رواية في_لمح_البصر

الحلقه 20

#فـي_لمـح_البصـر

#الحلقـة_الــ20

تاني يوم نضت علي عياط حناي ونديبها نضت نجري للصالة لقيتها هي و..

انا / خيييرك حناااااي شن فيييي؟؟؟

حناي / خوي محمد توفى 😢😢😢😢

انا / لا حول ولا قوة الا بالله إناّ لله وإن اليه راجعون 😳💔

حناي / وتي روحك بيخطم علينا رضوان ولد اختي بنمشو معاه

انا / حناي بنمشو لدرنة والله بعيدة وتخوف 😩

حناي / خووي خوي كيف منمشيش 😢😢

انا / باهي حناي😖 ، خشيت وتيت ساكو فيه حوايجي وحاجتي كلها لان عارفة ح نطولو ، لينا سنييييين من الثانوي معش مشيت عاد ولا شفناهم

انا / زعما نكلمه؟! تي يمشي يملح .. لكن انتي علي ذمته يا دانه ! يملللللح ع اللي داره فيااااا والله ماني مكلماااته 😡

شوية وجي رضوان ولد اخت حناي وركبنا معاه وهو شبه طول الطريق ساكت ، ينزل كل 4 مناطق ياخدنا امية وعصائر وكيكات وانا منعرفش علاش مخاطريش؟؟! وصلنا لحالة الوفاة وانا قلبي مغموم خشيت وبدي العياط لما شافو خلات المرحوم بابا حناي ، وبدو فيها تظبيط وبكاء وقعدت نبكي معاهم💔 بكيت لهلبا اسباب ومش قادرة نحدد شن اكتر سبب💔

عايشة " اخت رضوان ومن ندّي " / شن حالك يا دانة. تعبتو ف طريق ؟

انا / اي طريق طويلة ضهري قريب تكسر

عايشة / باهي تعالي للدار متع المرحوم فاضية ارتاحي فيها

انا / لالا بايخة نتحشم

عايشة / تي تعالي عادي ، جايين من مسافة طويلة اكيد تبو ترتاحو

انا لاني كنت تعبانه سكتت ومشيت وراها /
عايشة / اهو فردة الدولاب هادي فاضية حطو فيها

انا / مشكورة

عايشة / العفو.. وطلعت

انا حطيت حوايجي ف الدولاب وحولت عبايتي ووشاحب واتكيت فتحت تليفوني اللي كان صامت ولقيت 22 مكالمة و5 رسائل فتحتهم وكانو من زين وياسين والبنات وسلسبيل وفتحت الرسائل

زين " 1 - رددددددي خيرك شن صاير معاك ؟
2 - تي خييير دينمك ردددي

ياسين / " دانه طقيت عليكم مش قاعدين شن في ! "

حنين / " زين قالب الدنيا وينك يا خراا "

سنابل / " نبيك ف موضوع دانه "

فتهم كلهم ومعش نضت لتاني يوم .. بعتلهم مسجات اني قاعدة ف درنه

زين بعتلي / " معش في داعي نعرف "
استغربت رسالته بس ما دورتش ، طلعت فطرت وفتحت النت هدرزت مع لبنات شوية ونشبح ف ع.نجوى وع.مسعودة وع.مبروكة خاشات انصدمت ووقفت
جو لحناي وعزوها وبعدين جو عزوني وقعدو جو ساعتين وناضو بيروحو