الحلقه 5 😍
رن الفون وكان ناصر خويا
انا " الو ي روحي رايفتلك
ناصر" شن الي سمعته
انا" شنو
ناصر" كيف حتجوزي وانا مش قاعد
انا " في خاطري اه كان عليا مانبيش بكل
من قالك
ناصر " كلمت باتي نسال عليكم قالها ليا
بجد استغربت معتز اخره
انا" سكتت
ناصر" حتجوزي ونفتك منك
انا" دموعي نزل
ناصر" وين رحتي ي بنتي
انا" معاك معاك
ناصر" صوتك تبكي
انا " انت ماتقدرش تجي توا بكل
ناصر " مش حنقدر انتي عارفه وانا مازالي 4 شهور وخلاص
انا" نبيك تكون جنبي
ناصر" ماتفكريش فيا خليك فرحانه لي فرحك واعتبريني قاعد صاح حنزعل لانه كبيدتي حتجوز وانا بعيد عليها بس حنفرحلها
انا " نصوري نحبك ي احسن اخ في الدنيا كلها ياريت قاعد راه تغير حاجات واجده
ناصر " شنو قصدك يعني
انا " ماقصدي شي المهم انت شن اخبارك
ناصر" تمام اموري سالكه هنا
وخشت عليا نور
انا" بسم الله كنك تقول خاشه مداهمه
ناصر " نور هذي صاح
انا "اها هيا
ديما لما تفتح في باب تفجع فياا
ناصر " عطيها ليا
انا" امسكي
نور" نصوري شن جوك ي طيري
ناصر" كويس انتي شن جوك تقري ولا في الساس
نور "عيب عليك من أوئل ديما
ناصر" عارفك قدها الكارثه في لاخره
نور " نهي قصدك
بنت هذي عطيها فون ومسلسلات تركيه بس
ناصر" مريوحه مازالت
نور " هذي مستحيل تعقل
ناصر" هههههه باهي ردو بالكم من بعضكم سلام توا
نور " سلام
انا" كنك دايره مداهمه شن فيه
نور" سمعت حاجه وجايه نقولها لكي
انا" شنو هيا
نور" نهي تكلم في واحد
انا " شنووو
نور" والله سمعتها توا تحكي معاه ع فون وطلعتني من الدار
انا" وين قاعده توا
نور" احلفي انك ماتقوليلهاش اني انا الي قتلك تقتلني
انا" حولي من قدامي بس
نور " احلفي
انا" مش قيتلتها بس اطلعي
طلعت ومشيت لي دارها
ولقيتها فعلا ماسكه فونها وتكلم واول ماخشت عليها سكرت الفون ودارت روحها تقرا
انا" مع من كنتي تحكي
نهي " مانحكي مع حد عادي
انا " نهي عطيني تلفونك
نهي " وعليش ان شاء الله
انا" كريت فونها ورن قدامي فتحته
جاني صوت واحد قال حبيبتي
سكرت الفون
انا" شنو هذا من امتي انتي تكلمي
نهي " مادخلكش انتي
انا "اشقي بي قرايتك احسنلك فاهمه
نهي " وانتي شن دخلك ماهو درتي علاقه مع احمد ولا حلال عليك وحرام عليا
انا" انا طحت في غلط بس انتي مانبيكش اطيحي فيه
نهي " مادخلكش انتي خليكي في حالك
انا " احترمي روحك انا اكبر منك
نهي " حياتي وانا حره
انا" تلفونك معش تحلمي بيه حيقعد عندي
نهي " مش شرط كان انتي تجربتك فاشله حتي نحن نكونو كيفك
عطيني تلفون
انا" مافيش ومعش تناقشيني
نهي" مش بجوك هيا
انا" وطي صوتك ومعش تعـلي صوتك عليا
وتخش علينا ماما
ماما " كنه صوتكن عالي
انا" بحتت في نهي
مافي شي مغير نهزب فيها ع قرايتها
ماما " نحس فيك رايحه هامله قرايتك
كان ماتحطي راسك في كتباتك نحرش فيك باتك
نهي " اوف عليا كل حاجه جايه فوق راسي
انا طلعت وسيبتها مع ماما
