لاخر نفس <3
الحلقه 15 😍
معتز " نسرين ماتغلطش في كلام
انا " معتز ماتضحكش عليا زواجنا كان غلطه كبيره لا انت ولا انا كنه نبو يصير
معتز " يعني ؟
انا " ساد تجريح وتعذيب بعضنا ع الفاضي
معتز " مش انتي الي تقرري
انا " معتز اطلع مانبيش نشوفك ساد الي جاني منك
معتز " انتي كسرتي كلمتي وطلعتي مع اسلام
انا" تي مازالت تحكي يعني انا االغلطانه في نظرك انت تو جاي حتي اسف ماقلتها وتبيني نروح معاك
عصبيتك الي بلا سبب هذي انا مانقدرش نعيش معاها ونتحملها
معتز " نسرين مشكلنا نحلوهن بروحنا
انا" معتز اطلع احسن
معتز "مش طالع الا وانتي معايا فاهمه
وقرب مني انا وخرت ولصقت في الساس
قعدت نبكي
معتز" حس اني خايفه منه طلع وسيبني وخشتلي مروه
مروه " نسرين خلاص اهدي طلع
انا " من قالك تخلي يخش هنا
مروه "راجلك مانقدرش نقوله ماتخشش
انا" اطلعي ي مروه نبي نرقد تعبانه
مروه "باهي تريحي انا نازله لوطه باهي
انا "تمام
عمي اسلام " شن قتلك انا مش ماتجيش هنا
معتز " خليها تروح بي قناعتها خير مانروح بيها بالغصب
عمي اسلام" معتز مازالت مانفصلت عليك وماسك روحي مش علشانك راه علشانها هيا موصيتني كان ماتخلي البنت ع راحتها احسن
معتز " اوكي غلطت بس خليها تروح ونتفاهموا
عمي اسلام" والله انا ماعندي ثقه فيك يابال هيا
معتز " عمي مش لدرجه هذي ازح
عمي اسلام " سيبها اليوم وبكره ساهل
معتز " اليوم بس
عمي اسلام " انت اهدا وهيا تهدا
معتز " تم
مهند " شير لي نور ع فون
نور " مسكت فوني ولقيت جايني مسج من مهند
مكتوب فيه
كنك تهربي مني ؟
قعدو يحكوا مسيجات وهما مقعمزين معاهم
نور " مانتهربش منك عادي
مهند " لا تهربي وتجاهلي فيا وماعطيتينش فرصه حتي نفهم منك حاجه
نور " مانقدرش نحكيلك
مهند " شنو الحاجه هذي الي ماتقدريش تحكيها
نور " مهند ماتضغطش عليا
مهند " نحبك وحنقعد نحبك لعند انتي اتجي وتعترفيلي بي حبك ومتاكد انك تبادليني نفس الشعور
نور "قرت مسج وقعدت متنحه
رفعت راسها ووجت عينها في عينه
معتز طلعت من الحوش وانا راقيلي عارف انه غلط راكبني من ساسي لي راسي بس معايا حق غرت عليها
انا ماتحملتش كلام الي قالته مها عليها ولما روحت وسمعتها ماعطيتش فرصه اني نسمعها انا طبعي بعد انتعصب اظلم الدنيا عندي ومانفهم شي
نادم بكل روحت للحوش كان الحوش شين بكل بلاها تعودت عليها ع تفاصيلها كلهن صح نتناقروا بس كنت اندير هكي بيش نحكي معاها كنت نسبل بيش نشوفها خلتني بدون ماننتبه نحبها ونكبد فييها
حقدت ع مها والي صار كله كان بي سبب كلامها
ماقدرتش نرقد خشت لي دارها
لقيت فونها طايح ع وطاء
خذيته ورقدت ع سريرها و كان طافي ولعته وكان
دايرته باسورد قعدت نجرب اني نفتحه
كتبت تاريخ ميلاد عمي اسلام فتح كنت حاس اصلا
لقيتها مسجيلتني شرشبيل وحاطه صوره صورنها لما كنا في الشاليه
ضحكت واجد ع الاسم
قعدت نتفرج ع صور لين رقدت وانا ماسك الفون في يدي
