مى\اتفضلوا ياحبيبى دى اوضتكم ارتاحوا فيها من السفر
سلمى\ميرسى ياميوى
ياسمين \شكرا ياابله ...انا مبسوطه اوووى انى شوفتك
مى وهى تضمها اليها\وانتى واحشتينى اكتر ياحبيبتى ...اسيبكم انا بقا ولما تصحوا ان شاء الله لينا قاعده كبيرة لما نزهق
اياد\ها ياحبيبتى عجبتهم الاوضه
مى\اه الحمد لله.... مبسوطه اوووى انى شفتهم
اياد\دول بقا اخوات اسر
مى \اه ..ولاد عمى الله يرحمه
اياد\الله يرحمه ..بس هما سافروا ليه
مى بخجل \اصل عمى عنده شركه بره .. واهما سافروا علشان يتبعوها وكده
اياد\وانتى مسفرتيش معاهم ليه
مى بخجل وتريد تغير الموضوع\ايه كنت عايزنى اسافر ومتشوفنيش
اياد بحب\ياخبر ..ده انا كنت اموت
مى\بعد الشر عليك ياحبيبى ..ربنا يخليك ليا ياااااارب
اياد \ويخليكى ليا ياحبيبتى ..تعالى بقا نرتاح اصل دماغى بتزن
************************************************** *****************************
حازم\السلام عليكم ..ازيك ياحبيبتى
ايمان\وعليكم السلام ورحمة الله وبركاته
حازم\اممممممم ماشى
ايمان بضحك\ايه انت على طول واخد بالك ..ازيك ياحبيبى واحشتنى
حازم بضحك\ايوة كده خلى الدنيا تنور ..وحشتينى
ايمان\ماشى اى خدمه احفظ الجمايل دى
حازم\ماشى محفوظه ياجميل وكله هيترد بعون الله
ايمان\ان شاء الله
حازم\ايه رايك نروح النهارده ان شاء الله نسلم على مى واياد
ايمان\ياريت والله
حازم\خلاص ماشى اجهزى وانا هفوت عليكى بعد ساعتين كده ان شاء الله
ايمان\ماشى ياحبيبى هستناك
حازم\مش عايزة منى حاجه
ايمان \عايزه سلامتك ياحبيبى ..مع السلامه
************************************************** *************************
استيقظت مى من نومها توضأت وصلت فروضها ايقظت زوجها صلى وعاد الى النوم خرجت هى لتطمئن على سلمى وياسمين وجدت ياسمين تقف على بابا الغرفه وتسترق السمع على اختها
مى\ياسمين انتى بتعملى ايه
ياسمين بخضه \ابله مى ..مش بعمل حاجه ,,اصل اصل سلمى كانت بتزعق فبشوف بتزعق ليه
مى\كده ينفع يعنى ياياسمين ميصحش ياحبيبتى انتى متعرفيش الايات اللى بتقول بسم الله الرحمن الرحيم
قال تعالى : " يَا أَيُّهَا الَّذِينَ آمَنُوا اجْتَنِبُوا كَثِيرًا مِنَ الظَّنِّ إِنَّ بَعْضَ الظَّنِّ إِثْمٌ وَلَا تَجَسَّسُوا " [ الحجرات : 12 ] .
والحديث الشريف عَنْ أَبِي هُرَيْرَة رَضِيَ اللَّه عَنْهُ قَالَ : قَالَ رَسُول اللَّه صَلَّى اللَّه عَلَيْهِ وَسَلَّمَ " إِيَّاكُمْ وَالظَّنّ فَإِنَّ الظَّنّ أَكْذَبُ الْحَدِيثِ وَلَا تَجَسَّسُوا وَلَا تَحَسَّسُوا وَلَا تَنَافَسُوا وَلَا تَحَاسَدُوا وَلَا تَبَاغَضُوا وَلَا تَدَابَرُوا وَكُونُوا عِبَاد اللَّه إِخْوَانًا " رَوَاهُ الْبُخَارِيّ (6064) ، وَمُسْلِم (2563) .
