رواية في_لمح_البصر

الحلقة السادسة

#فـي_لمـح_البصـر

#الحلقـة_الـسادسة

انا / باه غير اسمعني توا .. خاطري نديرو مشية للبحر زي زمان لينا قريب 7 سنين ممشيناش للبحر

ياسين بصوت ناعس وهادي / خاطرك فيه ؟

انا / مووووووت

مالك / 😡😡😡😡 مووت صااار ؟؟؟

انا انصدمت وسكرت / 😳😳😳

مالك / هدا علاش تقوليلي خليها اختك تكلم وعادي وخيرا انت وتنااااقشي ؟؟ تبيها صاااايعة زييييييك

انا الكلمة قعدت ترن ف ودني " تبيها صايعة زيك .. تبيها صايعة زيك .. تبيها صايعة زيك "

خالي طلع من داره وجانا / خيررركم شن في خيييرك يا مالك تكشخ ف لبنت

مالك / بنت اختك المتربية مش حاسبتنا رجالة ومش محترمتنا قاعدة تتصيع عندنا وتكلم ف رجالة للساعة 2 😡😡

انا / اسممممع 😡 لهنيييي وبسسسسس ! منسمحلكش تحكي علياااااا هككككي انا متربية احسن تربية 😡

مالك / واضح متربية احسن تربية من مكالمو عقاب الليل

انا نحكي ونبكي / اي اللي نكلم فيه عقاب الليل رااااجل وسيد الرجالة 😭 هدا ياسين 😭 خوووي 😭 يوم اللي نمرض نلقاه هو الاول يسعفني ويعايني ويوقف معاي ف محنتي ،، يوم اللي نحتاج فلوووس يعطيني ،، يوقفلي ع المصرف ويجيبلي ف تموين كامل من الخبزة للحوايج لكل شي مش منقص عليا شي هدا بدال اديره انت يا ولد خالي قاعد يدير فيه ياسين ، اللي لما نقوله خاطري ف البحر يقول تم ،، مش اللي جاي يتفلح عليا بكلمتين 😭

خالي / خلاص يا دانه اسكتي معش تبكي تو نتفاهم معاه

مالك سكت /...

انا / خالي نبي نروح توا 😢

خالي / لا ميطيش يا بنتي خليك خيرك حتى حناك تنخلع مروحة الساعة 2

انا / الصبح نبيك توصلني اسفة لكن قلقت 😢

خالي / خشي ارقدي توا والصبح نتفاهمو

انا خشيت بدون ما نرد عليهم فتحت تليفوني لقيت 10 مكالمات من #يسوني❤ ورسالة " ردي عليا شغلتيني " اتصلت بيه وطول رد عليا

ياسين / دانه خيرك شن صار معاك و خيره مالك هطي يكلم فيك

انا مسحت دموعي / مفي شي لالا يعارك ف اخته غر انا تسكر من الخلغة ضربته ف خدي بس 😁

ياسين / اها انشغلت عليك

انا / مينشغلك بال علي غالي

ياسين / ان شاء الله يارب ، نخليك توا تستريحي ونهدرزو غدوا باهي !

انا / تمام تصبح علي خير يسون

ياسين / وانتِ من اهل الخير ، وسكر ،، واضح انه يكلم فيها هيا ، الحقير اهوا حسابه معاي