فى احدى كافتريات العاصمه جلست فتاة تنتظر فتاة اخرى اقلبت عليها بدموع
ميرنا \ايه يابنتى خضيتينى ايه اللى حصل مفهمتش منك حاجه خالص من التليفون
سها \مصيبه مصيبه كده كل اللى خططنا ليه باظ
ميرنا \ليه ايه اللى حصل انتى اتاكدتى من حاجه
سها \اه انا سمعتهم وقصت عليها ماحدث
ميرنا \ياخبر ابيض احنا لازم نعمل حاجه نطفش البت دى
سها\ هنعمل ايه ياعنى يافالحه انتى مشوفتيهوش بيعملها ازاى ياخسارة تعبى وانا اللى كنت فاكرة راجل عجوز وما
هيصدق بنت تبصله بقى انا اصوم اصوم وافطر على ده وكمان مش عجبه هعمل ايه دبرينى
ميرنا بعد تفكير \سيبينى افكر فيها شويه واشوف ليكى حل ما انتى اللى معرفتيش توقعيه
سها \اعمل ايه اكتر من اللى عملته حجاب واتحجبت دلع وادلعت اعمل ايه اكتر من كده
ميرنا \خلاص اهدى وليها حلى متتقلقيش بس تنفذى اللى اقولك عليه بالحرف
سها \اشجينى ياختى اشجينى اما اشوف اخرتها ايه
************************************************** **************************************************
على الجانب الاخر
دخلت مى حجرتها بعد تناولها غداؤها معهم ولم تظهر لهم ماسمعته
صلت فرضها وبدلت ملابسها وخرجت لتذهب الى الجمعيه عند الحاجه عائشه لتاخد رايها فى ما يحدث لها
مى \السلام عليكم ياماما
الحاجه عائشه بفرحه \وعليكم السلام ورحمة الله وبركاته مى حبيبتى واحشتتيى
لاحظت الحاجه عائشه حزن مى فى عنيها فهى تفهمه وتحس بها فهى تعتبرها مثل ابنتها
\مى مالك ياحبيبتى
انفجرت مى فى البكاء ولم تقدر على تمالك نفسها
وقصت لها ما سمعته من زوجه عمها وابنته
ا
مى \تصورى ياماما عمله عليه رهان مع صحبتها انها تاخدنى معاها ويهزؤنى ويعاملونى على انى الخدامه واصحابها يهزؤنى وابقى نمرة الحفله تصورى ياماما تصورى انا مش قادره اصدق ليه انا عملتلهم ايه ليه بيكرهونى كده انا والله مش بعاملهم غير بما يرضى الله
الله يرحمك يابا سيبتينى ليهم ليه ياارب صبرنى ياارب
وشرعت فى البكاء من جديد
الحاجه عائشه\لا حول ولا قوة الا بالله اهدى ياحبيبتى واحمدى ربنا انه بينلك قبل ما يعملو فيكى كده
مى \اللهم لك الحمد كما ينبغى لجلال وجهك ولعظيم سلطانك .. انا بس مستغربه ليه كده ومامتها موافقها على لعب العيال ده
الحاجه عائشه \انتى عارفه انا عايزاكى متجيبلهاش سيرة الموضوع ليوم الحفله وبعدين تقوليلها انك مش راحه وسيبيها اصحابها هيتريقوا عليها وهتبقى هى نمرة الحفله دى
مى \انا مش حابه اعمل فيها كده ربنا يسمحها بس فعلا مفيش حل انا عمرى اصلا مكنت راحه ربنا يسمحهم
الحاجه عائشه \قومى ياحبيبتى اغسلى وشك ويلا نروح جلسه التحفيظ
مى \استنى ياماما انا كنت عايزاكى فى موضوع تانى
الحاجه عائشه \خير يا حبيبتى
************************************************** ************************************************
على مائدة الطعام فى منزل الحاج محمود
اياد \بابا بعد اذنك كان محمد صاحبى عايز يشغل واحده قريبته عندنا فى الشركه هى فى اخر سنه فى كليه الهندسه وعايزها تتدرب معانا وكده يعننى