يعنى الى انتى بتعمليه ده تجسس ومهما كانت مبرراتك برضه غلط وميصحش ان تعمليه
فيه كمان قصه كنت قراتها زمان
وأورد القرطبي قصةً فقال : وَقَالَ عَمْرو بْن دِينَار : كَانَ رَجُل مِنْ أَهْل الْمَدِينَة لَهُ أُخْت فَاشْتَكَتْ , فَكَانَ يَعُودهَا فَمَاتَتْ فَدَفَنَهَا . فَكَانَ هُوَ الَّذِي نَزَلَ فِي قَبْرهَا , فَسَقَطَ مِنْ كُمّه كِيس فِيهِ دَنَانِير , فَاسْتَعَانَ بِبَعْضِ أَهْله فَنَبَشُوا قَبْرهَا فَأَخَذَ الْكِيس ثُمَّ قَالَ : لَأَكْشِفَنَّ حَتَّى أَنْظُر مَا آلَ حَال أُخْتِي إِلَيْهِ , فَكَشَفَ عَنْهَا فَإِذَا الْقَبْر مُشْتَعِل نَارًا , فَجَاءَ إِلَى أُمّه فَقَالَ : أَخْبِرِينِي مَا كَانَ عَمَل أُخْتِي ؟ فَقَالَتْ : قَدْ مَاتَتْ أُخْتك فَمَا سُؤَالك عَنْ عَمَلهَا ! فَلَمْ يَزَلْ بِهَا حَتَّى قَالَتْ لَهُ : كَانَ مِنْ عَمَلهَا أَنَّهَا كَانَتْ تُؤَخِّر الصَّلَاة عَنْ مَوَاقِيتهَا , وَكَانَتْ إِذَا نَامَ الْجِيرَان قَامَتْ إِلَى بُيُوتهمْ فَأَلْقَمَتْ أُذُنهَا أَبْوَابهمْ , فَتَجَسَّس عَلَيْهِمْ وَتُخْرِج أَسْرَارهمْ , فَقَالَ : بِهَذَا هَلَكَتْ !
ياسمين \انا اسفه ياابله..انا بس كنت عايزة اعرف هى بتقول ايه
مى \متاسفيش منى ياحبيبتى استغفرى ربنا
ياسمين\ استغفر الله العظيم يااااارب ...والنبى ياابله متزعليش منى وحياتك مكنتش اقصد
مى \قولى لا اله الا الله
ياسمين \لا اله الا الله
مى \متقوليش تانى والنبى ولا وحياتى ولا الكلام ده
الحلف بغير الله لا يجوز، بل يجب أن يكون الحلف بالله وحده سبحانه وتعالى; لما ثبت عن رسول الله صلى الله عليه وسلم أنه قال: ((من كان حالفاً فلا يحلف إلا بالله أو ليصمت)).
فالحلف بغير الله من المحرمات الكفرية، ولكنه من الشرك الأصغر، إلا إذا قصد أن محلوفه عظيم كعظمة الله، أو أنه يتصرف في الكون، أو أنه يستحق أن يدعى من دون الله، صار كفراً أكبر والعياذ بالله.
فإذا قال: وحياة فلان، أو وحياة الرسول، أو وحياة موسى، أو وحياة عيسى، أو وقبر أبي، أو حلف بالأمانة وبالكعبة أو ما أشبه ذلك، فكل ذلك حلف بغير الله، وكل ذلك لا يجوز، وكل ذلك منكر.
