رواية في_لمح_البصر

الحلقه 19

#فـي_لمـح_البصـر

#الحلقـة_الــ19

طلعلهم الدكتور / وين عائلة سنابل ال###

كلهم تلقطو عليه / طمنا دكتور ، شن في ، خيرها بنتي ؟

الدكتور / للاسف بنتكم محصلة ضربات جداً قوا ، عندها كسر ف رجلها اليمين وكدمات والباين ان جالدينها ، ضروري تفتحو محضر ف اللي كان السبب او ح نستدعو الشرطة

عصام / خلاص انا تو نتولى الموضوع

الدكتور / تمام نستنى فيك ف مكتبي غرفة رقم 101

عصام / تمام دكتور

بوها / باهي شن يا دكتور نقدرو نروحو بيها اليوم

الدكتور / اي اكيد برغم الضربات اللي عندها قوية بس صعب تقعد عندها خاصةً ان الاوضاع الامنية مش تمام

ناجي / باهي نمشو نطلعو يعني ؟

الدكتور / لأ ، مش توا ، خلي بس يجي دكتور حاتم متع العضام يجبسها ونديرولها ورقة الخروج وتطلع ان شاء الله..

ناجي / تمام بارك الله فيك

الدكتور / وفيك بارك الله ، وبالشفاء ، ومشي الدكتور

ع.مبروكة مقعمزة تبكي / يا ناري علي بنيتي هيييي يا ناري 😢 يا ناري علي حظها

عصام / نوضي يمة انروح بيكم اهو قالك شوية ونروحو بيها

بوها / صح نوضي يا مبروكة

مبروكة / باهي 😢

ناجي / كلكم روحو خلوني انا وبوي بس

سلسبيل شافتله / باه

روحو كلهم وقعد ناجي وبوه ، وسلسبيل بعتتلنا مسجات انا وحنين باللي صار مع سنابل..

انا / هئيييي سنابل ، لبست عبايتي وقلت لحناي وطلعت نجري مشيت لحوش حنين كيف بنطق فتحت لقيتها كيف طالعة

حنين / كلماتك سلسبيل ؟؟

انا / اي هياااا بسرعة ، وحني كيف خاشين سنابل وصلت ونزلوها بالكروسة ودخلوها للجنان

سنابل تبكي وترعش / 😢😢😢

انا حضنتها ونبكي معاها / يا حبيبتي انتي الف لا بأس عليك ما تشوفي شر يارب

حنين حضنتها / ان شاء الله هدا حد السو وربي ياخد الحق ياااارب

سنابل / قهههرني يا حنيين قهرني 😢

حنين / بإذن الله ربي لما ياخدلك حقك منه

ناجي دخلها وبدو يسلمو عليها نساوين خوتهت وخالاتها وعماتها وشوية من الجيران واغلبهم يسألو . خيرها ؟ علاش ضربها ؟ شن صاير معاها ؟ زعما بطلقها ؟ اسئلة غير تغم القلب وخلاص

سنابل / دانه تعالي شوية !

انا جيتها / نعم

سنابل / ارفعيني للدار نبي نقعد بروحي 😔