#فـي_لمـح_البصـر
#الحلقـة_الــ15
وجي وقت تخش فيه سنابل خشت وانصدمت لما قابلني فؤاد اللي يدور فيا بعيونه الحمر وتحت عيونه اسود وطول الوقت يشوفلي ، انا لفيت الوشاح علي وجهي كله وهو مزال مستمر يشوفلي لين اربكني وحسيت ان سنابل تشوفله وتشوفلي . لا ياربي الا صاحبتي😢 دخلها وقعمزو شوية وجت لمصورة صورتهم كدا لقطة وبعدين طلع وحنى مشينالها
انا / الف الف مبروووك سبولتي😍
سنابل / الله يبارك فيك يا روح قلبي عقبالك😍❤
حنين / تهبلي يا سوسو نيال فؤاد 😍
سنابل / 🙈 ،، هيا هيا ناخدو سيلڤي..
انا / هي.. وخدينا اكتر من سيلڤي ،، وبدي فيها الشطيح والرديح ع المسرح مع الزمزامات عاد نويرة حتى هيا 🙈❤ رقصنا لين حيلنا انهد وقعمزنا ف اخخخر طاولة انا وحنين وحولنا الكعب
حنين / ااه يا رجليا 😖
انا / انا رجليا وعظامي وجسمي كله 😖
حنين / شفتي رحمة كيف طالعة 😍
انا / اي تهبل رحمة نيتها الطيبة غالبة جمالها❤
حنين / مش زي سلفتها 😒 الدبه
انا / فكينا من القرمة عاد 😖
حنين / والنبي ضمي فمك اللي يشبح يقول علينا قاعدين نسبحو قدام مكة ، تي ماهو الشياطين تردس وتتنطط معانا 😒
انا / 😂😂😂 تي باااهي وحني ناقصين يا همي
حنين / شوفي سنابل تأشر خلي نمشو نشوفوها
انا / استني نمشو للحمام نساوو روحنا لان مكياجك سايح مولية زي الباندة
حنين / كدابه 😳
انا / وحق ربي😂😂
خشينا للحمام واسينا روحنا وشعرنا ومشينا لسنابل
سنابل / شفتوها لكلبة سلسبيل شفتوها؟؟
حنين / خيرها ؟؟؟؟
سنابل / ولا كأن عرس اختها مقعمزة مع صحباتها و حتى السلام مسلمتش عليا 😡
انا / قصدك قاعدين متعاركين؟
سنابل / هيا زي البلوة متبيش تكلمني بكل ولا تدخل ف امور العرس..
انا / تو تنحل بينك وبينها بعد العرس معليشي متواخديهاش وخيتك
سنابل / والل لومجتش وسايرتني وهدرزت معاي،قدام الناس ما عاد مكلمتها
انا / تو وقته هدا ! فوتيها صغيرة
سنابل / خيرك انتي جاية معاها؟؟
انا سكتت /
حنين / تي فووتي يا بنتي فووتي اهي امك جاية اسكتي
أنت تقرأ
رواية في_لمح_البصر
Romanceروايه ليبيه تحكي عن فتات اختفاء كل شي في حياتها في_لمح_البصر و الروايه منقوله لي الكاتبه #بلقيس
