رواية في_لمح_البصر

الحلقه السابعة 💔

#فـي_لمـح_البصـر

#الحلقـة_الـسابعة

انا سكرت ووصلتني رسالة فتحتها وكانت

( حـننتقم منـك عـن طريـق صـاحبتـك ) 💔 انصدمـت من رسـالتـه.. اي هـو هـو #فؤاد يـا حليلي شن ندير ؟؟؟ نكلم زين !! لا مستحيل زين ح يكبر الموضوع ، نكلم ياسين ؟؟؟ ح تخرب فرحة سنابل بسببي !
نسكت وخلاص ؟؟ ولا كيف نتصرف بالظبط معش فهكت .. رقدت وانا عقلي مشوش نضت تاني يوم علي مكالمة من زين مخاطريش نرد وانا مشوشة من كلام فؤاد دعيت لربي يسرلي طريقي ونضت توضيت وصليت وطلعت فطرت لقيت حناي تسقي ف زرعات ف جنان هدرزت عليها شوية وخشيت بدلت ومشيت لسنابل !

انا / اهلا صباح الخير !

سنابل / صباح الورد 😘 خشي خشي

انا / حنين هني !

سنابل / اي خشت قبلك

انا خشيت / امك وين !

سنابل / فلمدرسة وسلسبيل راقدة

انا خشيت لدارها / حنين شن جو

حنين / مليح شن جوك انتي 😘

انا / كويس

سنابل خشت / خيرا وجهك اصفر انتِ ؟

انا / انااا 😳 هههههه لالا يتهيألك بس 😅

سنابل / باهي اسمعوني توا اقترحو عليا شن ناخد وشن نخلي !

حنين / مس قتلك جيبي ورقة وبيرو 😡

سنابل / تييي باهي هاه ، وناضت جابت ورجعت قعمزت

حنين / شوفي اول حاجة بتشوفي للاساسيات واللي هما ........

قعدو هما يهدرزو ويكتبو وانا سااارحة مش معاهم ابداً لين رن تليفوني وخلاني نفيق من اللي انا فيه وكان #يسوني❤

انا / هلا يسون شن جو !

ياسين / ها يا دودو شن جوك شني وين انتي

انا / ف حوش سنابل انا

ياسين / ااه باهي اسمعي

انا / نعم

ياسين / كلمت زين وعصام وسيف واتفقنا نرفعوكم مع بعض للبحر

انا عيطت / بجدياااات 😍😍

ياسين / والله ، نمشو لخميس الصبح نروحو السبت لعشية

انا / مبيت 😍 ، اما بحر ؟

ياسين / يا صبراته يا لخمس يا لقرابولي مزال مقررناش

انا / باهي خلاص موافقين 😍

ياسين / نسقي انتِ والبنات شن بترفعو وشن بديرو باهي!!

انا / تمام ولا يهمك عندي كل شي

ياسين / خلاص هي ما تبي شي!

انا / سلامتك يا احلا يسووون 😍