لاخر نفس <3
الحلقة الاخيـرة 😍
جمال" وجدي وخالي ماوافقوش عليها وهو رايح منكلب بالسبب هذا
معتز " ربي يهدي
اسلام " مهند وين مشاه
معتز "توا انرن نشوفوه
انا "صبيت لحقت نور لقيتها..........
تبكي ومنهاره
نوني خلاص ي قلبي وقفي بكاء
نور" ماتوقعتش ناصر يكرهني لدرجه هذي
انا " حضنتها
اسس ماتقوليش هكي هو راقيله توا بس
نور" يبي يحرمني من مهند
خشن البنات
هاله " نوني ماتبكيش توا يمشي هو حامق بس وانفصل
نور " عمرها ماتكمل معايا
نهي " توا يهدا ويرد عادي ماتحطيش في بالك
انا " خلاص بطلي بكاء
سلوي "الله يهدي وخلاص ناصر اول مره نشوفه هك
انا " استغـربـت منه حتي انا
صفـاء " ربي يهـدي وخلاص
نور " شن صـار اخـره
صفاء" تعارك وطلع بره
انا " نوني ياروحي بطلي بكاء خلاص
نور " شن درت انا بس يعني بيش يوقف في طريقي
علشان حبيت مهند يعني
هاله " مدام جدك وباتك موافقين ماتخافيش
نور " مانقدرش انوافق انا كان هو مش موافق
نهي " يا اخلاقك انتي فوتي مادخلكش بيه
مروه " توا نحكوا معاه مغير اهدي
انا " هههههه
هاله "كنك انتي تضحكي
انا " البنت تحرك
نهي " حطت يدها ع بطني
وين ماحسيت بي شي
انا "اسكتي توا تحسي
هبه "منظرك يضحك وانتي حامل
انا " زيدي شفطي انتي كيفك كيف معتز
ليلي" ههههههههه ياخيه دبدوبه رايحه
انا " راه نبرم عليك بي كف
ليلي" تبي تقعدي ام ومازال اسلوبك هكي
انا "شن يبي يغيره اسلوبي يعني
نور" تي توا بنتها تطلع كيفها
انا " توا انوريكن بنتي شن تطلع
ليلي " قصيره ولسانها فرشة ممر
نهي "طالعه لي عمتها تقعد
انا" ههه منوره ي اختي ع قصف
ليلي" حي علي الي ماتحشم
هاله " نوني معش تبكي توا تنحل تمام
نور " ان شاء الله مهند وين عده
ليلي " تلقي بره معش الشباب توا يجي ماتنشغلي عليه اليوم فرحتنا بيك كبيره ي خيه
نور "يافرحه ماتمت
معتز " وينك انت
مهند" شن تبي
معتز " نسال فيك انا وينك
مهند" معتز مش رايقلك بكل
معتز " انت ماتعركش مع ناصر الموضوع مش ناقص هو
مهند" باه سكر توا
معتز " قولي وينك بس
مهند " قاعد مع جماعتي خلاص نبي نسكر فون هيا سلام
معتز " رد بالك من روحك
مهند " وجك
وسكر
اسلام " شن صار
معتز " قالي قاعد مع جماعتي ماعطنيش زبده بكل
خالد " ناصر لبزها وطلع
جمال " جدي انفصل
معتز " انا نبي نروح
جمال" قعمز ي راجل
معتز " لا بكره ورايا عياده نروح نتريح وخش جوا ينادي فيا
انا "ناصر معاه حق في كل كلمه قالها جدي من يومه يحب يفرض رائي امتاعه علينا ونحن نمشو عليه
نهي" هو من يومه هكي دكتاتوري ويحب كلامه الي يمشي
هاله " يدير هكي لانه خايف عليكم وفي نظره انه في صالحكم الشي هذا خوف لا اكثر
مروه " مفروض يخلي كل واحد يقرر حياته كيف يبيها
توا لما جبـر اسلام يجوز وندم لما عرف انه طلق وانه غلطان انه خلاه يجوز غصبن عنه
نهي" خلاص انتي ليش تفتحي في مواضيع قدم وفنصت فيها علشان هاله
مروه " هاله اسفه مش قصدي نفتح الموضوع راه
هاله " لا عادي مازعلتش
مروه "اسفه والله
هاله "ماتحطيش في بالك عادي عادي هذا ماضي وانا مايفرقش معايا
نور" بس ناصر استغربته بكل ردت فعله يعني عارف اني درت غلط انا ومهند مش لي درجه هذي انه يعارض
سلوي" ماتخافيش الي كاتبه ربي حيصير
انا " مش ديما حناخذو الي نبو من الدنيا مرات تجبرك ادير حاجه وتعيش في واقع انتي ماتبيش بس مجبوره