الحاج محمود بتفكير \مفيش مشكله طالما وتمتم بصوت خافت ربنا يستر
اياد \شكرا يابابا ربنا يخليك
الحااج محمود\عملت ايه فى موضوع الجنينه قولتلى هحلها ومعملتش حاجه
اياد\انا ماشى فى الموضوع وان شاء الله هتمع اخبار كويسه قريب
اياد\ممكن اسال حضرتك سؤال انت متمسك بالجنينه دى اووى ليه
الحاج محمود بتنهيده\دى من رحية المرحومه امك كانت بتحبها اوووى واول مرة شوفتها كانت فيها وديما كانت بتقولى انا نفسى تبقى بتاعتى ويستكمل فى الم
بس هما الله يسمحهم حرموه من الميراث علشان اتجوزتنى علشان مكنتش قد المقام وميعرفوش ان الارزاق دى بايد ربنامع ان جدك الله يرحمه كان بيحبنى وكان موافق وكتب كتابنا بس هما مكنوش موافقين ابدا وحاولوا كتير يفرقو بينا بعد اما جدك مات بس هى وقفت ليهم مع انها كانت هاديه اووى وسبتلهم كل حاجه علشان تتجوزنى وانا لازم انفذلها وصيتها باى طريقه
اياد فى تاثر \الله يرحمه ويرحمها ياارب يااارب
الحاج محمود \ياارب
ايادبصوت مخنوق \كان نفسى اشوفها اووى احكيلى عنها يابابا
الحاج محمود\امك الله يرحمها مكنش فيه زيها فى ادبها واخلاقه وتدينها كانت حنيه الدنيا فيها كانت عنيها اما ابصلها بشوف فيها حنان وحب عمرى ما شوفته الا...... ويستدرك نفسه ايه ياعم اياد انت قلبتها دراما كده ليه ودموع امسح دموعك دى مش عايز اشوفها تانى
اياد\انا زعلان من نفسى اووى علشان انا سبب موتها
الحاج محمود يحتضن ابنه \متقولش كده يابنى حرام استغفر الله ده عمرها وانتهى ادعيلها بالرحمه ومتفكرش كده
اياد ببكاء \الله يرحمها يااارب
الحاج محمودبابتسلمه حنيه \قوم يلا اغسل وشكك معندناش رجاله تعيط قوم
اياد يقبل يد والده \حاضر يابابا ربا يخليك ليا يااارب
************************************************** **********************************************
ميرنا \فهمتى ولا اقول كمان
سها\ فهمت خلاص بس يارب يجى بفيده .. اخرتها تيجى بت زى دى تاخد منى الجو
ميرنا متخافيش طول ما انا معاكى
سها \ياخوفى لتغرقينى انتى التانيه مش كفايه انك طلعتيها فى دماغى انى العب على الراجل العجوز ده
ميرنا الحق عليا انا اللى عايزاكى تتنعمى فى العز احسن من التعب اللى انتى فيه
سها \يلا ادينا هنطلع من المولد بلا حمص
ميرنا \انتى هبله يابت هو كان ايه اللى حصل يعنى وان شاء الله هطفشهالك
سها \اصلك مشوفتيش ومسمعتيش اللى انا سمعته
ميرنا \انا قولتلك مليون مرة انجزى فى الحوار ده وانتى اللى دماغك دى ناشفه
سها \يابنتى الحج ده مختلف عايز الهداوة مش هينفع معاه الحجات اللى بتقوليها دى
ميرنا \ههههههههههههههههههه هدوة ماشى يا ام العريف اسمعى بقى انتى كلامى وجربى المرة دى وبطلى تخرجى عن التعليمات
سها \ماشى هنبدء امتى
ميرنا اصبرى شويه كده يعنى يومين تلاته وابدئى
************************************************** ************************************************** *
مى \ها ياماما ساكته ليه
الحاجه عائشه \مش ساكته ولا حاجه انا بفكر
مى \يعنى ايه رايك
