الحلقه 3😍
تاني يوم ونحن ع سفرة الفطور سمعنا صوت عياط جاي من حوش عمي
جبريل
انا " شن فيه
ماما لبسة املايا الصلاة ونزلت تجري
ونزلنا كلنا وراها
كانت عمتي صالحه دايخه وليلي بروحها في الحوش
ماما " نسرين انزلي كلمي حد من عمامك ولا عيال عمك بسرعه
نزلت نجري ع دروج خبطت في جمال
انا " جمال بسرعه عميمه صالحه مغماء عليها ومافي حد
جمال " ركب يجري فوق وانا لحقته
شالها بسرعه للسياره وركبت معاه ليلي وماما
ع. اسماء" نمشي نرن ع جبريل ومحمد
انا" باهي كان تبي تمشي للمستشفي وتي روحك
فريحه " انا مانقدرش نسيب امي بروحها وتي روحك ي اسماء امشي معاها
مروه " ربي يستر
انا " اكيده السكر امتاعها نازل بس ربي يستر وخلاص
نهي " ناني وقت ع مدرسه امتاعنا وبابا عابي عليك تشيلنا
انا " خفن روحكن بيش نبي نمشي للمستشفي
نهي " باهي هي
ركبنا فوق وكل وحده لبست مشينا وفي طريق رن فوني كان مهند
مهند " نسرين شن صار لي امي رنت عليا ليلي ومافهمتش منها تبكي وخارب امتاعه اسكر بعدها
انا " جمال قاعد معاها ومعاه ماما وليلي اطمنا لباين هكي هبوط في السكر
مهند " باهي سكري تو نرن عليه
وصلت البنات لي مدرستهن ومشيت انا وعميمه للمستشفى
انا " مهند شن قاللكم الدكتور
مهند " دكتور مازال ما طلع
ع. اسماء " رن ع معتز يجي
مهند " ماودر امي غيره بي تسكير الراس امتاعه ازف
جمال " مش وقته الكلام هذا
مهند "استغفر الله العظيم
ع طلعت الدكتور
مهند " شن صار امي كويسه توا
دكتور" سكرها هابط وصل لل 50 وماتخذش في دواها لها فتره واضح
خشت في غيبوبه ونحن نديرو كل حاجه نقدر عليها وربي يشفيها ان شاء الله
مهند" حط يده ع راسه ع جيت عمي جبريل ومحمد
ع. جبريل " شن فيها امك الصبح كانت كويسة
مهند " هبوط للسكر خششها في غيبوبة
محمد " لا حول ولا قوة الا بالله
ع. جبريل " يعني تو شن حيصر
دكتور " حنحاولو نعدلو السكر عندها وان شاء الله خير
مشاه الدكتور وكلهم منصدمين
انا " ربي يشفيها
ع. جبريل " ليلي كيف مش فاطنه امك ماتخذش في دواها
ليلي " ديما نجي نسالها تقولي خذيته
وقعدت تبكي
مفروض كنت نعطي لها بي يدي مني انا الي صارلها
انا " حضنتها خلاص حبيبتي اهدي تو تقعد احسن
مر الوقت روحت عميمه وماما وروح بيهن جمال وقعدت انا مع ليلي لانها سكرت راسها متبيش تروح
ومهند رن ع معتز وقاله وجاء بسرعه
اول ماخش جت عيني في عينه و بحت فيا بي نظرة حقد لعند تو مش قادره ننساه نظرته هذي ليا
معتز " مهند كنها امي
مهند " هبوط السكر
معتز " نبي نشوفها
محمد" مرضتها وتوا جاي تبي تشوفها
معتز " بصوت عالي وين الدكتور
مهند "وطي صوتك في المستشفي قاعدين راه
انا كنت مصبيا جنب ليلي ومهند كان قريب منه
معتز" جاني مسكني فجاءه من يدي وقعد يضغط عليها زين لين قعدت نتالم منها