ياسمين \استغفر الله العظيم ...وحشتنى دروسك اوووى ياابله
مى\حبيبتى وانتى اكتر واحشتينى ...تعالى ننزل نشرب حاجه ونتكلم تحت
************************************************** ***************************
سلمى \ماشى ماشى...خلاص فهمت
\بقولك ايه يامامى انا مش صغيرة
\لا متخافيش عليا
\اه اتفقت معاهم على كده
\لا متخافيش متعرفش حاجه
\لا ياسمين دى عبيطه
\اه شكلهم حالتهم الماديه كويسه
\اه بنت المحظوظه جوزها قمر
\ههههههههههههههههه مش عارفه اتجوزها ازاى دى
\اه ..اه ماشى خلاص
\ايه مين دى ده انا كنت اطلع عينها
\اوك سلام يامامى
************************************************** *****************************
ياسمين\مش عارفه والله ياابله ..هى مامى قالتلى ان سلمى عايزة تجيب ورق مهم من الكليه وان بالمرة نشوفك ونتطمن عليكى
مى\وهى طنط اخبارها ايه واسر
ياسمين بتنهيده\اسر مش بنشوفه خالص ..اتجوز واحده من هناك وتقريبا مش بيجى الا كل فين وفين ..ومامى هناك ناس اصحابها قاعده معاهم على طول وسلمى مقضيها خروجات وانا هناك ببقى قاعده لوحدى
مى\معلش ياحبيبتى
ياسمين \سيبك منى بقا ..احكيلى عرفتى المز ده ازاى
مى\هههههههههههه مز ..احنا قولنا ايه يابنتى
ياسمين \خلاص اسفه اسفه ..بهزر والله ..قولى بقا بتحبيه
مى\طبعا بحبه مش جوزى
ياسمين\لا مش قصدى الحب ده قصدى الحب الحب يعنى ماانا عارفه انه علشان جوزك لازم تحبيه
مى\مش هخلص منك انا ..اه بحبه اوووى وبموت فيه كمان
اياد بخبث\هو مين ده اللى بتحبيه وبتموتى فيه
مى \اياد حرام عليك خضتنى
ياسمين\هههههههههههههه اقول ياابله
اياد\لا هى اللى هتقول ..اعترفى ياهانم مين ده
مى بضحك\واحد حبيبى اوووى يبقى جوزى واسمه اياد
اياد \اه انا عارف الراجل ده ..هو كمان بييقولى انه بيحبك اوووى كمان
ياسمين\احم احم نحن هنا ياجماعه ..حرام يعنى اعملوا حساب انى فى بشر عايشين معكم
اياد\منورة والله ياسمين
ياسمين \ههههههههههههههههههههه ماانا عارفه
جلس اياد بجوار مى وجذبها بين احضانه\انتوا بتتفرجوا على ايه
ياسمين \مش بنتفرج على حاجه ..كنا بنرغى مع بعض زى زمان
اياد\شكلى هغير منك ياياسمين ...انا برده نفسى ارغى مع مى اوووى واحكيلها حواديت بس مفيش فرصه
مى بخجل\اياد..انا هقوم اعملك حاجه تشربها
اياد\منورة ياياسمين
************************************************** *****************************
مى\اياد افتح الباب ايدى مش فاضيه
اياد\حاضر ياحبيبتى
اياد\اهلا ايه النور ده ...حازم مرتين فى اليوم ده ايه الهنا ده
حازم\ايه يعنى اروح
اياد\ياريت ..اتفضلى ياايمان اهلا وسهلا
حازم\بتطردنى قدامها .....طيب احترمنى بالتمثيل شويه
اياد\ايمان منا وعلينا ولا ايه
ايمان\طبعا انتوا اصحاب فى بعض متدخلونيش ..امال الجماعه فين
اياد\مى فى المطبخ ومنى واحمد تقريبا نايمين وبابا وكله يعنى فى بس جوه بنت عم مى...امال عمى فين
ايمان\بابا هيجيلكم بكرة ان شاء ..انا هدخل لمى
اياد\تعالى ياعم ده انت واحشنى موت
حازم\وانت اكتر والله
ايمان\مى حبيبتى حمد لله على سلامتك
