اياد\انا حاسس انى اتسرعت مش عارف ليه
محمد\ياعم انت كل شويه هتقول كده انت بتعمل كده علشان تنقذ ابوك وثروته ليه بقا اتسرعت فى ايه كنت يعنى هتستنا لما تتجوز هى ابوك وتطلعكم من المولد بلا حمص
ايادوكأنه كان محتاج لوسوسه محمد\عندك حق
محمد وقد وصل الى هدفه فهو يريد من اياد ان ينجز هذه المهمه خوفا من تاثير مى على والد اياد وان يضمن ان لا يتأثر اياد بمى
************************************************** *****************************
اخبر الحاج محمود اياد بما حدث شعر اياد فى البدايه بتأنيب ضمير لكن سرعان ما تذكر والده وتذكر زيزى وثبت على موقفه حماية اسرته من ......مى
اخبرت مى الحاجه عائشه بالامر فرحة لها طلبت من زوجها ان يسأل على الحاج محمود وابنائه وجائها الرد بالايجاب وبحسن سمعت الحاج محمودوابنائه فرحت لمى كثيرا ودعت لها بالتوفيق واستخارت مى الله وقررت ان توافق اخبرت الحاج وسعد بموافقتها
فى البدايه كانت مى مندهشه من عدم رغبة اياد التحدث اليها ولكن لحبها له ورغبتها فى البقاء بجواره استسلمت واقنعت نفسها انه لايريد ان يختلط بها حتى يتم العقد لم تقتنع ولكنها ارغمت نفسها على الاقتناع واليوم هو يوم الخطبه
اشترا لها الحاج الشبكه ولم بتم عمل اى مراسم فقط البستها لها منى فى المحل ولم يتفوه لها اياد بأى كلام غير
اياد\مبروك
مى بخجل \الله يبارك فيك
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷ ÷÷÷÷÷÷÷÷÷÷÷÷÷
**************************************************
احمد \ايه ياعم انت مش بتكلم خطيبتك ليه
حازم \بصراحه مقدرتش انا زعلان
احمد\طيب استهدى كده هى كانت غيرانه عليك ياعم وعلشان كده طلعت فيك الطلعه دى
حازم \غيرانه عليا ازاى يعنى
احمد \يعنى شافتك وانت واقف تضحك مع البت الالزجه وفاء فتضيقت
حازم\انا والله ماضحكت دى هى كانت بتستظرف فإأنا ابسمتلها بغيظ كده وقولتلها كملى شغلك وبطلى لكاعه
احمد\انا عارف بس هى غارت حب بقى يابجم افهم
حازم \والله طيب هى مقلتليش ليه
احمد\انت هتقعد تسالنى هو انا فى امتحان متقوم ياعم انت اسألها انا مالى
************************************************** *****************************
الحاج\مبروك ياولاد ربنا يسعدكم
اياد\شكرا يابابا ربنا يخليك لنا
مى \شكرا لحضرتك
الحاج\حضرتك ايه بقا قوليلى يابابا على طول بقا
مى \طبعا اكيد يابابا ربنا يخليك
الحاج\ايوة كده ربنا يسعدك يابنتى
اخذ الحاج اياد على جانب من شروده
الحاج\اياد مالك مسهم كده ليه
اياد\لا يابابا ولا حاجه انا بس حاسس انى تعبان شويه
الحاج \طيب كلم خطيبتك شويه مينفعش كده
اياد\حاضر
وقف اياد بجوارها ولم ينبت بكلمه ثم تكلم معها بعض كلمات مقتضبه وسكت
)))))))))))))))))))))))))))))))))))))))))))))))))) ))))))))))))))))))))))))
حازم \ازيك
ايمان \الحمد لله ازيك انت
حازم \تمام الحمد لله
ايمان\انت لسه زعلان منى
نظر لها حازم نظرة اشتياق وعتاب والم وقال بنبرة مهزوزة \لا ابدا هزعل ليه
ايمان \حازم انا عارفه انى غلطانه وانت زعلان انا اسفه انا بس
حازم بألم \ولما انتى شكه فيا مجيتيش قولتيلى ليه انا والله ماضحكت دى هى كانت بتستظرف فإأنا ابسمتلها بغيظ كده وقولتلها كملى شغلك وبطلى لكاعه
ايمان\شكه فيك انا طبعا مش شاكه فيك انا بس ... كان مفروض تفهمها لوحدك مش تقولى شاكه فيك
حازم \طيب خلاص خلاص تعالى انتى رايحه فين مش عايزة تقوليها يعنى مستكتراها عليا
