بعد فترة من وفات عم مى سافرت جاكلين وابنائها واستقرت مى نفسيا وقررت الذهاب الى العمل على الجانب الاخر ظل اصرار اياد على اكمال الخطه بعد موقف مى الاخير وظل الحاج منتظر مى حتى يفهم منها سبب وجودها فى هذه الجمعيه وحتى يخبرها بقرار اياد
دلفت مى الى الشركه وعندما وصلت علم الحاج وطلبها فى مكتبه فى الحال
مى \السلام عليكم ورحمة الله وبركاته
الحاج\ وعليكم السلام اهلا اهلا يامى ازيك يابنتى البقاء لله
مى \اهلا بحضرتك ونعم بالله
الحاج\اخبارك ايه يابنتى
مى\الحمد لله شكرا على سؤال حضرتك
الحاج\مى كنت عايز اسالك على حاجه بس ياريت متزعليش منى
مى\لا ابدا اتفضل حضرتك
الحاج\انتى قاعده فى الجمعيه دى ليه ؟فين اهلك ؟ فين عمك اللى توفى ؟
حكت مى للحاج كل شئ من اول ما وصلت لبيت عمها الى ان توفى ولكنها لم تخبره على ماتمتلكه من مال او مكان ولادتها لم يخطر ببالها ان تخبره
الحاج\لاحول ولا وقوة الا بالله هو فيه ناس كده
مى ببكاء\ ربنا يسمحك ياعمى ويغفر لك ويرحمك يابابا انت وماما
الحاج\اهدى يابنتى واصبرى ان الله مع الصابرين
مى \ونعم بالله
الحاج \امسحى دموعك بقا انا عايز اخد رايك فى موضوع كده بس اتمنى انك توافقى
************************************************** *****************************
اياد\اه قولتله انى بحبها وعايز اتجوزها بس حاسس انى اتسرعت
محمد\وهو كان رد فعله ايه
اياد\فى الاول حاسيته مضايق ومندهش كده وبعدين قالى انها كويسه وانه يتمنى انى اتجوزها
محمد\اممممم ابوك شكله مكنش فيه حاجه بس البت دى كانت هتوقعه بطيبتها وتمثيلها ده
اياد\مش عارف سعات بحس انى ظالمها
محمد بسرعه\ولا ظالمها ولا حاجه انت هتحن انت كمان ولا ايه دى اكيد تمثليه يابنى دى بت مالهاش اهل زى ما انت قولتلى انها قاعده فى جمعيه خيريه يعنى واقعه
(لم يخبرة محمد بما يعرفه عن مى كان لا يرد له ان يحن عليها )
اياد\اكيد كلهم كده كلهم همهم مصلحتهم بس
محمد وقد فهم قصد اياد\اياد زيزى مظلومه و ..
قاطعه اياد بحده\انا قولتلك انى مش عايز اسمع انا اصلا بستغرب انت ازاى متعرفش انها بتمثل عليا
محمد\هعرف منين انا ولى امرها واكيد هى انضحك عليها هى صغيرة واكيد عايزة تقلد صحبتها
ايا\محمد اناقولتلك متجيبليش سيرتها هى قريبتك اه بس ارجوك راعى ظروفى
محمد وقد فهم انه لا فائده فى الوقت الحالى \خلاص خلاص انا اسف المهم هتعمل ايه دلوقتى
اياد\مش عارف انا قولت لبابا وهاشوف هو هيعمل ايه
محمد\ ربنا يسهل يلا هسيبك انا بقا اروحاكمل شغلى
************************************************** ****************************
احمد \ايه ياعمي مالك مسهم ليه
حازم \ها لا ابدا مفيش حاجه
احمد \ايه ياعم انت هتخبى عليا
حازم بتنهيده \اقلك ايه بس يااحمد مفيش حاجه
احمد \كده والله ازعل منك حاسك مش مظبط مالك ياصديقى
حازم \هههههههههههههه ضحكتنى وماليش نفس هقولك وامرى له
اتخنقت انا وايمان خناقه كبيرة