مى\اهلا اهلا ازيك ياحبيبتى
************************************************** *****************************
مى \اتفضلوا الشاى
حازم\شكرا ..متشوفولنا حد يصحيلنا الاخ احمد ده
اياد\دلوقتى هتلاقيه نازل
سلمى \هاى عليكم ..مى انا هخرج اروح الفيلا بتاعتنا اجيب حجات وهعدى على صحبتى وارجع باى
مى\ماشى ياحبيبتى خدى بالك من نفسك
حازم بصوت منخفض\مين المزة دى ياعم مش تعرفنا
اياد\يخربيتك مراتك جمبك زمنها سمعتك
ايمان\سييه يااياد
حازم\انا بهزر والله اصلها لابسه مكشوف اوووى
ايمان بصوت هامس \انت اصلا لو محترمنى مكنتش قولت كده وبعدين انت مالك انت لابسه مكشوف ولا مش لابسه خالص ..... زى ما ربنا امرها انها تغطى نفسها ...امرك انت كمان انك تغض بصرك
حازم\انا والله كنت بهزر مقصدتش حاجه
ايمان\ياريت نتكلم بعدين مش وقته نتكلم هنا
حازم\انا اسف ياايمان متعمليهاش زعله بقا
ايمان\متأسفش منى استغفر ربنا عن ذنبك ...وياريت كفايه كده كلام علشان محدش ياخد باله
اياد\ايه طرقعتلك
حازم\منك لله ياشيخ
اياد\هههههههههههههه وانا مالى حد قالك تبص
حازم\قال يعنى انت مبصتش
اياد\الحمد لله والله مبصيت انا لسه راجع من عمرة هضيعه علشان حاجه فارغه
حازم\وانت يعنى مصدق فيا كده ...ياعم انا والله كنت بهزر ومقصدتش حاجه
اياد\الكلام ده مفيش فيه هزار ولا مقصدتش ولا قصدت ...ومراتك عندها حق تزعل
حازم\استغفر الله العظيم ..ربنا يسمحنا
اياد\يااارب ..احنا بنستهون بحاجات بنفتكرها بسيطه وهى عند ربنا عظيمه
************************************************** *****************************
انصرف الجميع وتاخرت سلمى فى العودة وقلقت مى كثيرا صعد اياد لغرفته ليبدل ملابسه ونامت ياسمين وظلت مى تتنتظر سلمى الى ان حضرت
مى\سلمى ..انتى كنتى فين قلقتينى عيلكى ..ومالك معيطه كده ليه
انهارت سلمى فى احضان مى وبكت بكاء شديد
مى\حبيبتى فيه ايه حد عملك حاجه
سلمى \انا ضعت يامى انا ضعت خلاص ..اعمل ايه يارب
مى\اهدى بس ياحبيبتى اهدى
سلمى \خلاص يامى انا هنتحر..معدش ينفع اعيش بعد كده
مى\استغفرى ربنا تنتحرى علشان ايه مفيش حاجه تستاهل كل حاجه ليها حل بإذن الله
اقعدى بس هعملك كوباية ليمون تهديكى
اتفضلى ياحبيبتى اشربى واهدى
سلمى \ميرسى ليكى ..معلش ازعجتك معايا
مى \متقوليش كده ياحبيبتى انتى اختى
سلمى \ربنا يخليكى ليا..انا عارفه انى كنت بعملك وحش ومكنتش بسمع منك ياريتنى كنت سمعت كلامك ياريتنى
مى\اهدى بس واحكيلى فيه ايه
سلمى \هحكيلك كل حاجه ..لازم تعرفى
************************************************** ****************************
حازم\من ساعت ماخرجنا من عندهم وانتى ساكته ..قولى اى حاجه بس متسكتيش كده ..انتى عندك حق انا غلطان ارجوكى متزعليش
ايمان ببكاء\كون انك تبص لوحده تانيه وانا معاك يعنى انا مش بعنيلك اى شئ ....كون انك بتبص عليها وهى عريانه يعنى بتستهون بحدود ربنا ..
قال الله تعالى : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ ) الآية (النور:30-31) .
