على الجانب الاخر
يجلس الحاج محمود مع الدكتور عمران يتبادلون الحديث
الدكتور عمران \اتفضل ارتاح ياحاج بينا كلام كتير قولى بقا ايه اللى عمل فيك
كده؟وايه اللى عرفك على البنت دى؟
الحاج محمود \انا من الزعل خرجت من الشركه ومحستش بنفسى الا قدام المحافظه
والبنت دى كانت قاعده فى الكرسى اللى جمب الكرسى بتاعى وربنا يجزيها خير جت تساعدنى وايه اللى زعلنى
الحاج محمود بتنهيدة يملؤها الالم \لسه برده مصممين يبعدونى عنها حتى وهى ميته
د عمران \هما برده تانى انت مش هتنسى بقا
الحاج محمود \انسى انسى ازاى انسى عمرى انسا ازاى ياريت النسيان سهل كده
دعمران \بتاثر متزعلش نفسك بكرة ربنا يحلها ان شاء الله
الحاج محمود \انا بس مستغرب هما ايه عرفهم ان انا اللى عايز اشترى وليه مصممين
يحرقوا قلبى دى الحاجه الوحيده اللى بتفكرنى بيها
د عمران \ان شاء الله ربنا يحلها
الحاج محمود \يااارب
انا هستاذن بقى وياريت متقولش لحد من الاولاد
د عمران \اوعدنى انك تاخد بالك من نفسك وانا مش هقول
الحاج محمود \اوعدك ان شاء الله
د عمران \متنساش الدوا ... تحب اجى اوصلك
\الحاج محمود\لا مالوش لزوم
انا هتصل بحد من السواقين يجى ياخدنى هتمشى شويه بعيد عن المستشفى علشان محدش يعرف انى كنت هنا
دعمران \ماشى ياحاج ربنا يديك الصحه ومد يده لمصافحة الحاج محمود
الحاج محمود وهو يمد يده\السلام عليكم ورحمة الله وبركاته
د عمران\وعليكم السلام ورحمة الله وبركاته
غادر الحاج محمود المستشفى واجرى اتصالا باحد السائقين يدعى سيد وطلب منه
الحضور وتمشى ليذهب عند المكان الذى اتفق معه على ان يقابله فيه
ليسرح فى ذكرياته..............................
محمود \تعرفى انا بحب المكان ده اوى بحس انه شبهك
نوربايتسامه \انا بحبك انت اكتر
محمود \تعرفى ان شاء الله لما ايبقى معايا فلوس هشتريهولك ياحبيبتى ويبقى ملك انتى بس
نور\ربنا يخليك ليا انا مش عايزة حاجه من الدنيا الا وجودك جمبى وربنا يخليك ليا ويخليلى
النونو الى هيجى ده .. وتنظر الا بطنها المنتفخه باول مولود لها
محمود وهو يتحسس بطنها \سمحينى علشان فرقت بينك وبين اخواتك
ويطرق راسه فى الم بس انا مقدرتش استغنى عنك
نور \متقولش كده ياحبيبى انت مالكش زنب هما اللى فاهمين الحياة غلط فاهمينها انها بالفلوس ربنا يهديهم
محمود \يااارب
تعالى نمشى بقا علشان عندى موضوع مهم جدا جدا عايز احكيلك عليه فى البيت
نور\ههههههههههههههههه انت مش هتشبع مواضيع وتتنتابها الام بسيطه
اه ادى اخرت مواضيعك
محمود \مالك ياحبيبتى هتولدى
نور اه اه مش قادررررررررررره
ورزق ب احمد ابنه الكبير فى المكان الذى طالما عشقه يذكرة بحبيبته التى مازال يعشقها
يفتح عينيه فى تاثر شديد
اثر ندء سيد عليه
سيد \مستنينى من زمان ياحاج
الحاج \لا يابنى يلا اطلع
