لاخر نفس <3
الحلقه 16 😍
انا " ايوه براوه عليك
داري هذي
معتز " مسامحتيني
انا " لا
معتز " نسرين عاد
انا " مش كان رديت معاك يعني خلاص رديت علشان جدي بس مانبيش يدير مشاكل
حتي ثقه فيك انعدمت
معتز " مستعد نخليك ترد توثقي فيا
انا " صعب
معتز " مافيش حاجه صعبه
انا " نشوفوا
ممكن تطلع توا
معتز " تمام
طلع وانا غيرت دبشي وطلعت للصالة لقيته
داير سبول ( فوشار)
انا" لا مش مصدقه معتز خش للمطبخ
معتز " يمشي جوا مع فيلم
انا " ومن قالك نبي نتفرج معاك
معتز "اجباري هذا مش قرار
انا" والله
معتز " قعمزي
انا " قعمزت
وجاء قعمز جنبي
انا " قعدت نرعش وقلبي يدق لانه كان قريب مني واجد والعطر امتاعه الي معبي الصاله كلها
قعدنا تفرجوا ع فيلم وكان رومانسي وقليل ادب وانحرجت واجد منه وهو مستمتع يتفرج
انا "هذا شنو
معتز " ههههه كنك فيلم
انا" شنو قلة الادب هذي
معتز " امور عاديه هذينا ي ماما
انا" بحتت فيه
تحوله ولا نصبي
معتز " تو منسجمين كنا
انا" انت منسجم انا لا
معتز " ياروحي تحشم
انا" معتز وفنصت فيه
معتز "نحطلك رعب ولا اكشن ي برو
انا" هههههههه اي حاجه غير هذا
معتز " جو سمح وانتي تبي تخربي
انا " خليك تفرج بروحك
وصبيت مسكني من يدي وقعمزي
معتز " خليك
انا " تغير ولا نصبي
معتز " اهدي توا نحولها
انا" ايوه من بدايه
ناس ماتخاف الا بالتهديد
معتز " حول لاب توب ع الصالون
ومسكني وقربني منه
انا " قعدت نوخر لين طحت ع الصالون
معتز " عاودي شن قلتي
انا " انت شكلك اثر فيك الفيلم وخر
معتز " قعد يبحت فيا وساكت
انا " في خاطري هذا شن في عقله
كنت شويه وحنضعف
معتز " طبس وباسني ع خدي لين حسيت روحي سحت وخر
تعالي اختاري فيلم
انا " كنت شبه فاقده وعي
احم اختار انت اي حاجه
معتز " اخترلنا فيلم وتفرجنا عليه
بدون ما نحس لقيت روحي راقده
معتز " حسيت بي راسها طاح ع كتفي
بحتت فيها كانت راقده
طفيت الفيلم وحولت الاب وصبيت شلتها للدار
ورقدت جنبـها كنت فرحان انها ردت صح الي درته غلط ونادم بس المهم عندي انها توا جنبي حتي لو مازالت زعلانه حنقدر نراضيها
حتقولو منافق كيف كان يحب مها وتو حب هذي بس نسرين حاله تانية غير مها
مها صاح كنت نحبها بس حبي لها كلها انقلب كرهه من تصرفاتها ومن طبعها الي كنت انتحمل فيه ونحاول نحبه عيوبها بس
نسرين حبيت برائه وعفويه الي فيهاا ملامحها الطفولية ماتسلونيش امتي وكيف حبيتها بالسرعه هذي
زعمك تبادلني نفس الاحساس ونفس المشاعر
خذيتها في حضني ورقدت
نهي " جعانه :/
نور "صبي ديرلنا حاجه ناكلوها
نهي "لا قررت ندير دايت رايحه سامنه من وكال الليل
نور " هههههههه باهي ديري رجيم وصبي ديرلي انا حاجه ناكلها
نهي " نخدم عندك بلكي
نور " خزي عليك اختك انا
نهي " باهي اسمعي شن رايك بكره نقنعو بابا نمشو للمول مليت من حبس هذا
نور " انتي قوليله وانا ندعمك من بعيد
نهي "جبانه
نور" ههههه انتي اختي لي شخصيتها قويه
نعتمد عليك
نهي " تو بكره نقنعه
نور " وصوت مسج جاها ع فون
نهي " من من
نور "استني نفتحه
فتحت المسج وكان من مهند
نبي نرن عليك واعيه
نهي " من منو
نور "صفاء
نهي "وشن تبي صفاء
نور " تبي تهدرز فوتي توا
رديت عليه
جنبي نهي مانقدرش في حاجه ؟
مهند " عليك قصه نهي هذي ديما زاقبه
خاطري نسمع صوتك
نور " والله امبدري شفنا بعضنا
مهند " ماهو لو تقعدي قدام عيوني 24 ساعه مانملش منك ي نور عيوني
نور " قلبي قعد يدق بسرعه
معش عرفت شن نكتبله
نهي " اوووي انتي متاكده انها صفاء الي ادزلك
نور" شن قصدك يعني
نهي " والله بحتي وجك في المرايه تو تعرفي شن قصدي
نور " نبي ننخمد احسن
ورقدت ع سريري وقعدت ماسكه الفون
نهي " وراك وراك لعند نعرف شن داسه عليا
نور "ماداسه شي اطمني وارقدي
نهي" والله تو نشوفوا
مهند " وين رحتي
نور " معاك بس ماعنديش شن نرد
مهند " مش حنضغط عليك
قوليلي بكره شهادتك صاح
نور" ماتخطرهاش عليا خايفه منها
مهند " تي خليك واثقه كل الوثق انك الاولي
نور" ان شاء الله
مهند " نحبــكــ
نور " ماعرفتش شن نرد قفلت فون ورقدت
حلو الشعور الي نحس فيه بعد نحكي معاه بس صفاء مش قادره ندير شي خايفه نجرح مشاعرها ونكسر قلبها