وهذا أمر رباني عام للرجال والنساء بغض الأبصار عمّا حرّم الله تعالى عليهم ، والمراد غض البصر عن العورة وعن محل الشهوة ، قال شيخ الإسلام ابن تيمية – رحمه الله تعالى – (قد أمر الله في كتابه بغضّ البصر، وهو نوعان: غضّ البصر عن العورة، وغضّه عن محلّ الشهوة. فالأول منهما كغضّ الرجل بصره عن عورة غيره، كما قال النبيّ صلى الله عليه وسلم: ((لا ينظر الرجل إلى عورة الرجل، ولا المرأة إلى عورة المرأة )) ، ويجب على الإنسان أن يستر عورته .... وأمّا النوع الثاني: فهو غضّ البصر عن الزينة الباطنة من المرأة الأجنبية، وهو أشدّ من الأول
يعنى انك تغض بصرك عن كل شئ كونها عريانه او غير كده ميدكش حق انك تبص عليها
حازم\انا والله مكن قصدى متكبريهاش ده كان هزار
ايمان بكاء \ده استصغارك للذنب فى حد ذاته كبيرة من الكبائر
قال تعالى : " وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ (15)" النور
وعن أحد الصحابة " إنكم لتعملون أعمالا هى أدق في أعينكم من الشعر كنا نعدها على عهد رسول الله صلى الله عليه وآله وسلم من الموبقات ".
والمؤمن الصادق المخلص لإيمانه هو الذي يرى ذنبه كأنَّه صخرةٌ "يخاف أن تقع عليه، وإنَّ الكافر ليرى ذنبه كأنه ذباب مر على أنفه" .
والذنوب الصغائر هي الطرق إلى الكبائر.
روى الصادق (ع) أن رسول الله (ص) نزل بأرض قرعاء، فقال لأصحابه: أئتونا بحطب، فقالوا: يا رسول الله، نحن بأرض قرعاء ما بها من حطب، قال: فليأت كل إنسان بما قدر عليه، فجاؤوا به حتى رموا بين يديه بعضه على بعض، فقال رسول الله (ص): هكذا تجتمع الذنوب.
ثمّ قال : إيّاكم والمحقّرات من الذنوب !.. فإنّ لكل شيء طالباً ،
ألا وإنّ طالبها يكتب ما قدّموا وآثارهم وَكُلَّ شَيْءٍ أَحْصَيْنَاهُ فِي إِمَامٍ مُبِينٍ.
"ومنْ لم يخفْ الله في القليل، لم يخَفْه في الكثير"
حازم\استغفرك ربى واتوب اليك....انا مش عارف لو مخترتش زوجه زيك كنت بقيت ازاى ..ربنا يخليكى ليا وتعنينى ديما على طاعة ربنا
حازم \ايمان ارجوكى متعيطيش ..كفايه بقا خلاص انا توبت والله مش هعمل كده تانى ...انا مبسوط انك بتعنينى على دينى ..خلاص بقا
ايمان\ماشى خلاص ..متعملش كده تانى
حازم \اخر مرة خلاص بقا ..وادى راسك اهى هبوسها ..حقك عليا بقا
ايمان\ماشى خلاص
حازم\اضحكى الاول
ايمان بضحكه خافته
حاوم\والله انا بحبك ومفيش اى واحده فى الدنيا دى تملا عينى غيرك ربنا يخليكى ليا ياااارب وميحرمنيش منك ابدا
ايمان\وانا برده بحبك ولو انى بحبك مكنتش ابدا زعلت منك ..انا خايفه عليك ..انا عايزة انا وانت نعين بعض على طاعة ربنا
حازم وهو يقبل يدها \ربنا يخليكى ليا
ايمان\ويخليك ليا..... هنزل انا بقا
حازم\يارب قرب البعيد بقا
ايمان بضحك\هانت
حازم\مع السلامه ياحبيبتى
ايمان\خد بالك من نفسك ..سلام
****************