ايمان \بخجل ودموعها على وشك الهطول \لا ابدا انا بس يعنى كان مفرو ض انك متخاصمنيش كل ده وكنت تسألنى انا ايه الى زعلنى
حازم \ياسلام وانا يعنى اللى مكش زعلان وانتى قولتيلى كل واحد يروح لحاله
نظرة له ايمان نظرة عتاب ولم تنطق فقط تركت لدموعها العنان
اخذها حازم على حنب وقال بخنان\طيب انتى بتعيطى ليه دلوقتى
ايمان ببكاء\علشان انت بقالك يومين مكلمتنيش ولا كأنى افرق معاك وكأنك مصدقت اقولك كده علشان تزعل منى
حازم \طيب علشان خاطرى متعيطيش علشان خاطرى
ايمان\تفرق معاك اووى دموعى
حازم \طبعا تفرق معايا انتى اصلا متعرفيش انا بحبك قد ايه ولا بلاش لتزعلى
ايمان\اهو ده اكتر اللى بيزعللنى منك بعد كل ده مش عارف انت بلانيالى ايه ومعتقد انى بعترض علشان مش بحبك
حازم \انا عارف والله بس محتاج اطمن
نظرة له ايمان \بعد كل ده لسه عايز تطمن
حازم بنظرة حبث \هو انتى قولتى حاجه
ايمان \تصدق انى غلطانه انى صالحتك
حازم \خلاص والله تعالى بس انا اسف وحقك عليا واوعدك مش هتتكرر تانى واول واخر مرة ياحبيبتى هزعل منك
وبعد كده طالما انتى بتوتى فيا كده وبتغيرى ابقى تعالى قوليلى على طول وبلاش الكلام الكبير
ايمان بخجل\ حاضر
حازم بصوت هامس \واول واخر مرة تقوليلى كل واحد يروح فى حاله دى فاهمه
ايمان \فاهمه
حازم \انا عارف انك هتزعلى بس انا بحبك بحبك اووى اووى
نظرت له ايمان بخجل وجرت من امامه الى اختها واحمد والعروسين
جاء بجانبها وهمس فى اذنها هتروحى منى فين مسيرك تقع ياحلو
ابتسمت هى ولم ترد
************************************************** **************************
انتهى اليوم وطلب الحاج من زوج الحاج عائشه ان يكون الزفاف بعد شهر من الان وافقت مى
وظلت طوال هذا الشهر منشغله فى الترتيبات ورفض الحاج تمام ان تأتى مى بأى شئ فهو متكفل بكل شئ
كانت مى فى البدايه خائفه من بعد اياد ولكن كانت دائما تصبر نفسها انه لا يريد ان يتحدث مها قبل العقد كان يهاتفه يتكلم كلمتات مقتضبه
الساام عليكم
مى \وعليكم السلام
اياد\اخبارك ايه
مى \الحمد لله واخبارك انت
اياد \الحمد لله
انا بس بطمن عليكى عايزة حاجه
مى \لا عايزة سلامتك
اياد \مع السلامه
وفقط هذا ماتدور حوله كل مكالمه
************************************************** **************************
جاء يوم الزفاف
ارتدت مى فستانها التى طالما حلمت به وارتاحت اكثر لفكرة عدم وجود فرح لوفاة عمها واكتفوا بكتب الكتاب فقط واقامت حفل بسيط فهى لم تود ان تمنعهم من الفرح بابنهم
ووضعت زينتها وكانت اميرة كما فى الروايات
ايمان \ماشاء الله عليكى زى القمر الف مبروك ياميوى
مى \الله يبارك فيكى ياحبيبتى ربنا يخليكى ليا
منى \ماشاء الله عليكى قمر ياحبيبتى ربنا يسعدك
مى \ربنا يخليكى يامنى والله رغم انى كان نفسى يبقى معايا ماما وبابا الا ان وجودكم جمبى مطمنى
منى \ربنا يسعدك ياحبيبتى انا حبيبتك والله من اول ما شوفتك
ايمان \يابختك ياعم اياد بالحلاوة دى كلها
ابتسمت مى بخجل وتسال نفسها هل فعلا اياد سيفرح برؤيتها مثلما هى متشوقه للوجود بجوره وان تصبح نظرتها له حلال ويصبح من حقها البوح له بمشاعرها
*********************************************
المأذون \قول يابنى وانا قبلت زواجها
اياد فى توتر ملحوظ تدور برأسه مئات الافكار ويشعر بتأنيب ضمير يعود ليطمئن نفسه انه يفعل ذلك لينقذ اسرته (من مى ؟؟؟؟؟)\نعم قبلت زواجها
