الحلقه 2 😍
مروه " توصليني في طريقك
انا" خفي روحك هي
مروه " باه
خشت توتي روحها وانا مسكت فوني لقيت عرم مكالمات من احمد رنيت عليه
احمد " وينك من امس نرن عليك ماترديش
انا" صباح الخير
احمد " صباح النور ردي وين كان تلفونك
انا" كان صامت ورقدت بدري مافطنتش
احمد" خوفتيني عليك معش تعاوديها
انا " حاضر
احمد " جاية للجامعة
انا " اها نستنا في مروه نبي نوصلها ونجي
احمد " تمام ردي بالك من طريق حتلقيني نستنا فيك
انا " تمام
احمد "نحبك
انا" حتي انا
سكرت ودموعي نزلن دغري خشت عليا مروه
كنك تبكي
انا " ماكني شي هيا وقت راه
مروه " نلبس وشاحي بس
انا " ننزل نسخن السياره وماطوليش
طلعت بره لقيت ماما وبابا يفطرو
انا "صباح الخير
ماما " صباح النور
بابا" وين ماشيه
انا " جامعه عندي محاضره
بابا" اليوم تنزلي وتعتذري من جدك ع قلة ادب امتاعك امس
انا " انت راضي ع قاعد يصير
بابا " انا مش هكي مربيك مهما كان المشكله تنحل بالتفاهم والنقاش مش بالعياط وانك ترفعي صوتك ع جدك
انا " توعدني انه الكلام الي قاله جدي مايصيرش منه ننزل ونعتذر غير هكي مش حنحكي معاه طول عمري
بابا " توكلي لي جامعتك توا بعد تروحي نحكو
انا " معش فيها نقاش اناا رأي امتاعي واضح
ماما "امشي لي جامعتك ودبالك وانتي تسوقي
انا "حاضر
نزلت ولعت السياره وقعدت نستنا في مروه تنزل
حسيت بي حد يدق ع الروشن السياره
رفعت راسي وكان مهند
فتحت الروشن
مهند "صباحو
انا " صباح الورد
مهند" كنك قالبه خلقتك انتي لاخره
انا" من الحياه النزيكه
مهند " اهو جو جميل والعصافير تزقزق
انا " مهند مش وقت حناطتك
مهند " اضحكي شويه وانتي قالبتها نكد ع صبح
انا" نايض رايق انت
مهند " مارقدتش من امس
انا "وعليش تحب
مهند " ياحانطه شغلنا معتز من طلعته امس مقفل وماروحش للحوش
انا "ياربي باهي ماكلمتوش اصحابه
مهند " ولا واحد يعرف وينه
انا " وشن تبي ادير توا
مهند "هو لما يضايق ديما يدير هكي يختفي توا بعد يهدا توا يفتح تلفونه
انا " ان شاء الله يارب طمني باهي
مهند " انتي موافقه
انا " مهند مش وقت سماطتك
مهند " نحكي جد
انا " معتز خويا كيف ناصر بالضبط وتقاليد العيله هذي مش حتقدر تجبرني ندير حاجه لا انا نبيها ولا هو راضي بيها
مهند "يستر الله
ع نزلت مروه وركبت السياره
مروه "صباح الخير
مهند " ماشيه لي جامعه انتي بشكلك هذا
مروه " وكنه شكلي يهبل يجنن
مهند " معش تشكري روحك
مروه " من حقي سماحه وربي رازقني
مهند " ربي يشفيك من ضاحك عليك
انا "خلاص انتو الاثنين تاخرت ع جامعتي راه
مهند " وخر من روشن
خلاص امشي هي وردي بالك من روحك
انا "طمني شن يصير معاك
مهند " ماتخافيش يصير خير
مشينا وفي طريق
مروه " شن كنتي تحكي مع مهند
انا" ع موضوع امس
مروه " ماشفتيش معتز
انا" مختفي من امس قالي
مروه " ان شاء الله خير
انا "هيا انزلي وصلنا راه انا مطوله من جامعه ماشيه للمعهد ع طول كلمي بابا يروح بيك
مروه " باهي خلاص باي