ويركب الحاج محمود ويطلب منه ان يوصله الا المنزل
************************************************** ************************************************** *****************************
تناولت مى غداؤها مع ياسمين ووحضرت الخادمه ورفعت الطعام
مى \الحمد لله \
ياسمين \الحمد لله
مى\ انا هقوم انام بقى يا ياسمين شويه وصحينى العصر ان شاء الله
ياسمين \حاضر يا ابله هبقى اخبط عليكى
مى\ تسلملى ياحبيتبى
دخلت مى حجرتها وخلعت الاسدال وجلست على السرير لم تعطى لذكرياتها فرصه ان
تزورها فلقد اوقفتها لتنام
بعد فترة ذهبت ياسمين لتوقظ مى
ياسمين يطرق الباب\ابله مى العصر اذن ابله مى
مى \وبدءت تستيقظ خلاص يا ياسمين ياحبيتبى صحيت شكرا
ياسين \ العفو .. انا هروح الدرس بتاعى
مى ماشى ياحبيبى مع السلامه خدى بالك من نفسك
ياسمين حاضر \السلام عليكم
مى\ وعليكم السلام ورحمة الله وبركاته
قامت مى واغتسلت وتوضات
وخرجت لبس عبايه كاجول رصاصى وعليها حجابها وادت فرضها وخرجت لتذهب الى الجمعيه الخيريه التى تساعد فيها
************************************************** ************************************************** ****************************************
فى هذا المنزل الكبير الجميل جلس الشابان فى صمت احمد واياد دعونا نتوقف قليلا للتعرف عليهم عن قرب
احمد مهندس معمارى يبلغ من العمر 33 عام طويل ملامحه اقرب الى والده وسيم خمرى اللون مفتول العضلات تراه تظن انه خرج من روايه من روايات العصور الوسطى محارب او ما شابه ذلك شاب بار بوالده يعيش على ذكرى والدته التى يتذكر معاها بعض المشاهد البسيطه فوالدته توفت وهو ابن الخمس سنوات عندما كانت تلد اخاه اياد
اياد ذلك الفتى الشقى تراه تظن انه لا يتحمل مسؤليه عابث ولكن لا يتمادى فى الخطأ يعبث فى حدودو يحب والده كثيرا يحزن عندما يتذكر انه السبب فى موت والدته يحتفظ بصورة لها دائما فى محفظته طويل خمرى اللون يبلغ من العمر 27 عاما وسيم الى حد بعيد يشبه والدته كثيرا هذه الوسمه تعطيه بعض الغرور وهو ايضا مهندس معمارى
يكفى ذلك التعرف سنعرفهم اكتر مع بعض من خلال الاحداث
احمد فى هدوء \انا قلقان اووى على بابا العصر اذن وهو لسه مجاش
اياد فى الم \انا مقصدتش والله ازعله انا بس مرضيتش يتعشم انه هيعرف ياخدها فقلت اقوله
احمد \انا قولتلك استنى انا همهدله انت ديما كده متسرع وترجع تندم تانى ابقى فكر قبل ماتعمل الحاجه
اياد فى هدوء \كفايه عليا كده يا احمد انا بأنب نفسى كفايه عليا كده
احمد \خلاص مالوش لازمه الكلام يارب بس نطمن على بابا
فى هذه اللحظه يدخل الحاج محمود من باب المنزل ليتجه اليه احمد واياد
احمد \بابا حضرتك كنت فين
اياد \قلقتنا عليك اووى يابابا انا اسف و........