احمد\ليه كده ايه اللى حصل
حازم \مفيش انا بكلمها بقولها واحشتينى لقيتها اتفتحت فيا
لو سمحت يا استاذ حازم انا مش بحب الكلام ده
قولتلها فيه ايه يا ايمان متقولى براحه انتى متنرقزة ليه قالتلى والله انا كده نرفزتنى اكتر قولتلها كده ازاى يعنى مفروض تحترمينى اكتر من انا بقابل صدك بعقل علشان عارف انك حاطه حدودو للكلام مش انك تعاملينى بالطريقه دى انا مطلبتش حاجه منك علشان تزعلى
قالتلى انا كده ومش هتغير وان مكنتش عجباك يبقى كل واحد فينا يروح لحاله
احمد \لاحول ولا قوة الا بالله ايه اللى خلاها تندفع كده
حاز علشان انا قبلها قولتلها اانا ليه مش حاسس انك بتحبينى
احمد \اه علشان كده
حازم \اعمل ايه ياعنى بحس انها مجبورة تكلمنى وقليل اووى لما يتضحك فى وشى ممنوع اكلمها فى الشركه فحبيت بس اتاكد مش اكتر
انا عارف انا زعلان انى زعلتها بس انا نفسى نبقى انا وهى فى بيت واحد فى اقرب وقت وحاسس منها انها مش بتحبنى زى ما انا بحبها
احمد \يا اخى حرام عليك دى البت بتحبك وبتموت فيك وبقالها كتير بتستناك ليه تقول كده
حازم بتنهيد \اعمل ايه بس شور عليا وانا زعلان منها انا مقلتش حاجه استاهل الى حصل منها
احمد \انت عندك حق تزعل بس مفروض تحتويها اكتر من كده ومش كل شويه تقولها انتى مش بتحبينى وهى غلطانه انها اتنرفزت عليك يلا روح صالحها وانا هشدلك ودنها
حازم \انا موافق بس نكتب الكتاب علشان ابقى براحتى معاها ونعرف نتكلم لانها مزنقه عليا اووى
احمد\ماشى ياسيدى هقولها وربنا يخليكم لبعض
حازم\هاقوم بقا اصلحها ولو انها هى اللى غلطانه
احمد \انت الراجل اللى مفروض تحتويها ومش بعد اللى عملته علشانك واستنيتك الفترة دى تيجى بكل بساطه تقولها انا حاسس انك مش بتحبينى
حازم ماشى ياعم انا هاروح مشوار المناقصه ولما اروح هكلمها
احمد\ههههههههههههههههه ماشى ياعم الحبيب وانا هاروح بقا احب
حازم \ههههههههههههههههههههههه الى اداك يدينا ياسيدى سلام
************************************************** *****************************مى بخجل شديد\حضرتك فاجتنى بالموضوع ده (خجله للغايه منه وتسمع عن بعد ضربات قلبها اتقول له انهافى قمة سعادتها وانها تحبه وتتمنى فعلا الزواج منه لم تفكر حينها متى احبها ولم تفكر فى اى شئ غير انها تحبه وتتمنى ان ترتبط به )
الحاج\اتمنى يابنتى انك توافقى انا مش هلاقى احسن منك واياد اعترفلى انه بيحبك وان كل اللى كان بيصدر منه كان بدافع الخجل
مى بابتسامه تجاهد ان تخفيها من فرط سعادتها نعم يحبنى كما احبه ويغار على يا الله وانا ايضا احبه من اول يوم رايته اتمنى فقط القرب منه \طيب سيبنى حضرتك استخير وارد على حضرتك
الحاج\وهو كذلك هسيبك يومين وتقوليلى رايك علشان ان شاء الله توافقى ونتمم كل حاجه وتيجى تعيشى معانا
مى بابتسامه \ان شاء الله استئذن انا علشان متاخرش على شغلى
الحاج \مع السلامه يابنتى ومتغبيش عليا فى الرد
