد\مى اسر وياسمين تحت
مى بفرحه\بجد ..هما وصلوا امتى
اياد\الفجر
مى \طيب انا نازله
هبطتت مى هى واياد اطرقت الباب ففتح اسر ااول ماراى مى ارتمت فى احضانه واخذت تبكى خرجت ياسمين
وقف اياد متأثر من هذا المشهد تركت اسر وتوجهت الى ياسمبن ظلوا فى عناق طويل ويبكى كل منهما للاخرى لتشكى لها مامر بها بعد الفراق
__________________________________________________ _____
مى \بقينا لوحدنا \احكيلى بقا عن كل حاجه
ياسمين \طبعا هحكيلك ...انا مستنيه اليوم ده من زمان
لمعت فى عيونها الدموع ثم اكملت\لما سافرنا سمعت سلمى وماما بتكلموا على اللى سلمى عملتوا فيكى
سلمى\كانت بتعيط وبتحكيلها ان زيزى ومحمد ضحكوا عليها ومدوهاش الفلوس اللى قالولها عليها اللى كانت هتنقذنا من افلاس الشركه
ماما اتهمتها انها عبيطه وانه اضحك عليها اتخنقوا خناقه جامده يومها وسلمى خرجت من البيت تقابل اصحبها
طبعا انا سمعت كل الحوار بس غصب عنى لانهم مكنوش عارفين ان صوتهم وصلى من نرفزتهم على بعض
المهم انا كلمت ابيه اياد وحكيتله بعد ما خلصت كانت ماما سمعتنى ..ضربتنى وودتنى مدرسه داخليه هربت فى الاول وروحت لاسر بس مراته مرضيتش تخلينى واسر رجعنى لماما وقاعدت اسوء ايام حياتى فى المدرسه دى
اتعذبت هناك اووى
محدش كان بيزرونى خالص ولا حتى ماما ..بكت ياسمين بهستريا
اخذتها مى بين احضانها ..معلش ياحبيبتى لو تعبتى خلاص متكمليش
مسحت ياسمين دموعها \لا هكملك ..نفسى افضفض
كنت ببعتلهم جوبات كتير اووى محدش كان بيرد
يوم لقيت المشرفه بتنديلى من الاوضه
لقيت اسر ..فرحت اوووى فضلت فى حضنه اعيط وهو يعيط
حكالى
ان ماما كان ليها بوى فريند يامى وقتلها وخد الفلوس اللى كانت معاها
بكت ياسمين بحرقه
صعبانه عليا اوووى انها ماتت كده
مى بأسى وبكاء \الله يرحمها يااارب
اردفت ياسمين\يااارب...سألته عن سلمى ..قالى انها لما ماما كانت بتجيب الواد ده ..كان بيغتصبها من روا ماما لما بيحط لماما منوم اللى اخر مرة زودلها الجرعه فماتت فيها
كان بيحط لسلمى مخدرات فى العصير وكان بيغتصبها لما ادمنت لما ماما ماتت والشرطه بحثت عرفوا انه هو اللى عمل كده وطبعا سلمى دخلت فى حالة اكتئاب حاد ومعدتش بتتكلم
مى\امال عرفتوا اللى كان بيعملوه ازاى
ياسمين بغل\هو الحيوان هو اللى اعترف ماهى سلمى برده انت فى حاله صعبه يومها والطب الشرعى اثبت الاعتدا وهو اعترف ..بس لاننا مصريين محدش جبلنا حقنا والقضيه اتحفظت .... وكان ياحبيبتى بيهددها بصور وفيديوهات هينشورها على النت وكانت بتسيبه يعمل فيها كده من الخوف
ياسمين ببكاء\سلمى بتضيع مننا
مى ببكاء\يا الله ...مش قادرة اصدق اللى حصل لهم ده ..يارب لطفك بينا
ياسمين وهو تمسك يدها وتبكى\سامحيهم ياابله ..سامحيهم ارجوكى ..انا عارفه انهم ظلموكى كتير ..بس سامحيهم
مى ببكاء\انتى بتقولى ايه ياسمين ..طبعا مسمحاهم طبعا ..انا مش قادرة اتخيل انهم اتعذبوا كده ..ودينى عند سلمى ياياسمين