قاطعه والده \مفيش داعى للاسف ان شاء الله ليها حل
احمد \انا كلمت خالو عماد وهو قالى انه ان شاء الله هيحلها
الحاج محمود \ خالك عماد ده هو اللى فى اخوالك امك الله يرحمها كانت بتحبه هو الوحيد اللى كان معانا يستكمل بتنهيده يحلها ربنا ان شاء الله الجنينه دى انا لازم اشتريها دى غاليه عندى اوى سرقوها منها زمان مش هسمحلهم يخدوها منى تانى
احمد \ان شاء الله يابابا هتبقى لحضرتك
اياد بتأثر على حال والده \كنت بتحبها قوى كده
الحاج محمود \كنت ..اسمها بتحبها اوى كده ... يلا مش هنتغدى ولا ايه
@@@@@@@@@@@@@@@@@@@@@@@@@@@@@@@@@
فى احدى الجمعيات الخيريه تجلس سيده فى العقد الخامس من عمرها تظهر عليها علامات الوقار والطيبه امراءة منتقبه كل من يعرفه يحبها مى تناديها ماما لانها تعتبرها مثل امها فى نفس الحنيه والطيبه رغم انها لم تعيش مع والدتها فترة كبيرة فلقد توفت امها وهى فى الثالثه من عمرها رحمها الله وكل موتى المسلمين ولكن والدها حكى لها الكثير وتجلس امامها فتاتنا
السيده عائشه \مى حبيبتى واحشتينى اخبارك ايه ياحبيبتى
مى\الحمد لله ياماما عندى لحضرتك خبر هيفرحك ... وقصت عليها مى كل ما حدث
الحاجه عائشه \مبروك ياحبيبتى ربنا يجعل وشه خير عليكى .. بس عندى ليكى عتب يامى
مى \ايه ياماما ؟
الحاجه عائشه \انتى ازاى تامنى لراجل غريب مهما كان كنتى اتصلتى بالاسعاف توديه الله اعلم لو حد تانى ونيته وحشه كان عمل ايه
مى واطرقت راسها فى خجل \عند حضرتك حق انا فعلا انبت نفسى على اللى عملته بس مش عارفه انا كنت بتصرف من غير تفكير
الحاجه عائشه \حصل خير ياحبيبتى ياريت تخدى بالك بعد كده
مى \حاضر ياماما اوعدك
الحاجه عائشه بابتسامه جميله \يلا قومى معايا ياحبيبتى نروح درس القران
مى بخجل \ اتفضلى ياماما ده مبلغ صغير كده كنت عايزة اتبرع بيه
فمى تعلم فوائد الصدقه
انها تجعل الملائكة تدعو بالخلف على المتصدق فتقول "اللهم اعط منفقا خلفا"
و تنتصر على الشياطين ,قال صلى الله عليه وسلم "لايخرج رجل شيئا من الصدقة حتى يفك على لحييها سبعين شيطانا"
و تعالج المرضى ,قال صلى الله عليه وسلم "داووا مرضاكم بالصدقة "
و تطفئ غضب ربك ,قال صلى الله عليه وسلم "ان الصدقة لتطفئ غضب الرب"
و تمحو خطاياك ,قال صلى الله عليه وسلم "الصدقة تطفئ الخطيئة كما يطفئ الماء النار"
وتحمى عرضك وشرفك ,قال صلى الله عليه وسلم "ذبوا عن اعراضكم بأموالكم"
و تحسن ختامك ,قال صلى الله عليه وسلم "صنائع المعروف تقي مصارع السوء", قال صلى الله عليه وسلم "ان الصدقة لتطفئ غضب الرب وتدفع ميتة السوء"
وهى ظلك من اللهب ,قال صلى الله عليه وسلم "كل امرئ في ظل صدقته حتى يقضى بين الناس"
و تفك رهانك يوم القيامة ,قال صلى الله عليه وسلم "من فك رهان ميت (عليه الدين) فك الله رهانه يوم القيامة"
* الصدقة سترك من النار ,قال صلى الله عليه وسلم "يا عائشة استتري من النار ولو بشق تمرة ,فأنها تسد من الجائع مسدها من الشعبان".
الحاجه عائشه \تسلمى ياحبيبتى ربنا يجازيكى خير
مى \ربنا يخليكى يا ماما اتفضلى قومى يلا هنتاخر ونزلى النقاب لحد يعكسك
الحاجه عائشه \هههههههههه حاضر يلا