مى \ان شاء الله السلام عليكم
الحاج\وعليكم السلام ورحمة الله وبركاته
خرجت مى من مكتب الحاج كانت تشعر بسعاده بالغه نعم فهى تعترف لنفسها احبه واعشقه واتمنىقربه يكفينى فقط ان اشعر بوجوده يارب اقدر لى الخير
(نست مى امر اياد تمام متى وكيف واين احبها لم تفكر فى اى شء سو انها تحبه وفرحه بما يحدث اتمت مى عملها وانهته وخرجت لتعود الى الجمعيه التى تعيش فيها
************************************************** ******************************
احمد\معقول اياد خلاص هيتجوز ماقليش يعنى
الحاج \كل شئ بأوان
احمد\طيب وهو اللى قالك يابابا
الحاج\انا برده كنت مستغرب ذيك كده بالظبط انا مش عارف اصلا هو حبها امتى بس يمكن كل شئ ممكن فى الزمن ده
احمد\بإبتسامه بس كويس والله ان فى وحده خلت سى اياد عايز يتجوز
الحاج بشرود \ربنا يستر
احمد \مالك يابابا حاسس ان فيه حاجه شغلاك
الحاج \هل لا ولا حاجه المهم ان شاء الله لو مى وافقت احنا نعمل فرح على طول علشان ظروف البنت اللى قولتلك عليها
احمد\اه كويس ان شاء الله ربنا يتمم بخير
احمد\هامشى انا بقا يابابا
الحاج\ماشى يابنى ربنا يصلح حالك مع السلامه
هم احمد ليقبل يد والده \الله يسلم حضرتك السلام عليكم
الحاج \وعليكم السلام ورحمة الله وبركاته
************************************************** ****************************
احمد\السلام عليكم ياحبيبتى
منى \وعليكم السلام حمد لله على سلامتك
احمد\تسلملى ياقمر انت واحشتينى
منى بصوت هامس \وانت كمان واحشتنى اووى اووى
احمد بهمس مثلها \وبتتكلمى بصوت واطى كده
منى \ايمان جوه
احمد\اهلا الست شرفت ده انا ناويلها على نيه
منى \انا والله مخلتش ليها هى غلطانه وهى عارفه
احمد\طيب انا داخل ليها
ايه ياست ايمان ازيك مالك عامله كده ليه
ايمان \مفيش يا ابيه
احمد\حازم مقاليش الا لما حلفت عليه على فكرة وانتى غلطانه اوووى ايه اللى حصل علشان تقويلى كده
ايمان \انا عارفه انى غلطانه انى قولتله كده بس انا اعصابى تعبت كل شويه يقولى انتى مش بتحبينى وكلام من ده
احمد\ايه المشكله يعنى فاهميه بهدوء انك بتحبيه بس ليكى حدودو وهو الراجل متفهم والموضوع انتهى ايه اللى خلاكى تفتحيه وتتكلمى فيه
ايمان \الببيه لقيته واقف يضحك ومبسوط اووى مع السكرتيرة وليه حق يقولى بعد كده مش بتحيبنى مهو لاقى الحب بره
احمد\عيب كده يا ايمان حازم مش بتاع الكلام انا اللى بعته للسكرتيرة دى علشان ياخد ورق مهم وهى اللى بت لازجه واكيد يعنى انتى فهمتى غلط
ايمان \مش عارفه بقا والله
احمد\انتو الاتني عقلكم صغير وهو بيحبك على فكرة ولاجعى نفسك انا مش بقولك اعملى حاجه غلط بس اتكلمى بهدوء ومتحكميش عليه قبل ما تتأكدى
ايمان \حاضر يا ابيه
احمد روحى بقا اغسلى وشك بقولك هو عايز يكتب الكتاب ايه رايك
ايمان بخجل \قول لبابا انا ماليش رأى فى الكلام ده
احمد\ياسلااااااااااااام على الكسوف ياولاد روحى يا اختى اغسلى وشك روحى