ياسمين \يارريت يابله انتى املنا الاخير ..دى لما كانت بنجيب سيرتك كانت بتعمل ردود فعل على طول ..اما غير كده ..كأنها فى دنيا تانيه
مى ببكاء\ياحبيبتى ياسلمى
************************************************** ************************************************** ********
خرجت مى للخارج وجدت اسر يجلس مع اياد ويظهر عليه علامات الحزن الشديد لم تريد ان يعرف زوجها عن ماحدث لابنة عمها رغم مامر فهى من دمها
مى وهى تتظاهر بالتماسك ولكن الدموع خانتها\اسر ....ودينى عن سلمى
اسر بحزن \حاضر
اياد\مالك ياحبيبتى
مى ببكاء\ عايزة اشوفها يااياد
ارتمت مى فى احضان اياد وبكت بحرقه على ابنة عمها رغم كل مافعلته بها فهى تظل من دمها
اياد\اهدى ياحبيبتى ..هما الجماعه يرتاحوا النهارده ..وبكرة ان شاء الله نسافر من الفجر
اومأت له مى برأسها وهى تمسح دموعها \ان شاء الله ...حتى كمان اروح للجماعه علشان قراية الفاتحه
اياد\ماشى ياحبيبتى ..اهدى انتى بس
حضر الحاج محمود ورحب كثيرا ب اسر وياسمين وجلس معهم
حضرت منى ومى ويايسمن الغداء ثم اخذتهم مى على منزل والدها وراى منزل والدهما القديم التى اصرت والدتهم على بيعه
************************************************** *****************************
اخذت مى ياسمين وذهبت للرضوى عروسة اليوم
مى \الف مبروك ياحبيبتى ربنا يتمم بخير
رضوى بفرحه\الله يبارك فيكى ياحبيبتى
روضه \ قولى عقبالك
مى بضحك ممزوج بالحزن\عقبالك ياحبيبتى
مى\دى ياسمين بنت عمى
رضوى\الف حمد لله على سلامتك نورتينا
ياسمين\الله يسلمك..ده نورك ياحبيبتى ..الف مبروك
رضوى \الله يبارك فيكى
اميمه\اهلا يامى ياحبيبتى نورتى هاتى القمر دى واحشتنى اووى
مى \تسلمى ياطنط ..مبروك ربنا يتتم بخير يااارب
اميمه \عقبال ماتشوفى نور عروسه يااارب
مى\يااارب
مى\ياسمين بنت عمى\اهلا اهلا ايه النور ده منورنا ياسمين
ياسمين\شكرا لحضرتك ياطنط
اميمه\خدى ياروضه العصير طلعيه للناس اللى بره على اما اجهز الحلويات
روضه حاضر
مى \انا جايه اساعدك ياطنط
اميمه\تسلمى ياحبيبتى
ياسمين \هاتى نور عنك ..
مى\خدى ياحبيبتى \افضلى بقا مع العروسه ..ظبطيهالنا كده
روضه \يااه الصنيه دى تقيله اوووى
اميمه\يلا يابت بلاش دلع ..دخليها
دخلت روضه وهى تشعر بحمل الاكواب الثقيل
دلفت ووزعت على الضيوف العريس ووالده وخاله وعمه واياد ووالده واحمد وحازم ثم انكب اخر كوب على اسر
روضه بخجل يكاد يقتلها\اسفه ..اصل السجادة لخبطتنى
اسر وهوة يحاول تنظيف نفسه \مفيش حاجه حصل خير
اميمه\لا حول ولا قوة الا بالله مش تخدى بالك يابنتى
روضه وكادت ان تبكى\اسفه والله مخدتش بالى
مى\خلاص حصل خير .. ..تعالا يااسر نروح البيت تغير ونيجى ..محصلش حاجه يابنتى متعيطيش
************************************************** ****************************
خرج اسر بصحبة مى الى المنزل ابدل ملابسه
مى\خلاص خلصت
اسر \اه خلاص..اسمها ايه البنت دى يامى
مى\روضه ...معلش هى مخدتش بالها
اسر\لا عادى بتحصل
مى بخبث\انما بتسأل ليه
اسر \لا ابدا مفيش حاجه