الحاجه عائشه \انا مش عارفه بس ليه يعنى هو بيعمل كده
مى \انا كمان مش عارفه هو بيقولى انا بثق فيكى اكتر واحده
الحاجه عائشه \وهو جاب الثقه دى منين ده انتى بقالك يومين بس بتشتغلى عنده
مى \مش عارفه انا برده قولتله كده قالى
فلاش باك لمقابله مى مع الحاج
الحاج محمود\انا كنت عايزك تيجى تشتغلى معايا فى السكرتاريه
مى\ليه حضرتك قصدى يعنى ان هناك بشتغل بشهادتى
الحاج محمود\ما ده برضه بشهادتك انا بحتاج ديما حد معايا يفهم قانون وبقيت الحجات التانيه دى سهل تتعلميها
مى\طيب حضرتك والسكرتيرة بتاعتك هتمشيها حرام انا مش عايزة اكون السبب
الحاج محمود \لا طبعا مش هتمشى انا هقلها قسم تانى اصلا شغلها مش مريحنى
مى \طيب ليه انا يعنى اسفه لو سؤالى هيضايق حضرتك
الحاج بابتسامة حنيه \لا ابدا بصراحه انا ارتحتلك جدا شايف انك ان شاء الله هتبقى امينه على اسرار شغلى والفترة اللى جايا دى فيها اسرار كتيرة وعايز حد امين
مى \وحضرتك عرفت منين انى امينه
الحاج محمود\حاسس فيكى كده وانا الحمد لله بفهم فى الناس ودى نعمه من ربنا
انا حاسس انك الى مش مرتاحه للشغل معايا انا زى والدك قولى متخافيش
مى \لا ابدا انا بس مستغربه من ثقة حضرتك فيا بالسرعه دى
الحاج محمود\ايه ده انتى بتشككى فى قدراتى بقا هههههه يابنتى بصى انا واثق فيكى ومحتاجك معايا
ها يامى قولتى ايه.....
الحاجه عائشه \والله يامى مش عارفه اقولك ايه انتى اشتغلى معاه وانا حاسه انه راجل محترم واظن لو طلع عكس كده انتى قادرة انك توقفى كل واحد عنده حده
مى \اكيد طبعا ربنا معايا وهيحمينى
الحاجه عائشه \ربنا يستر طريقك ياحبيبتى ويبعد عنك كل شر اللهم امين
مى \امين \الحاجه \قومى يلا نروح الدرس علشان متتاخريش
مى حاضر\اتفضلى ياماما
فمى تعلم كثيرا فوائد حفظ القران
فمنها الفــوز بسعــادة الدارين إن اقتـرن العمــل الصــالح بالحفظ ..
شحـــن الذاكــرة والذهن ، ولذا تجــد الحافظ لكتاب اللــه أسرع بديهة وأظبط
وأتقن من غيره لكثرة مرانه علـى ضبط الآيات وتمييز كلماتهــا المتشابهــة وإرجاعهــا إلى مظــانها ..
سعة العلــم وهذا ملحوظ فـي الحفظــة وإلى الحفظ يعــزي تفوق الطـــلاب الحـــافظين على أقــرانهم من غير
الحفظه في كثيــر من المجالات مع تقاربهم في الســن والذكـــاء والبيئه ويظهــر التفوق جليــا حتى في مــواد
الريـــاضيـات والجبــر والطــب ..
السمــت الحســن والسلــــوك القويــم وهــذا مــايفرضه القــرآن علــى أهلــه ..
الفصــاحه والنــطـق الســليم وإخــراج الحــروف العــربيه من مخـــارجهــا الطــبيعــيه ..
أخوتـــي وأخواتي .. الكـــرام :
القــرآن سهــل قـــراءته , ســـريع حفظـــه , ميســـرا أمــــره
كمــا قـــال عز وجـــل (ولـــقـد يســـرنا القـــرآن للذكـــر فهـــل من مدكـــــر )
اللـــهم أعـــنا علـــى حفظــــه أو حفـــظ مــا تيســـر منـــــه .........
.
انتهت مى من حفظ وفهم الجزء المقرر لها حفظه ودعت الحاجه عائشه وانطلقت الى المنزل كى تستعد لما تحملها لها الدنيا من احداث .........