طرق احمد الباب واخبرهم ان تم كتب الكتاب
منى \من خلف الباب \ايوة ياحبيبى
احمد \مى خلصت كتب الكتاب خلص
خليها تخرج بقا علشان المصورة عايزة تمشى
منى \حاضر خرجين اهو
منى \يلا يامى
وعلت الزغاريد
خرجت مى تسير كا الاميرات اقبلت على الحاج محمود وقبلت يده فهى تكن كل الحب لهذا الرجل الفاضل الذى احبها اكتر
من عمها لم يعجب هذا الموقف اياد ليس غيره ولكن ظنا منه ان مى تفعل ذلك لتكملت خطتها فدائما ما يفسر على هواه
وانها لم تمنعهم من اقامة حفل حتى ولو بسيط حزنا على عمها فلم تعترض اذن هى خطه (دائما متسرع انت يا اياد)
نظر الحاج محمود لاياد الذى كان شارد
الحاج\اياد ايه انت روحت فين مراتك يابنى ايه انت تهت فيها ولا ايه ههههههههههههه
اياد\ها حاضر يابابا وابتسم ابتسامه ليست من القلب فى وجه مى التى تجمد الدم فى عروقها من لمست اياد
ودخلو غرفه حتى تلتقط لهم المصورة بعض اللقطات للذكرى
طلبت منهم المصورة انا يتخذوا اوضاع كانت مى فى شده خجلها من اياد وهو ايضا ولكن من ثقل المهمه يشعر بشعور متناقض من الذنب ومشاعر اخرى لم يستطيع تفسيرها
وجاءت احدى اللقطات وتجبرهم ان ينظرو فى اعين بعضهم البعض عندها زادت ضربات مى كثيرا وشعر اياد بشعور غريب اخذته هذه العيون لاحساس جعل قلبه يضطرب ولكنه سرعان ما نفض عقله وتمت المهمه بنجاح عندما تنظر الى الصور تجد زوجين اسعد ما يكون فهل هم كذلك؟؟؟؟؟؟
************************************************** ******************
زيزى \انا مش عارفه انت طلعتها فى دماغه ليه انا حاسه انى هيحصلى حاجه خلاص اتجوزها
محمد\اهدى بقا ما انتى اللى لخبطتى الدنيا بهبلك ده
زيزى \خلاص هديت فهمنى بقا
محمد\يابنتى البت دى انا شايفها مش سهله قولى ليه
زيزى \انا معرفهاش كويس بس دايما سلمى كانت بتقول عليها انها عالمه نفسها ست الشيخه وانها بتمثل
محمد\مقلتيش ليه
زيزى \ماشى ياسيدى ليه
محمد\البت دى رسمه على تقيل وجابتها من عند الحاج علشان عارفه انه راجل كبير وهيصدقها
زيزى \ها وبعدين برده مقلتليش انت ايه مصلحتك
محمد\ختفضلى طول عمرك غبيه ياغبيه لما تتجوز هى الراس الكبيرة هتاخد كل حاجه اكتب ده ليا ياحبيبى ابنك اللى فى بطنى اخواته هيكلوا حقه وهلم جر
زيزى بتفكير \برده مش فاهمه كان ممكن تطردوها وخلاص
محمد \برده غبيه ما هو لو طردها كان الحاج صعبت عليه وسهلنلها التمثليه
زيزى \اه تقوم مجوزها لاياد
محمد\اياد ده فى جيبى وبعدين هو مش طايقها يعنى شهرين كده ويقلبها ونرجع نخطط ازاى نصالحه
زيزى \ربنا يستر قلبى مش مطمن
محمد بضحك \بتدعى ربنا ماشى ياشيخه هاتى بقا الكوباييه دى وتعالى جوه
زيزى \هههههههههههههههههههههههه من عنيا
************************************************** ***************************
الحاج محمود\الف مبروك ياولاد ربنا يسعدكم ياارب
مى واياد\الله يبارك فىك يابابا
مى وتقبل يده بعد اياد\ربنا يخليك لينا يااارب
ضحك اياد بسخريه على كلامها وفعلتها ولم يعلق
الحاج\ربنا يكرمك وانا والله حبيبتك من اول يوم شوفتك وانتى عارفه السبب هههههههههههههه
ابتسمت مى
منى \ياسلام ياسى بابا قوام كده لحقت تحب عليا
قبلها الحاج على جبينها \ازاى ده انتى بنتى الكبيرة
احمد \ايه ده انتى بتخونينى يامنى قلبى الصغير لا يتحمل
ضحك الجميع وانتهت هذ1ه الليله السعيده وفهل ياترى سوف تستمر السعاده ......