تعيشي وتأقلمي فيه
مروة " نسالك سؤال
انا "شنو
مروة" نادمه انك اجوزتي معتز؟
انا " سكتت شويه
نهي "شن السؤال السامط هذا
ليلي " توا جايه تسأليها سؤال هذا وهيا حامل توا
انا" لا بالعكس مش نادمه بكل الحمدالله
ليلي " تي الحب مش شرط يجي قبل الزواج المهم بعد زواج يقعد قاعد ولالا
انا " اهو جاوبتك ليلي
هاله " عادي انا تجوزت اسلام ومازال ماكنتش نعرفه كويس توا نموت فيه
ليلي " يعني حالات يفرقن مش شرط
انا "صح في بداية ماكنتش متقبلته بكل وخصوصا طبعه صعب مانعرفش انتفاهم معاه بس توا العكس لما تعرفي عليه كويس الوضع يختلف نحبه ونموت فيه
نهي " توا يعني كان ماتحبش تبي تحمل منه مثلا
ليلي " وانتي ي هاله مافيش حاجه في طريق
هاله " لا مازال نكمل قرايتي قبل
انا " ههههههه توا جدتي تقولك نبي نشوف عيال ولدي
مروه "عيال الكبيده
هاله " حمادي قاعد حبيبي مكفي
نهي" منسجم معاك واجد
هاله "بكل عسل ياخيه
وخش يجريلنا حمادي
حمادي " ناني ناني
انا "عيونها كنك
خوذ نفس بس
هاله "معش تجري
حمادي" قالك معتز هيا يستنا فيك بره
انا " باهي توا نطلعله
ليلي " مازال بدري خليكم
انا " خوك وراه شغل بكره واكيد تعبان يبي يرقد
نهي "هههههههههههه ياروحي ع الي خايفه ع راجلها
انا "وكان ماخفت عليه ع منو نبي نخاف
ههههههههههههه
صبيت لبست وشاحي وجاكتي
ليلي" بطه
انا" ليلي بطلي سماطه
ليلي " منظرك فستتري بكل والله
انا "نطلع لي راجلي خير
هيا سلام نوني ماتشيلش في بالك ناصر توا نحكي معاه انا
نور " تمام باي
طلعت وسلمت ع ماما وعماتي وطلعت لقيت معتز يستنا في السيـارة ركبت حسيت جوه مش تمام بكل
انا "كنك ؟
معتز " شي
وسكت
انا "استغربت
عند معتز لما خش
معتز " امي وين نسرين
عميمه صالحه "في الدار جوا مع البنات شوفها
خش جوا وسمعت كلامها لما سالتها مروه وسكتت ماجوبتش غمتلي منها وطلعت بره
وصلنا للحوش
انا "عزو حبيبي كنك ساكت طول طريق
معتز "مافيا شي ماتركزيش
انا " زدت استغربت منه اخره
حسيت في حاجه غيرت دبشي وهو خش يدوش
وانا خشيت ندير في عشـاء وتيته وطلع تعشينا وهو ساكت ماحكش بكل و خش رقد استغربت لميت المطبخ وخشيت للدار قعمزت جنبه
انا " حبيبي تبي ترقد من توا
معتز " تعبان ورايا عيادة بكره
انا " غريبة
معتز " شن الي غريبة هيا
انا" انت تصرفاتك اليوم مش طبيعيه
معتز " نسرين خلاص عاد
انا" انصدمت منه
تمام براحتك وصبيت نبي نطلع
معتز " بكره تبي تمشي لي جامعتك
انا " ماتعبش روحك تو نمشي بروحي
معتز " ماتقعديش تحسسي وتزعلي
انا "شوف اسلوبك انت كيف تحكي تمام
معتز " كنه اسلوبي مش عاجبك
انا " انت ملاحظ روحك كيف تحكي ؟
معتز " تعودي عليه الاسلوب هذا احسن
انا " نعم شنو
معتز" نبي نرقد طفي ضي
انا " مش مطفيته طفيه انت بروحك
وطلعت قعمزت في الصـالة غمتلي منه ودموعي ينزلن وانقهرت واجد من تصرفاته الي بدون سبب
مهند" اشش بطلي بكاء
نور " انت وينك من بدري نرن عليك ماتردش
مهند " كنت مضايق بس خلاص بطلي بكاء
نور " انت ليش تبي تخوفني عليك
مهند" علشاني انا بطلي بكاء
نور " امتي مروح للحوش باهي
مهند " قاعد مع اصحابي توا بعدين نروح
نور" متاكد
مهند "عيوني ماتخافيش عليا
نور" ماطولش
مهند "تمام اول مانروح توا نرن عليك مش مطول
نور " نحبك
مهند " هيا سلام
وسكر
