سلمى \هحكيلك كل حاجه ..لازم تعرفى
مى\قولى ياحبيبتى انا سمعاكى
سلمى ببكاء\ انا كنت اعرف واحد وانا فى الجامعه وكنا متصحبين يعنى ...وبعدين كنا بنتقابل عادى فى النادى وكده ..وبعيدن وبعدين ...وانهارت فى بكاء مرير
مى \اهدى ياحبيبتى لا حول ولا قوة الا بالله ....اشربى ياحبيبتى واهدى
سلمى بعد ما تماسكت\وبعدين خدنى مره واتقابلنا فى شقته محصلش حاجه بينا يعنى بس اكتشفت انه مصورنى معاه يامى ومفبرك الصور كأنها اوضاع غراميه
مى بأسف \طيب بطلى بس عياط كملى وبعدين
سلمى ببكاء\قالى لو مجبتلوش الفلوس اللى هو عايزها هينشرها على النت وكده
مى \اللهم اجرنا فى مصيبتنا واخلف لنا خيرا منها ياخبر
سلمى \اعمل ايه وانا مش معايا المبلغ ده ومش هعرف اطلبه من اسر ده لو عرف هيقتلتنى ..اعمل ايه يامى ارجوكى متتخليش عنى انا ماليش غيرك
مى\اهدى ياحبيبتى واستهدى بالله كده ان شاء الله هتتحل انا هجيبلك من الفلوس اللى فى البنك معايا
سلمى \بجد يامى ميرسى اوووى ليكى
مى\قومى ياحبيبتى اطلعى ارتاحى ونتكلم لما تهدى كده ماشى
سلمى وهى تقبلها \مش عارفه اقولك ايه ..ميرسى ليكى اووى ياحبيبتى
مى \متقوليش حاجه ياحبيبتى انتى اختى
************************************************** *****************************
اياد\اخيرا جيتى
مى\انت لسه صاحى ياحبيبى
اياد\مالك يامى فيه حاجه مضيقاكى
مى \لا ابدا ..انت لسه صاحى ليه
اياد\معرفش انام من غير حبيبتى
مى بابتسامه\ياسلاااام امال كنت بتنام قبل كده ازاى
اياد بابتسامة حب\لا قبلك كانت حياة ومنغيرك مفيش حياة
مى\ياسلام ياخواتى على القمر ايه الكلام الحلو ده
اياد وهو يجذبها اليه\انا اتعلمت الكلام الحلو من يوم معرفتك
مى وهى ترتاح على كتفه \وانا بقى بقيت عايشه من يوم ماشوفتك...فاكر اول يوم شوفتك فيه
اياد\متفكرنيش باللى فات اصل انا كنت غبى اووى
مى\متشتمش حبيبى لو سمحت
ايا\هى بقيت كده يعنى اطلع منها
مى\اه
اياد\ماشى ياحبيبتى كملى
مى\لما خبطت فيا وقولتى ايه انتى مش بتشوفى
اياد\ههههههههههههههه مصممه يعنى تفكرينى
مى\استنا بس ..عارف سعتها بقا قلبى دق وحسيت انى اعرفك من زمان ومفهمتش الاحساس ده الا بعد فترة
اياد\اه فعلا انا عارف انى جامد ومحدش يقدر يقومنى
مى \ياواثق انت
اياد وهو يقبل يدها \ربنا يخليكى ليا وميحرمنيش منك ابدا
اياد\ها بقا مش هتقويلى ايه مضيقك
مى خافت اكتر ولم تريد ان تفضح ابنت عمها\مش عارفه مين قالك انى مضيقه ياحبيبى انا اسعد واحده فى الدنيا وانا معاك بحس انى ملكت كل الدنيا
اياد\انا بحس بيكى على فكرة ..مى انتى مش حبيبتى بس انتى بنتى وامى وكل حاجه فى الدنيا
مى\ربنا يخليك ليا يااارب ..بس بجد مفيش حاجه مزعلانى ..غير بس ياسمين واحشانى وحاسه قد ايه هى تعبانه بره فممكن ده اللى مضيقنى
اياد بخبث\طيب مش عايزة تسمعى حدوته النهاردة
************************************************** *********************
حازم\صباح الخير على عيونك ياحبيب قلبى ياغالى
ايمان\صباح النور ياحبيبى
حازم \ايه العقل ده ..انا كده اقلق ...ايمان انتى لسه زعلانه منى
ايمان\لا ابدا بتقول كده ليه
حازم\اصلى حاسك هاديه النهارده يعنى مفيش مناكفه ولا حاجه
ايمان\لا كده عاجب ولا كده عاجب اصوت ويقولوا الوليه اتجننت
حازم بضحك\ايوة كده دى حبيبتى الى انا اعرفها ..لا ياقلبى ولا تصوتى ولا حاجه ..ايه رايك عازمك النهارده على غدوة ومتقوليش مش فاضيه وبتاع