اصر احمد على اياد ان يأخذ والده معه ووافق الحاج بسرعه رغم اعتراض اياد حتى ينعم العريسان بالهدوء وخرج الجميع
وخرج اياد يوصلهم وصعدت مى الى غرفتها خجله ورن هاتفها
مى \الو السلام عليكم
اسر \وعليكم السلام ازيك يامى واحشانى ياحبيبتى
مى بدهشه وفرح \اسر ازيك ياحبيبى وانت واحشنى اووى اوى اخبارك ايه وشرعت فى البكاء
اسر \الحمد لله سامحينى يامى والله مش عارف انزل الرساله بتعتى شغاله ولو نزلت هتضيع على
مى \لا ياحبيبى ولا يهمك ازاى طنط جاكلين وياسمين وسلمى
اسر \كويسين انا عرفت بالى ماما عملته سامحينى يامى علشان خاطرى
مى \مسمحاك ياحبيبى وعارفه انه مش بايدك انت عارف انى بحبك وانى عمرى ما ازعل منك وان الظروف هى اللى
حكمت بكده وان شاء الله هانرجع تانى مع بعض زى الاول واحسن بس لما الغمه دى تعدى
وانقطع الخط ............
مى \الو الو اسر .... اسر وبكت
فى هذه اللحظ كان اياد سمع اخر جمله من مى ودخل كالسهم ومسكها من يدها .................
************************************************** **************************
خرج الجميع وركبوا سيارتهم وقام حازم بتوصيل الاستاذ عبد الله وايمان الى منزلهم صعد الاستاذ عبد الله وطلب حازم منه ان يتكلم مع ايمان فى الحديقه وافق وصعد هو نظر اليها نظرت حب
حازم \تعرفى انى بحبك برده
ايمان بنظرة عتاب وحب\وانا كمان
حازم بهمس \وانتى كمان ايه
ايمان بمرح\بحب نفسى اوى اوى
حازم \كده يا ايمان ماشى ماشى
ايمان \ههههههههههههههههههه حازم متزعلش منى ارجوك
حازم \خلاص ياحبيبتى انا مش زعلان انا بس عايز اطلب منك طلب
ايمان \انت تأمر ياكبير
حازم \هههههههههههههههه انتى مش معقوله
انا عايز نكتب الكتاب
ايمان بخجل\قول لبابا
حازم \يعنى موافقه
ايمان \مش قولت قول ليابا هيبقى ايه ياعنى
حازم \انتى ديما كده لمضه
ايمان \هههههههههههههه ايه يعنى وحشه
حازم لا طبعا قمر وانا بموت فيكى
ايمان \حازم وبعدين احنا قولنا ايه
حازم بتأدية التحيه العسكريه\اسف يافندم واخر مرة
ايمان \خلاص يامجند اتفضل اعمل اللى قولتلك عليه ويلا روح بقا علشان الطريق
حازم \ربنا يخليكى ليا ياارب ويقرب البعيد يابختك يا اياااااااااااااااد
ايمان \نق على الراجل نق هههههههههههههههههه
حازم \سلام يا ولا بلاش
ايمان \ايوة كده باى خد بالك من نفسك
حازم \حاضر ؟السلام عليكم
ايمان وعليكم السلام مع السلامه
فعلا يابختك يا اياااااااااااد) ؟؟؟؟؟؟؟؟؟؟؟؟؟؟
