لاخر نفس <3
الحلقه 7 😍
سكنت مها ترن لين رديت عليهــا
مها " كنك مارديت ع طول
انا " كنت راقد
مها " نوضتك من نوم يعني
انا " حاجه كيف هك
مها " نبي نحكي معاك
انا" احكي نسمع فيك
مها "مش قلتلي فكري
انا " وشن قرارك
مها " قراري موافقه نقعد مراتك التانية بس بي شروط
انا " سقمت قعميزتي
وشن هنا شروطك
مها " ماتحلمش انك ترقد معاها
انا " قعدت نضحك
ههههههههههههههه
مها " ماتضحكش ع كلامي
انا " غيره هذي ولا شنو
مها " بلكي كنت تبي مش انت تبي تجوزها بس علشان تسكت جدك
انا " باهي كملي
مها " مانبيكش تحتك معاها بكل في الحوش
ونبي حوش بروحي وبعيد عليها مش نفس مكان بكل ومانبيش نحتك بيها ومانبيش نتلاقوا بكل معاها
انا" هذينا شروط ولا تأمري فيا
مها " لانك تحبي حدير الشي الي ريحني
بي مناسبة اانا في موقف توا كيف نقدر نقنع هلي لانهم مستحيل يرضوا اني ناخذ واحد مجوز
انا " وشن اوامر امتاعك اخره
مها " ولما نرن عليك حتي لو هيا جنبك ترد عليا مش تقولي خايف ع مشاعرها
انا " مها زودتيها راه حقدتي ع بنت حسيتك
مها " ساد انها واخذتك مني ومشاركتني فيك
انا" انتي علنتي الحرب من قبل ماتجي هنا يابال بعد تجي شن حـديري معناها
مها " ههههه شن توقع مني ندير يعني ناخذها بالاحضان مثلا
انا" انا نبي حل مايخلينيش عايش في مشاكل حياتي كلها فاهمه
مها " هذا الي عندي
عاجبك كمل معايا
انا" تهددي فيا انتي
مها " مانهددش بس حسيتك مصبي ضدي
انا " انتي مازالتي متوتره سكري احسن مانتعاركوا ونقعدو في مشكله تانية
مها " ديما تهرب هكي انتي
انا" مها تصبحي ع خير
سكرت منها وقفلت الفون بكل
وخشيت في نوم عميق
تاني يوم
ماما " مازال شهر بس ع فرحك
لازم تبدي تشري دبش
انا " يصير خير
ماما " وكنك لابسه وين ماشيه
انا " نبي ناخذ هاله وماشيه للمعهد
ماما " ماطوليش
انا" حاضر
ماما " وبعد تروحي نطلعوا في العشيه نبرمو في السوق
انا "ع حسب جوي
ماما " كان ع جوك راه مانديرو شي كلمه هيا
انا " باه خلاص تأخرت
نزلت ولقيت مهند في جنان يشرب في قهوه ويدخن ويغني
مهند " وين تخطر يا ربيعي الدايم قلبي
الهايم يطير بشوقه مع النسايم
انا " هز شوق حنايا الخاطر
مهند " فجعتيني صوتك نشاز
انا" نعليا من الي رايق ع الصبح ويغني
مهند " صباح الخير ي معفنه ي هرابه امس
انا "ههههههه نسيت متعاركه معاك انا وراقيلي منك
مهند " عارفك قلبك ابيض
انا" خزي بارد
مهند" سخنيني
انا" حي تبي تبدا في حناطه ع الصبح نمشي خير
مهند " وين ماشيه
انا" معهد عندي
مهند " حياتك كلها قرايه ازف
انا " مضايقتك انا توا
مهند " مسكين خويا واللهي واجعني
انا " نمشي خير مانتعرك معاك
مهند " نبي نسالك ع حاجه
انا " والي هيـا شنو
مهند " الموضوع خلي سر بينا
انا" شن داير من مصيبه
مهند " انا نحب
انا " هههههههههههههههه حباتك القراده هيو الله
مهند " ياسامطه
انا" ههههههه قولي من الي داعيه عليها امها
مهند " نور
انا " نور من
مهند " اختك
انا" من جدك انت وفنصت فيه
مهند " والله عجبتني من زمان هاديه وفي حالها وتحسي طبعها خجولي
انا" فرق العمر الي بينكم اولا
ونور مازالت صغيره
مهند " تو انا قتلك نبي ندير فرح بكره
انا" دبالك تحكيلها ولا تحاول حتي تلمحلها هيا حساسه بكل وانا مانبيهاش تخرب قرايتها
مهند " باهي والحل
انا " مازال بدري علي انك تحكيلها مازالت صغيره نور
مهند " وانتي سكرتيها في وجي ازف خساره ماني مصبي معاك ديما
انا " انا مارفضتش بس مازالت صغيره هيا
مهند " ي وجه نكد -_-
انا" نلقاك داوي معاها نقتلك
ويطلع معتز
معتز " صباح الخير
انا "بصوت واطي
صباح النور
مهند" صباح الخير نوضتك امبدري مابيتش تنوض
معتز " رقدت متاخر بس
ورن فوني كانت هاله
انا" تو طالعه جايتك باي
مهند " اخرتك خلاص امشي
انا " سلام
فتحت باب السيارة وكنت نبي نركب وقفني صوت معتز
معتز " استني ماتمشيش
انا "تحكيلي
معتز "لا نحكي لي ضلك
انا " فنصت وسكتت
مهند " انا نسحب روحي خير شكلها حيصير كر وفر
وطلع ههههه