ايمان\اممممممممممممم .ماشى موافقه
حازم\ماشى ياحبيبتى هفوت عليكى بعد الشغل ان شاء الله ماشى
ايمان \ماشى ان شاء الله
حازم\ايمان....انت لسه زعلانه منى
ايمان\لا والله مش زعلانه خلاص انا نسيت
حازم\انا بحبك اووى
ايمان\وانا كمان
حازم\وانتى كمان ايه
حازم وايمان\بحب نفسى اووى على فكرة
ايمان\هههههههههههههههه انت حافظ بقا
حازم\انا حازم مش حافظ
ايمان\وانا كمان بحبك اوووى جدا خالص
حازم\ياحلاوة اموت انا
ايمان\يلا سلام بقا شوف شغلك
حازم\ماشى ياحبيبتى مع السلامه
************************************************** ***********************
استيقظت مى من نومها صلت الضحى وايقظت زوجها جهزت له ملابسه ووضعت له ورقه فى جيب القميص ليتذكرها بها وجهزت له الافطار
اياد\صباح الخير ياحبيبتى
مى\صباح النور ياحبيبى ..الفطار جاهز
اياد\اقعدى ياحبيبتى افطرى معايا
مى\حاضر هجيب الشاى واجى
اياد\مالك حاسس انك عايزة تقولى حاجه
مى\انا كنت عايزة اروح لماما عائشه واخرج انا وسلمى نجيب شويه حجات ان شاء الله
اياد\ماشى ياحبيبتى ..خدى دول خليهم معالكى
مى\لا ياحبييبى شكرا انا معايا
اياد\مى خدى وبطلى كلام هو انا واحد غريب انا جوزك وانتى مسؤله منى
مى\ربنا يخليك ليا ويوسع رزقك
اياد\وهويقبلها\تسلميلى ياحبيبتى ...هامشى انا بقا علشان متأخرش
مى\مع السلامه ياحبيبى فى امان الله
ودعت مى زوجها عند الباب وقالت دعاء الاستوداع
اللهُمّ إنّي أستَودِعُكَ زوجى وأهْلي وماليْ وهذا البيتَ فاحفظهم يااارب
لـذا فاجعل هذه الدعــــاء في بالك وحَرِّك بها لسانك.* روى النسائي وغيرُه من حديث عبد الله بنِ عمرَ قال، قال رسولُ الله صلى الله عليه وسلم:
(( كانَ لقمانُ الحكيم يقولُ: إنّ اللهَ إذا استُودِعَ شَيئًا حَفِظَه ))
علموا أولادكم أن لا يقولوا " باي" و "سي يو" .
فإن أفضل منها وأحسن كلمة
" استودعكم الله الذي لا تضيع ودائعه "
أو
" في أمان الله "أو
" في حفظ الرحمن "
************************************************** *************************
سلمى \صباح الخير يامى
مى\صباح النور ياحبيبتى ..انتى صاحيه بدرى كده ليه
سلمى \هو انا اصلا نمت...انا خايفه اووى يامى
مى\ان شاء الله ربنا يسترك انتى بس اصدقى فى التوبه وقولى اللهم استرنى فوق الارض وتحت الارض ويوم العرض عليك
سلمى\بس انا معملتش حاجه غلط ..دى كانت علاقة صداقه مش اكتر
مى\ياحبيبتى مفيش حاجه اسمها صداقه بين ولد وبنت ربنا عزوجل بيقول فى كتابه العزيز
{ولا متخذات أخدان} النساء 25 ، ومعنى قوله عز وجل {متخذات أخدان} أى متخذات أخلاء ومن هذا فلا يجوز للفتاة أن تتخذ رفيق لها أو صاحب لها وعدم الإجازة نص كريم صريح وفي هذا حكمة من الله عز وجل فإن المرأة عاطفية بطبيعتها ولو دخلت فى علاقة مع شاب وتوسمت فيه زوجاً صالحاً لها وإرتضته لنفسها وقام الشاب بخداعها ، لأثر ذلك فى نفسها تأثيراً سلبياً وترك فى نفسها جرحاً لا يندمل أبداً ، والله أحرص علينا من أنفسنا لذلك علينا أن نتمسك بتعاليمه وأوامره وابتغاء مرضاته
يعنى مينفعش تقولى صداقه وكده وتروحيلوا شقته يابنتى مينفعش
سلمى\عندك حق انا فعلا كنت غبيه
مى\الحمد لله ياحببيتى انك عرفتى الطريق السليم وان شاء الله ربنا يسترك
سلمى\اوعى تكونى قولتى لجوزك يامى
مى\لا طبعا مقلتش حاجه زى دى
سلمى \الحمد لله
مى\قوليلى بقا هتوديله الفلوس امتى
