لاخر نفس <3
الحلقه 11 😍
معتز " نسرين وشيرلي
ليلي " احم
انا " نعم
معتز " بحت في بنات
نهي " اوكي فهمت هيا نطلعوا معناها
معتز "الحمدالله فهمتن
طلعن البنات وكنت انا وياه بروحنا بس
انا" شن تبي فيا
معتز " مرايف ع مراتي تصدقي
انا " هيا مش طايقتك
معتز " الحمدالله شعور متبادل
بس مجبور نمثل قدامهم
انا" مش مجبور لدرجه هذي وادير طروح
معتز " سؤال كنك مش لبسه لبسه مستوره شويه وعارفه انه الشباب يخشو
انا" بحتت في لبستي
بعدها بحتت فيه
وانت مالك بلكي تغار هههههههههههه
معتز " عليك مغيراحلمي بس
انا" هذي حاجه مالكش دخل فيها
شن اتفقنا نحن
ومره تانيه معش تكذب ع امك وتقوللها كنت انجيب في دخان
وانا وانت فاهمين وين كنت
معتز " واضح من الي يغار توا
انا" شن فيك انت بيش نغار عليك
بارد راك
معتز " عيب تقولي ع راجلك هكي
انا " ههههههههه ضحكتني راجلك صار صدقت روحك انت
معتز " خشي جوا احسن
انا" والله انت الي كلمتني
معتز " احسابك بعدين
انا" خفت تصدق
سلام
وخشيت وسيبته مخلوق مستفز
جدي " معتز تعال نبي نحكي معاك
معتز " صباه وخش معاه للمربوعة
جدي " شن اخبارك مع نسرين
معتز " هههه شن تبي تعرف بالضبط
جدي " احكي كويس معايا
معتز " والله سؤال ماينسال باهي
جدي" متريح معاها
معتز " هههه فوق ماتصور تصدق
جدي " مازالت تبي تنفذ الشرط الي قلته ليا
معتز " انت وافقت خلاص معناها مادخلكش
جدي" بس كان تبي اديرها البنت ماتخشليش حوش
في نظري وقدام العيلة كلهم نسرين هيا الي مراتك
معتز" تبي تلوي يدي من جديد يعني
جدي " انا قتلك وانت حر دير الي يعجبك مانجبركش بس هيا ماتخشش الحوشي
ودبالك اضايق نسرين
معتز " ليش مسكر راسك من بدايه هكي توا انت متريح هكي لما تقعد تجبر فينا ع حاجه نحن مانبوهاش
شوف ولدك كيف خليته مدمر
جبرته يجوز بنت خوك واهو ماكملوش سنه اطلقوا لانهم مش طايقين بعضهم وضحية قعد حمادي هكي تقعد متريح شن حصلت غير انك تعاركت مع خوك وقطعت علاقتك معاه قولي تره
هذي العيلة الي داير روحك خايف عليها قاعده تدمر بي سببك انت
ولا عمتي فايزه لما مات راجلها ياما عذبتها وهيا مش ذنبها كل حاجه في حياتك خايف كلام ناس عليك هذا تخلف راه
جدي" كملت
معتز " ليش انت هكي
جدي " مش حتفهم الدوه هذي توا
وخلاص اطلع هي بره
معتز " لما نحكو كلام الصح تقعد تهزب وتنفص تمام خليك ع راحتك
وطلع
قعمزت شويه بعدها خشيت قلت لي نسرين هيا وصبت لبست عبايتها وطلعنا للجنان
عمو اسلام " ناني ماسلمتيش
انا " ماشفتكش امبدري بس سألت عليك
عمو اسلام " عارفك ماتنسينش
انا" انت الي في القلب
مهند " تقريبا عزقتك ي معتز
معتز " مسك يدي وضغط عليها زين
لا ماديرهاش
عمو اسلام " عزو راه حجزتلكم في شاليه
معتز " ليش متعب روحك
مافيش داعي
عمو اسلام " مش شورك انت
هذي هديتي لي ناني
انا" شكرا
عمو اسلام " الصبح نجيبلك المفتاح امتاعه تمام
معتز " تمام
هي تصبحو ع خير
