لاخر نفس <3
الحلقه 32
انا" هههههه بس عيب مكان شغلك
معتز " فوتي
وينفتح الباب
انا وخرت بسرعة
كان علي
علي " السلام عليكم
انا "و عليكم السلام
معتز " وعليكم السلام من امتي الادب
علي" لقنك واطي
معتز " عيب المدام
علي" ههههههههه بالي جيتي ي نسرين
كان تشوفي وجه الاسابيع الي فاتن
معتز " اطلع
ليش جاي
انا "ههههههههه للدرجه هذي
علي" تي ماشفتي شي يخش قالب وجه ويطلع قالب وجه نكدي ربي يعينك عليك وخلاص
معتز "بلكي نسيت حاجه تقولها كمل كب باقي الشوال
انا " ههههههههههههه
معتز " بلكي سادك ضحك انتي لاخره
علي " شفتي ماجبتش حاجه من عندي
انا " عارفته وحفظته
معتز " ليش جاي انت شن عندك
علي" كملت حالاتي وطالع وبعدين انتلاقوا في العشيه كيف مااتفقنا امس
معتز " تمام بيناتنا فون
علي " تم سلام ي نسرين
انا "باي
معتز " بلكي تجي تقعمز وانا توا نطلع
علي " اليوم انا مش فاضي خليها مره تانيه
معتز " اطلع الله يربحك
علي" سلام
وطلع وانا ميته ضحك
انا "ديما هكي انتو
معتز " كيف ديما هكي
انا" تناقروا
معتز " عادي
انا " في جو صاحبك هذا
معتز" والله
انا" كنك تفنص
معتز" لا شي سلامتك
انا " هههههههههه نجيه ياخيه يغار
معتز " نسرين ماتستفزينش
انا " هههههههههههه
طبست باسته ع خده وينفتح الباب كانت الممرضة
معتز " ازلط وجه الوان
ممرضه " اسفه
بس نبي نسالك نخشش حاله
معتز "اها تمام
انا "نضحك
معتز " سادك ضحك ي بنتي
انا " ههههههههههه ياخيه منظرك متحشم
معتز " عليك احراج
انا " عادي تصير في ارقي العائلات
معتز " وين ماشيه
انا "نجيب ميه عطشانه
معتز " خليك توا انقوللهم يجبولك
انا "لا نبي ندير جوله في المكان
معتز " تبي تقصقصي
انا " طبعا
معتز " ماطوليش
انا "شويه بس ننزل بسرعه ونجي
معتز "باه
مر الوقت ومعتز كمل شغله وطلعنا ومشينا لي نور
معتز " ناني مش داعي نطولوا لاني تعبان بكل
انا "تمام شويه ونطلعوا
معتز " هي
نزلنا لقينا مهند مقعمز بره في جنينة
معتز " كنك قاعد هنا
مهند " توا كيف طلعت
انا " نور فيها حاجه
مهند " خشي شوفيها
انا" مهند في حاجه كنه وجك هكي
مهند " نفسيتها تعبانه بكل
انا "من معاها جوا
مهند " اسلام وعمي ومرات عمي وناصر
معتز" خشي تو نحلقك
ركبت لي نور وسيبت معتز مع مهند لوطه
معتز " قعمز جنبه كنك
مهند" تعبان
معتز " دكتور قالك حاجه
مهند "شعرها بدا يطيح وهيا منهاره بكل طلبت مني نسيبها
معتز " لاحول ولا قوة الا بالله
مهند " مخنوق بكل وعيونه تعبن دموع
معتز " وسع بالك ماتقعدش ضعيف هكي
مهند " لو يصير فيها حاجه ننكسر انا
معتز " ليش تشاؤم هذا
خليك متفائل شويه
مهند " انت ماشفتش حالتها امبدري كيف كانت
وزادها ناصر توا بعد جاء
معتز " تعاركت امعاه
مهند " هو يتحيون ازف
معتز " مهند بلا عصبيه ناصر خوها وولد عمك راه
مهند " تي قدام عمي قعد يبي يدير مشاكل
انا نبي نحكي لي عمي كل حاجه وخلي يكون عنده علم احسن
معتز " مش هكي ياراجل كنك
مهند " عمي عقليته متفتحه عكس ناصر
معتز " نموت نعرف كيف تفكر انت
مهند " خايف من ناصر ايدير اي شي يمنعني اني نشوفها
معتز " تو نحكي معاه
مهند "تي راسه تيس مسكر
تي اول ماخش وشافني قاعد ماخافش ع اخته لالا قعد يتعارك معايا
معتز " تو نتفاهم معاه
مهند " طلع دخان وقعد يدخن
معتز " من امتي رديت ع الدخان انت
مهند " من الهم
معتز " مش ع اساس سيبته وتنصح فيا نسيبه
مهند " بالله عليك ي معتز ماتزيدهاش ليا
معتز " صبي معايا
مهند " وين
معتز " نخشو جوا
مهند" لا فكني توا
معتز " خش معايا قتلك
مهند " تي كان نخش نتعارك معاه
معتز " خذا منه دخان وطفاه
صبي هيا علشان نور باهي
مهند " صباه
وخشوا جوا