سلمى\ممكن تيجى معايا انا مش عايزة اروح للبنى ادم ده تانى لوحدى
مى\ماشى ياحبيبتى احنا نروح نسحب الفلوس ونوديهاله ان شاء الله
سلمى\مش عارفه اشكرك ازاى
مى\متقوليش كده انتى اختى
************************************************** *************************
اياد\السلام عليكم ورحمة الله بوركاته
حازم\ وعليكم السلام....اياد ايه ده وانا قاعد اقول الشركه منورة ليه
اياد\ده نورك ياعم ايه اخبار الشغل
حازم\كله تمام الحمد لله ...فى مناقصة قريه سياحيه بنجهز لها لو خدنها ان شاء الله هتبقى نقله كبيرة اووووى
اياد\خير ان شاء الله ...ورينى بقا اوراقها
حازم\اهى ....كله مكتوب والدراسه وكله
اياد وهو ينظر بتمعن ويخرج قلمه من جيب قميصه وتخرج مع القلم ورقه وفتحها ليقرئها
اشتاق اليك مع كل نفس يخرج منى
اشتاق اليك حتى وانت قريب منى
اشتاق اليك وبعدك عنى يؤلمونى
اشتاق اليك واحبك يامن هواه قلبى قبل عينى
احبك
ظل اياد يقرء هذه الورقه ولاحت على شفتاه ابتسامه محب يريد ان يلتهم هؤلاء الكلمات بعينه
حازم\ايه ياعم رحت فين ...مكتوب فيها ايه الورقه دى مخليك سرحان كده
اياد\هاه ..فيه ايه وطى صوتك ازعجتنى
حازم\ياحنين اوطى صوتى ازعجتك ..اياد انت سخن
اياد\لا بحب ..هو اللى زيك يفهم فى الحب والمشاعر
حازم\ياسلام على الحلو لما تبهدله الايام
اياد\ههههههههههه بايخه..... انا هقوم ثوانى وجايلك هعمل تليفون
************************************************** *************************
مى\الو السلام عليكم
اياد\اتنفس عشقك مولاتى
يااحلى زهرات حياتى
ياقمرى وشمسى وضيائى
ياحب القلب وهيامى
مى\حبيبى...ايه الروقان ده كله
اياد\حلو اوووى اللى انتى كتباه ده بجد انا اسعد واحد بيكى
مى\ده اقل من اللى انا حاسها بكتير
ااياد\انتى كتير عليا اوووى يامى
مى\انت اللى كتير عليا انا عمرى ماتمنيت اكتر من اللى فيك ...انت اكتر من طموحاتى ربنا يخليك ليا ويقدرنى اسعدك
اياد\وانا بحبك اووووى
مى بخجل\وانا كمان بحبك اكتر
حازم بصوت عالى\ياعم ورانا شغل تعالى بقا
مى بضحك\شكلى عطلتك عن شغلك
اياد\متقوليش كده ياحبيبتى ..حازم بس بيحب يغلس
مى\طيب اسيبك انا بقا تشوف شغلك
اياد\مى.....خدى بالك من نفسك
مى\حاضر ..وانت كمان خد بالك من نفسك..فى امان الله ياحبيبى
************************************************** *****************************
خرجت مى هى وسلمى وتوجهوا الى احدى البنوك وسحبت مى المبلغ الذى طلبته منها سلمى وتوجهوا الى شقة هذا الشاب
مى\هو مينفعش يقبلنا بره ياسلمى
سلمى\ده واحد حقير ..انا خايفه حد يشفنى واتفضح
مى\انا خايفه ..يلا ربنا يستر ...انا ضميرى بيأنبنى مفروض اقول لاياد
سلمى بلهفه\لا ربنا يخليكى يامى بلاش ...متفضحنيش ربنا يخليكى ..ودخلت فى نوبة بكاء
مى\خلاص ياحبيبتى طبعا مش هقول اهدى ..خلاص والله مش هقول
سلمى\انا عارفه انى لخبطتلك الامور ..بس انا ماليش غيرك
مى\لا ياحبيبتى ولا يهمك ..ربنا يستر يااارب
سلمى \اه هى الشقه دى
مى\ربنا يستر ..خبطى
طرقت سلمى على باب الشقه وفتح لهم شاب فى العقد الثالث من عمرة يظهر عليه علامات السكر والادمان خافت مى عندما راته ابتسم هو لهم ابتسامه ثارت فى تفسها الاشمئزاز
الشاب\يااهلا يااهلا ..اتفضلوا نورتونى
نظرت مى لسلمى فى خوف وجدتها ترتجف وتتساقط الدموع من عينها اشفقت عليها وقررت الدخول .......و
