لاخر نفس <3
الحلقه 8 😍
امها " نضمن حق بنتي هكي انا
انا " تضمني حق بنتك بالطريقة هذي
انتي مجوزتيها لي راجل راه مش عيل
امها " عارفتك انا قد كلمتك ولو وعدت حتوفي
انا " معناها مش داعي منه الكلام هذا
مها " ماما خلاص
امها" انا نبي نصبي للحمام
وصبت وسيبتنا
مها " ماتزعلش من ماما انت عارف كيف تخاف عليا لاني بنتها الوحيدة
انا " هذا مش خوف
مها" مسكت يدي
تعرف اني نحبك وزدت حبيتك اخره لما قعدت متمسك بيا
انا" مانيش فرخ انا بيش نرخي بيك
مها " تحبني
انا" جايه توا تسالي في سؤال هذا
مها " نبي نسمعها منك
انا" نحبك وانتي عارفه من زمان اخره
مها " نعليا
انا" انا نبي نروح
مها " خليك مازالت نبي نحكي معاك
انا" عيب امك خلاص
مها " خليك علشاني شويه بس
وشويه هكي وتجينا نهي وليلي حسيت الدنيا برمت بيا
فنصت فيهن وفترشت نهي كلام واجد وسكتلها ولما عرفت انه نسرين معاهن اضايقت ماكنتش نبي نحطها في الموقف هذا بكل لحقتهن وهزبتني وركبت وروحت وماعربتنيش بكل غمتلي منها بكل
روحت للحوش دغري مارديتش لي مها وانا في طريق رنت عليا
مها " زيزو وينك
انا" مروح للحوش
مها " كيف روحت وسيبتني بدون حتي ماتودعني
انا" مها مش وقت دلع امتاعك هذا توا
مها " كيف تمشي وتسيبني هكي
ولا خفت عليها وع مشاعرها
انا " انا اصلا كنت نبي نروح
مها " قعدت تبكي
عرفت قدري شنو عندك منور والله وسكرت الفون
انا" عزقت الفون في السيارة
ازف كل مانبي نحلها من مكان تسكر من مكان تعبت بجد
وصلت للحوش وركبت للشقة قابلتني ليلي مقعمزة في الصالة
انا" السلام عليكم
ليلي " ولا كانها تسمع فيا
انا " طلقنا السلام ردي
ليلي " ماتحكيش معايا
انا" نبي نحكي معاك انا
ليلي " ماعنديش نيه
انا" ماتخلينيش ننفصل الحقيني للدار
وسيبتها وخشيت لي داري شويه هكي وخشت
ليلي" شن تبي
انا" اول حاجه موقف الي درتي اليوم سامط
ليلي " انت الي سامط حطيت البنت في موقف حقير قدامنا كلنا ماحسيتش بيها بكل ولا بي مشاعرها شي مهم نفسك وخلاص حرام عليك حتحشم فيك راه
اساس هيا كان تقدر بس ترفض راه من زمان متريحه منك
انا " انا الي خوك تقريبا كنك مصبيه ضدي
ليلي " مصبيه مع الحق انا مش ضدك
انت ماشفتهاش طول الطريق وهيا تبكي وساكته موقف حقير بكل لو انا مكانها كنت قتلتك
انا" حتي انا مجبور
ليلي " بس انت توا مجوز كان مش عارف هيا مراتك قدام الناس وقدام ربي راه
انا" باهي بس مراتي مجبوره عليا مفروضه عليا مش انا الي مختارها
ليلي" والله هيا بنت عمك مفروض تصونها معليش نسالك سؤال لو بدلنا الادوار ولقيتها هيا في مول مع واحد .....
انا "ماخليتهاش تكمل كلامها
بصوت عالي سكري فمك نقتلها ونقتله
مش انا الي اديرلي قرون
ليلي "ماتوقعتكش متخلف هكي يعني انت حلال وهيا حرام حتي هيا كيفك مجبوره
انا" اطلعي احسن انتي ماننفصل عليك
ليلي " راه تحشم فيك بس دبالك
انا" اطلعي قتلك
ليلي "بس الي كنت معاها مانحسبش ذوقك هكي بشع وطلعت وسكرت باب
