لاخر نفس <3
الحلقه 12 😍
مجرد ماحطيت راسي ع مخده رقدت لاني بجد كنت تعباااانه
في الصبح نضت لقيت روحي راقده ع السرير ومعتز جنبي
استغربت انا كيف جيت هنا اخر حاجه نذكرها اني رقدت بره ع كنبه شفت الساعة جنبي كانت مع ال8 الصبح قعدت نبحت فيه وهو راقد
ع جبروت امتاعه وغروره منظره هو وراقد كيف البيبي الصغير حسيت بيه يتحرك حينوض درت روحي راقده
معتز
امس ماجانيش نوم في الليل طلعت لقيتها راقده بره وجو كان صقع وجعتني انها راقده بره طبست وشلتها وحطيتها ع السرير وغطيتها وخشيت جنبها
لو قلنا انه في حاجه تجذب فيا لها بس مش حب خفت نحبها وخفت نتعلق بيها وانا واعد مها بس حركاتها وكلامها كله عفوي مش متصنعة كل حاجه فيها طبيعية
معتز " نسرين
انا " درت روحي ميته مانسمع بكل
معتز " حط يده ع يدي
نسرين نوضى
انا " فتحت عيوني وقعمزت
وبحتت فيه وفنصت فيه
انا " كيف جيت هنا
معتز " سحر تصدقي
انا" بطل تشفيط سالتك جاوبني
معتز " العيب عليا حقيتك بره صقعانة جبتك هنا
انا" لا والله مانبيش خدماتك
معتز " مفروض خليتك تيبسي من الصقع
انا" احسن من رقده جنبك
معتز " وع فكره ديري رجيم راه طيحتلي ظهري ي دبه
انا " دبه عينك وعزقت فيه المخده
وصبيت بسرعه خفت منه
معتز " حسيت يدك رايحة طويله
انا" ماهو لما تبي تسمط حتطول اخره راه حطها في بالك
معتز " امشي ديرلي فطور
انا " نديرلك سم ممكن
معتز " حتي في صبح لازم انتناقرو
انا "شوف روحك ي زوجي العزيز -_-
معتز" تبي اديري فطور ولا نصبيلك
انا " انا مانحبش نفطر ع الصبح انت تبي تاكل خش للمطبخ
معتز " صباه من مكانه
وجاء قرب مني
انا قعدت نوخر لين خبطت في الساس
معتز " اديري ولا يصير كلام تاني
انا " تقرب مني نهارك
معتز " ههههههه ماهو وقت جد تقعدي خوافه هذي مشكله
انا " حسيته خلاص قعد قريب مني
انا حول تو نديرلك
معتز " ههههه خفتي
انا" مانخافش منك اطمن بس حول
معتز " ههههه تمام
وخر امشي بسرعه
انا " سامط
فتحت الشنطة وخذيت دبشي وخشيت للحمام دوشت وطلعت مالقيتش قاعد في الشالية خشيت اندير في الفطور كيف البنت الطيبة
شويه وخش
معتز " واتي الفطور
انا " مازال ماتقعدش مصبي فوق راسي وتأمر ايوه
معتز " هههههههه راقتلك
انا " اطلع من قدامي
معتز " قاعد ع قلبك
وقعمز ع كرسي
انا " كيف متحملتك عميمه صالحة بس بي طلباتك هذينا كلهن
معتز " ولدها تبي تحمل
انا " انت قلتها بروحك ولدها انا شن دخلني نتحمل -_-
معتز " راجلك عاد عيب عليك
انا" صدقت روحك انت
خلينا واقعيين شويه قاعدين بروحنا راه
معتز " قعد يغير في الموضوع
مازال جعان
وطلع دخان يبي يدخن
انا" دخن بره مش هنا نضايق منه انا
معتز" وانا نحب نضايقك
انا" -_-
وحطينا الفطور وفطرنا
معتز " تخشي للبحر
انا" امباه نلم هذينا ونلبس ونطلعوا
معتز " ماطوليش
نستنا فيك بره وجاء يبي يطلع
انا" باهي حتي بالكذب قول انا تو نلم -_-
مش مطعم هو تاكل وتطلع
معتز " والله واجبات المراءه هذينا مش الراجل
انا" عليك تخلف
اطلع بالله عليك -_-
معتز " طالع حتي انا وانتي لمي حوستك
انا " استفزني لميت الفطور بسرعه
وخشيت غيرت دبشي وسيبت فوني في شاليه وطلعت لقيته يدخن قدام الشالية
معتز " ساعه تلبسي
انا " والله ع راحتي ماورايا شي وانت مجبور تستنا مراتك
معتز" هيا قدامي
كان في مسافه تمشي فيها من شاليه لين توصلي ع الشط
انا" البحر في الصبح سمح بكل
معتز " بالعكس عوامه في الليل احسن
انا" نخاف منه في الليل مانخشلش بكل
معتز " ههههههههههههههه حي ع الخوافة
انا" ماقلتش حاجه اضحك
معتز "بالله عليك من شنو اخره تخافي
انا " من الظلام نخاف بكل
معتز " وانا نقول في الليل في دار تسيبي في ضي والع
انا " عليك الي مركز واجد -_-
معتز " راه نغرقك
انا" بس بعدها توا ترايف عليا
معتز " نفتك من هرجتك قصدك
انا" تراهن انك ماترايفش ع سكنان
معتز " هههههههه يمكن شويه بس عادي يعني مش حتأثر حياتي
انا " باه توا انشوفوا
خشينا للبحر وماكانش في ناس واجده كيف باديين الناس يجوا
انا " ماتجيش شوري ايوه
معتز " هههه كيف خفتي
انا " لا
خشيت هو غطس معش بان عليا بكل
